ملاحظات ومشاهدات اختبار المناطق (الرياض) الترم الثاني 1434

[فهد العنزان]

بسم الله الرحمن الرحيم

السلام عليكم ورحمه الله وبركاته ،،،

الحمدلله والشكر بأن منا علينا اتمام اختبارات المناطق للفصل الدراسي الثاني 1433-1434هـ لطلاب الانتساب .
وبعد الانتهاء لابد من ذكر الايجابيات والسلبيات

السلبيات :

اولا مكان الاختبار الموقع (منطقة الثمامة) المكان بعيد جداً خصوصا للطلاب مما يسكن جنوب الرياض او غربها ناهيك عن الطريق الخطر بعد دوار العويضة مكان تواجد الشاحنات !!!
لانعلم ع اي اساس تم اختيار المكان !!!
الموقع السابق كان افضل
ثانياً كثرة الحشرات من ذباب وبعوض طيارات ارض جو في القاعات والمسجد !!!
ثالثا المواقف الخروج بعد الاختبار للكثرة السيارات ولسوء تنظيم (حراس الامن) المتواجدين في السيارات او امام البوابة وعدم التنظيم خصوصا من يأتي متاخر ويوقف سيارته بشكل مخالف !!!
رابعا آخر يوم من الاختبار مساء لم يتم وضع عصير ربيع هههههههههه ع الطاولة وكان هناك طالب معترض للامر هههههههه فله .
الايجابيات :
اولا (قاعات الاختبار) كبيرة ومنظمه والتبريد ماشاء الله جميل والاضاءة ممتاز والمساحة كبيرة .
ثانيا (المراقبين) متعاونين من معهد العالمية يختلفون في التعامل ولكن الجميع متعاون لم اشاهد اي ملاحظات الا مراقب واحد حريص مرة واقف على راسي وقت اختبار مادة القراءات باللغة الإنجليزية يحسبي اغش هههههههه اخبرته بطريقتي لحل اسئلة الانجليزي بهذه الطريقة وبرجاء بأن يبتعد عني ويكتفي في المراقبة من بعيد ههههههههه ابتعد بارك الله فيه.
ثالثا وضع ماء (ابو نصف ريال من شركة هنا + عصير ربيع ابوريال بارد منوع) كل فترة من فترات الاختبار.
رابعا ادخال الطلاب قبل وقت الاختبار بنصف ساعة او تزيد ويتم توزيع نموذج الاجابة والبدا في الاختبار بعد توزيع النماذج (الاسئلةع الجميع) يتم البدا بحسب الوقت من خلال ساعة (الإلكترونية) بعد اشارة المسؤال للمراقبين.
نأمل من إدارة الجامعة والمسؤولين عن اختيار موقع الاختبار عدم اختيار المكان العام القادم كختبار للطلاب وعلي الجامعة انطلاقا من (ميثاق حقوق الطالب الجامعي الحقوق والواجبات) عمل استبانة او التصويت للاختيار موقع الاختبار من خلال مشاركة الطلاب في الامر !!!
ان كان الجامعة فعلا تعمل في (الميثاق) ههههههههههههههههه
كتبه محبكم ابو فيصل
والله اعلى واعلم
والسلام عليكم ورحمه الله وبركاته

[Ro0oK]

جزاك الله خير

[عبدالرحمن الرياض]

اكبر سلبية هي تدخل الاجانب في الموضوع واختيار الموقع السيء جداااا لهف فلوس المسملين بوجه غير حق

حسبنا الله ونعم الوكيل على الي اختار المكان والي وافق على المكان والي وقع على ورقه اختيار المكان

[manss-2010]

ما نقدر نزيد ولا ننقص على كلام أخونا أبو فيصل وياااااا كرهي للي يوقف على راسي وانا اجاوب ما اكمل الى ان يروح من عندي و طرحك وافي يا أبو فيصل والله يعطيك العافيه كفيت ووفيت

[االرياض]

كلام سليم وأنا أوافقك أخوي فهد
المكان سيء جدا جدا جدا جدا جدا

[asd997]

تحال هذي المعاملة الى الجهات المختصه للإطلاع واتخاذ الإجراء المناسب حيال هذا الموضوع

ههههههههههههههههههههه

ان شاءالله يوصل موضوعك لجامعتنا الموقرة يبو فيصل

كل التوفيق لكم يا اهل المناطق

[بدايتي]

نعم اخوي ابوفيصل

المكان ممتاز من حيث الترتيب والتكييف والنظافة

لاكن موقعها خارج الرياض

بعيده جداً عن كل الطلاب وعن الخدمات وكل شئ

الموقع سئ جداً جتى ان بعض الدكاترة قابلتهم ويتذمرون من المكان

انا عن نفسي لن اختبر مناطق الترم القادم

[ابوحنيـن]

العيب الوحيد بنظري بعد المكان وسوى التنظيم خارج المقر وخصوصا

لا يوجد الا طريق واحد لداخل والخارج وزحمه

وبعدين المراقبين كثار كثر الدبا مايمديك ترفع راسك

[ابويوسف العنزي]

يعطيك العافية اخو ابو فيصل كفيت وفيت عن الايجابيات والسلبيات للموقع

[ماجد عبد العزيز]

كلامك في محله وجميع ملاحظاتك كلها كانت علي لساني اشكرك يا فهد