ضرووووووووي مساعده الله يوفق الي يرد

[memox3]

السلام عليكم
ياليت احد يفيدني انا طالبة انتساب تحضيري ومن الاساس تخصصي علمي بس عزوز ماقبلت
هل ممكن انو اقدم للانتظام من جديد مع الدفعه الجايه واسيب الانتساب او لا ؟
لانو مرررررررره نفسي طب وانا احوب العلمي الله يجزاه كل خير الي يفيدني

[❤ α̲и̲єєи̲]

وعليكم السسلام ورحمة الله وبركاته


طبعًا تقدري بس اهم شي موزونك يكون نفس الموزونة الي يقبلو فيها دفعة السنة الجاية
ممم لا تسحبي من الانتساب الا لين تنقبلي ف الانتظام افضضل ..


موفقة يارب

[memox3]

يعطيك العافيه
اكيد ما بسحب لانو حرام اضيع دي السنه وفي النهايه مايقبلو
بس ما يصير مشاكل ولا لخبطه لانو حكون مقدمه في حاجتين ؟

[الفارس222]

اهم شي شهادتك ماعدا على ثلاث سنوات

[❤ α̲и̲єєи̲]

المشاركة الأصلية كتبت بواسطة الفارس222 اهم شي شهادتك ماعدا على ثلاث سنوات

االله يسعدكك ذكرتني

...
مافي تعارض
بس زي ماقال فارس ماتزيد السنوات من تاريخ تخرجكك عن تلاتة سنوات
والموزون لازم يكون محقق لشروط القبول وقتها


موفقة والله يكتبلك الخير

[memox3]

لا الحمد لله انا خريجه السنه الي فاتت
الله يعين بقدم اختبار انتساب الاسبوع الجاي وبقدم طلب انتظام واذا ليا نصيب دخلت
واذا لا كملت انتساب واخترلي اي تخصص
اسمو نجرب ادا مافيها ضرر على دراستي دحين اقدم واشوف حظي
جزاك الله خيييير ومررره يسلمووو

[memox3]

للاسف صحبتي سألت العماده اليوم وقالو لها ماتقدر تقدم في برنامجين مختلفه
لازم اول تسحب من الانتساب قبل تبدا التقديم للانتظام
حررام اسوي كذا واسحب واضيع سنه وفي النهايه ما اتقبل

[❤ α̲и̲єєи̲]

المشاركة الأصلية كتبت بواسطة memox3 للاسف صحبتي سألت العماده اليوم وقالو لها ماتقدر تقدم في برنامجين مختلفه لازم اول تسحب من الانتساب قبل تبدا التقديم للانتظام حررام اسوي كذا واسحب واضيع سنه وفي النهايه ما اتقبل

للاسف اغلب الي ف العمادة يصرفوا من غير علم
اناا اتكلم بناء على تجارب الناس

وكثير قدموا بدي الطريقة وهوما يدرسو ولما جاهم القبول انتظام عملو طي قيد للانتساب واكملو اجراءات القبول

وابشركك وحدة صديقتي لما جاها القبول كمستجدة انتظام التيرم هذا
عادلو لها الي درستو انتساب في التحضيري واتخصصت اعلام ع طول
وقالو لهاا هيا حرة تعيد التحضيري انتظام او لا...
وهيا اختارت تتخصص ع طول

والحمدلله كل امورها تمام

٠٠٠٠

انا مسؤولة عن كلامي

قدمي للانتظام ولاتسحبي من الانتساب الا لما يجيك قبول انتظام بمشيئة الله تعالى
الشي الي ماتقدري تسويه انك تدرسي برنامجين ف نفس الوقت

مموفقة ....

[memox3]

يعطيييييييك العافيه
مع انو خايفه بس بقدم لمن يفتح السبت وان شاء الله يقيلوني انتظام علمي
الله يجزاك كل خييييييير

[قــلـــــجـــــدةـــــــب]

طيب كيف اقدر اقدم انتظام انا نفس حكاية الاخت علمي ودخلت انتساب ونفسي احول انتظام ابغا مواد علميه
ارجوووو المساعده ماعرف شي وكيف اروح للعمادة ولا بالنت ولا كيف وإيش الطريق ؟؟؟؟؟
وربي كلامك اداني امل كبير بجد اتمنى احول انتظام علمي