تنبيهات هامة لطلاب الرياض

[فهد العنزان]

السلام عليكم ورحمه الله وبركاته وبعد ،،،
اود بأن انبهكم بما ان موقع الاختبار اصبح بهذا الترم في منطقة الثمامة بأن اضع لكم بعض التنبيهات لمن سوف يختبر إن شاء الله خصوصاً (يومي الاربعاء والخميس)
أولاً يوجد على امتداد الطريق سيارات ساهر وبعض الصناديق (الحذر) والتقيد بالسرعة المحددة على الطريق لسلامتك وكذلك للمخالفات .

ثانياً من يصادف وقت اختبارة يوم الاربعاء او الخميس من الظهر إلى المساء فعليه الحضور مبكرا لان الطريق يزدحم بالعائلات والشباب من بعد الظهر إلى المساء .

ثالثاً الحضور قبل وقت الاختبار بوقت كافي خصوصاً لمن يسكن جنوب وغرب الرياض ولديه اختبار الساعة 7.30 ص اعمل حسابك ع زحمة خروج الموظفين للذهاب للعمل.

رابعاً لمن يسكن جنوب وغرب الرياض افضل طريق للذهاب للثمامة في كل وقت الجسر المعلق ومن ثم يتم اخذ الطريق والمخرج من عند شركة سابك ومن ثم التوجة للثمامة صحيح بعيد ولكن افضل طريق تكون السرعة فيه والانسيابيه عالية .

تمنياتي لكم التوفيق والسداد

[asd997]

دائما سباق للخير يبو فيصل

شكرا على التنويه

وكل التوفيق لكم يا اهل الرياض

[أحمد 14]

مشكور اخوي فهد الله يعطيك العافية

وحسبي الله ونعم الوكيل على من اختار هالموقع السيء


الله يكتبله المصائب مثل ما راح يكتبها لنا بسبب سوء اختياره
الله يستر على الجميع ماعداء من تسبب في اختيار هالموقع

امطار والمسافه بعيده وضعف نظر والاضاءه خفيفه وراح يكون فيه زحام بالطريق ويسبب تاخير للطلاب والوضع النفسي راح يكون سيء
حسبي الله وتعم الوكيل عليه الله لا يوفق من اختار هالموقع
وان شاء الله نسمع عنه ما يسرنا الله يجعل جميع اموره هموم مثل ما سببلنا الهم

[عبدالله بن سليمان]

بيض الله وجهك

ماقصرت

[pop200]

شكراً لك من القلب

[Zanetti]

ما قد شفت قرار اتخذته الجامعة في مصلحة الطالب ,,

قرارات رجعية تتعسف بحق طلابها ,, موقع اختبار سي للغاية

وفي آخر الرياض ,, وشكلهم غيروا الموقع القديم " المروج " لإرتفاع التكلفة ,,

طيب وين تروح 3000 ريال اللي يدفعها الطالب بداية كل ترم وين تروح 1000 ريال اللي يدفعها الطالب

لإختبارات المناطق ,, جامعة الملك فيصل تقيم اختباراتها في جميع المناطق والمحافظات الكبيرة ,,

وتحدد كذا موقع في نفس المحافظة أو المدينة للاختبار ,, موقع للشمال والشرق والغرب والجنوب ,,

أما جامعتنا الفاشلة فليس الطالب لها أهمية تضعه في المكان الرخيص وفي البر أيضاً ,,

ما أقول إلا قربت الفكة من هذه الجامعة الفاشلة ,,

[i abdullelah]

شباب الاختبار في قاعه شبيهه بالافراح

طبعا من الحين اقولكم ومالي دخل انا حاجز المنصه مفهوووووووم

[حلم 2014]

الله يجزاك خير اخوي فهد على التنبيهات الكريمة

والله يوفق الجميع وفالكم a+ يارب


بس مدري اتوقع اللي يجيب درجات عالية بيفاجؤنة بزوجة

[al7b_5aled]

قريت من احد الاخوه يقول ان طريقها رملي ومو مزفلت .. صحيح ؟؟

[صقر الشمال]

الثمامه مره وحده هههههههههههههههههههههههه
يعني تختبر وطعس احلي شي
بحول اختباري عندكم
جاري البحث عن التحويل