اي افضل اسجل بالامام او بجامعة الملك عبدالعزيز وانا من الرياض

[دموع ورد]

كيف حالكم جميعا

محتاجه مساعدتكم اخواتي

انا من الرياض وحابه اسجل انتساب ومحتاره بين الامام وعبدالعزيز مع اني مرتاحه للجامعة عبدالعزيز اكثر بس اللي يغصبني على الامام لانها بالرياض

ايش المميزات اللي القاها بجامعة عبدالعزيزومااحصلها بالامام ؟؟؟؟
مع االعلم اني بالرياض هل اقدر اختبر بالرياض والا لازم حتما اروح لجده وقت الاختبارات؟؟؟؟

ياليت تساعدوني ولكم جزيل الشكر

انتظر اجابتكم على احر من الجمر

[مقتضيات العدالة]

كل جامعها ولها مميزاتها

[شمس الرياض]

الرياض احسن وافضل

واحسن تطور من جده

فيه التعليم عن بعد

[koko007]

اذا سجلتي يجامعه الملك عبدالعزيز تقدري تختبري بالرياض في السنه التحضيريه يعني اول سنه وبعدها تكون اختباراتك

بجده والله يوفق الجميع انشاءالله .

[تــــركي2000]

الامام افضل وبدون رسوم باستثناء الدوره التاهيليه

[majed99]

الامام افضل بكثير

يكفي انه قريبه لعندك

متطوره اكثر من عبدالعزيز

[mr-kash]

والله ردود الاخوان ما ادري على اي اساس ... من وقع خبرة او تجربة او بس لانها توها الي بدات الانتساب
اولا بالنسبة للتقنية انا سألت ناس انتسبوا لجامعة الامام وتعبانين في الحصول على الملخصات والمعلومات وكل شي ما يقدر يلقى شي في النت او عن طريق النت كلوووووووووو لازم يروح الجامعة ولو لاتفه الاسباب
بعدين انا ماسمعت انها بلاش هي ب 2500 ريال ولكن الجامعة توها مبتدئة في الانتساب يعني الطالب راح يتعب معاهم شوي
انا انصح بعبدالعزيز لان طريقتها واضحة جدا والملخصات متوفرة في كل مكان واي استفسار الا ماندر راح تلقيله جواب إن شاء الله

[دموع ورد]

الف شكرعلى ردودكم ,,بس مين قال ان الامام متطوره اكثر بالعكس انا كنت بمنتدى الدوره التاهيليه تبع الامام والله كثير يشتكون حتى ان في منهم يسجلون وبعد شهرين حتى انقبلوا ,,حتى شكل الجامعات الخاصه بالطالبات مره كئيبه والخدمات ماهي متوفره فيها بالنسبه للمنتظمات كثير يشتكون

وبالنسبه لشهادة الانتساب المطور ماادري ساعه يقولو معترف فيها وساعه لا..وساعه تعادل شهاده المنتظمه وساعه ماتسوى شهاده الانتساب المطور والله حيره !!!

بس الاخ اللي قال اول سنه بالرياض بعدين بجده متاكد من هالكلام اذا كذا بلاش جامعة الملك عبدالعزيز لان من سابع المستحيلات اروح لجده ..انا وبالرياض بالموت القى اللي يوديني اقط خشتي عند اخواني واشحذهم الروحه

عموما ماقصرتم وجزاكم الله كل خير

[الهنوفــ]

الله يوفقك ان شالله
الرياض احسلك مو عن خبره بس انتى ماعندك احد يوديكي تقولي جامعه اجل شلون جده
ولاختبارات بعد السنه تحضريه تكون بجده ماتكون برياض

[FAALENAZI]

انا توني منسحب من جامعه الامام مع العلم اني عديت الدورة التاهيلية وبديت في المستوى الاول بس ماكملت وانسحبت والى الان لم استلم شهادتي وارسلت طلب الاتحاق في جامعه الملك عبدالعزيز .

الدارسة في جامعه الامام بدائية ولا تتواكب مع متطلبات الوظيفه !