للي ماعنده بطااااقة ترشيح ويبغى يطبعلوا وحدة يدخل هناا

[Miss-Perfect]

سلاااااااااااام ياقدعاااااان

للي ماعنده بطاقة ترشيح والي راحت عليه ومع اني احس انو مالها داعي مداام نعرف رقم الترشيح
بس يعني تحسبا من التحرشات الاكاديمية واللكاعة ومواجهة بعض الناس الي قافلة اخلاقهم مع صباح الله خير

حطيتلكم الفورمة حقت بطاقة الترشيح طبعاا امشو على نفس الخط يعني في حالة واجهتو احد مسوي فيها ذكي وطبعا اسمك بالانجليزي كلو كابتل ابر كيس وغيرو اسم الكلية والقسم وطبعن اهم شي تكتبوا رقم الترشيح فوق الي بالاحمر..
فالي حاب يطبعها فهي موجودة عندكم في المرفقااات وسلامتكم
وطبعن لاتنسونا من دعواتكم

[abdulaziz lady]

روحي ياشيخة الله يوفقك
ونستيني بالفكرة خاصة مع اللي مقفلة معاهم من الصباح
وهم كثر..
ونستيني بعد بكاااااااااء..
قسم اللغات الأوروبية ليس لهم برنامج هذا العام..
والحمدلله..

[وهج بسمتك]

ماعندي طابعه وش اسوي
؟؟؟؟؟؟؟؟؟؟؟؟؟؟؟؟

[Miss-Perfect]

المشاركة الأصلية كتبت بواسطة abdulaziz lady روحي ياشيخة الله يوفقك ونستيني بالفكرة خاصة مع اللي مقفلة معاهم من الصباح وهم كثر.. ونستيني بعد بكاااااااااء.. قسم اللغات الأوروبية ليس لهم برنامج هذا العام.. والحمدلله..

معلية ان شاء الله قريب يفتحوه
قالوا لصحبتي انو الماستر في الانجليزي مايشترط نسبة معينة بس يعتمد على التوفل اهم شي تجيبي 500 وفوق :) بس الله يستر من اختبار قبول الانجليزي حق الماستر اكيد راح يكون في الادب وخراابيط والا لو على اللغة كان هين..
بس هل عندك خبر انهم يفتحو ماستر في الترجمة؟؟ لانه لو كان فيه كان قدمت فيه.. مرره خلاص مابغى اليتررتشر والينقويستز كفاية فيه البكالوريس

[Miss-Perfect]

المشاركة الأصلية كتبت بواسطة وهج بسمتك ماعندي طابعه وش اسوي ؟؟؟؟؟؟؟؟؟؟؟؟؟؟؟؟

تقدري ياقمر بعد ماتعبي بياناتك ترسليه ايميل لاحد عندو طابعة
او سيمبلي حطيه بيو اس بي والا بسي دي فاضي واطبعيه من اي مكتبة تطبع من الكمبيوتر

[نجاة الفرسي]

الاسم رباعيا : فلانة علان فلون المعلل
FULANA ELAN FLOON AL-MEALEL Name :

انا طبعت ترشيحي من اول يوم ما استنيت دقيقه وكمان 4 نسخ

بس ما عجبني من الموضوع الاا دااااااااااااااا
المعلل

الله يوفقك يا شيخه ويسعدك ويجعلك من المقبولين دنيا واخرة
وربي ماشاء الله فكرة خنفشااااااااااااريه
ربي يسعدك ويفتحهااا بوجهك زي ماعملتي مع البنات والناس المزنوقه

قولوا اميييييييييييين

[همسة الإيمان]

أسأل العلي القدير
أن يفتح لك أبواب رحمته
ويسعدك دنيا وآخره
آمين

[همسة الإيمان]

معليش أختي طلع عندي بعض
التساؤلات
أنا لما كتبت رقم الترشيح طلعت الأرقام عربيه فهل كُـتبت بالانجليزي في ورقة الترشيح الأساسيه
بعدين الورقة لونها أبيض أنا يتهيأ لي إنها كانت زرقاء
وكمان التاريخ نعدله ولا لا
معليش ثقلت عليك
لكن خايفة من تعكسات الجامعه أخاف يقولون عني مزورة هههههههه

[Miss-Perfect]

المشاركة الأصلية كتبت بواسطة الدميه الفاتنه الاسم رباعيا : فلانة علان فلون المعلل fulana elan floon al-mealel name : انا طبعت ترشيحي من اول يوم ما استنيت دقيقه وكمان 4 نسخ بس ما عجبني من الموضوع الاا دااااااااااااااا المعلل الله يوفقك يا شيخه ويسعدك ويجعلك من المقبولين دنيا واخرة وربي ماشاء الله فكرة خنفشااااااااااااريه ربي يسعدك ويفتحهااا بوجهك زي ماعملتي مع البنات والناس المزنوقه قولوا اميييييييييييين

معليه مخي ضرب مع هالقبول الي مو راضي يخلص
اضطريت اكتب اي حاجه بدالها وبنفس الصيغة عشان مايكتبو بعض البنات فلانة بنت فلان
وكمان عشان يجي معاهم نفس الخط هنا في مخ ياماما مو ملوخيه هههههه
تسلمي يالغالية الله يسمع منك ياقمر وان شاء الله لكي مثلها
الله يكتبلنا الخير وين ماكان

[Miss-Perfect]

المشاركة الأصلية كتبت بواسطة همسة الإيمان معليش أختي طلع عندي بعض التساؤلات أنا لما كتبت رقم الترشيح طلعت الأرقام عربيه فهل كُـتبت بالانجليزي في ورقة الترشيح الأساسيه بعدين الورقة لونها أبيض أنا يتهيأ لي إنها كانت زرقاء وكمان التاريخ نعدله ولا لا معليش ثقلت عليك لكن خايفة من تعكسات الجامعه أخاف يقولون عني مزورة هههههههه

ههههههههههه يختي حتى لو قالوا مزورة انتبهي خليك مصرة على الكذبة قولي كذا طلعلي من أول ماقدمت انتبهي لاتكلجي
هياا كدا لونها مدري ان كان حاطين لكل كلية لون فدا حاجة ثانية أسالي البنات الي من قسمك عشان تتاكدي لو هاداا لويينهاا مو مشكلة
التاريخ هوا كداا وهوا التاريخ الاول قبل مايغيروه لاتغيريه
بالنسبة لرقم الترشيح بالانجليزي مكتوب حوليه انجليزي وادا مو راضي اكتبيه في اي مستند ثاني وسويلو بيست ;) وادا تعكس معاكي اكتبيه بالعربي وادا قالوا فيه هرجه قوليلهم انه انتي لمن سويتلي بيست لورقة الترشيح يوم قدمتي طلعتلي كدااا وصدقيني ماراح يقولو شي
اصري على الكذبه هههههههههه خليك واثقة انو انتي صح هما لو واثقين في السيستم حقهم كان ماتقدريلهم بس مستحيل ياماا جاتهم شكاوي وياماا فيه ناس ماقدرو يقدمو

ومافيش تثقيل والا ايتوها حااقة اي استفسار اي سوال انا هوناا
وتسلمي ياقمر على دعائك ولك مثلها ان شاء الله