ابغى ادرس عمارة بس انا بنت :/

[heba.]

السلام عليكم
انا من يوم ماعرفت نفسي وانا حابة اكون مهندسة معمارية ونفسي حلمي هادا يتحقق في يوم من الايام

وكم مرة عملت اختبار تحديد ميول يطلعلي هندسة معمار بس اهلي وصحباتي بيقولولي مو مناسب للبنات و وحدة صحبتي بتدرسو فجامعة عفت تقول انو مرة متعب لدرجة انها تجلس مواصلة يومين ع البحوث والواجبات حقتهم
بس لانو ميولي فنية و انا رسامة اكيد حيناسبني

تتوقعو ممكن يفتحو دا التخصص السنة الجاية او اللي بعدها ؟؟؟
وكمان ايش التخصصات الهندسة المناسبة للبنات ؟؟وتكون ""سهـــــلة"" و مايكون كرررررف<< عشان ممكن اتزوج وانا سنة تانية

واللي عرفتو انو اصعب شي الكهربا وبعدها الكيميائية واسهلهم الصناعية هل الكلام دا صحيح
ما ابغى واحد يجيني يقولي السهل هو التخصص اللي تحبيه ويكون ميولك
,وكمان ابغى اسئلكم عن الهندسة الطبية الحيوية كيف مستقبلها ودراستها اصعب من هندسة الكهربا ولا اسهل ؟؟
معليش احس موضوعي ملخبط

[kingOFweal]

1- مافي حاليا تخصص هندسة معمارية ( تصاميم بيئة ) للبنات
حاليا ما ابغا اتفلسف لكم ممكن تسالين عنه بـ منتدى كلية تصاميم البيئة
2- اسهل تخصص من كلية الهندسة متاح للبنات حاليا هي الصناعية دراسة ووظيفة يعني ممكن تكوني ادارية اكثر من ميدانية !

وهذي متوسط اراء الناس والامر كله راجع لك
بالتوفيق...

[M7mmd.Y]

وعليكم السلام ورحمة الله وبركاته،،،

المشكلة انو الهندسة المعمارية في كلية ثانية، مو عندنا، الموجود للبنات: صناعية - كهرباء حاسبات

رأيي انهم احسن تخصصات للبنات بحيث لا فيهم سفريات والشغل في مكان واحد، في اغلب الوظائف يعني

كل واحد يشوف التخصصات بطريقته، يعني انا اشوف ان الكهرباء صعبة، وممكن طالب الكهرباء يشوف الكيميائية صعبة

لكن اشوف ان الواحد ينكرف في الشيء اللي يحبه، احسن من انه يدخل شيء سهل وهو ما يبغاه

يعني لو مو شايفة نفسك غير في الهندسة المعمارية، تقدري تدرسيها في عفت، بس ما اعرف كيف المستقبل الوظيفي

لو إن شاء الله قررتي تدخلي هندسة عندنا في الجامعة، التخصصات الحالية للبنات حلوة، ومستقبلها حلو

وإن شاء الله قريب ما تتخرج اول الدفعة بتجيهم عروض من الشركات، لأنها اول دفعة بنات فـ اعتقد بيكون فيه تنافس

* الطبية للأولاد بس للأسف =)

مع السنوات الجاية بيفكو تخصصات ثانية للبنات، يعني وقت ما تدخلي انتي وتعدي السنة التحضيرية بيختلف الوضع ممكن

الله يوفقك،

[Ro7y T7Bk]

اظن برا يدرسوها هنا مالها سوق حسب ما اعرف .. بس الله يكتبلك الخير

[heba.]

,
,
بالنسبة لهندسة الطبية انا قريت بالجريدة انهم حيفتحوها قريبا هي وهندسة الاتصالات و الهندسة الكيميائية ... بس مو كلها يعني كل سنة يفتحو حاجة وانا على داك الوقت ان شاء الله يكونو فتحو تخصصات حلوة

طيب يامحمد ابغى اسئلك كم سؤال كدا :)
انا افكر ادخل هندسة كيميائية بس كل الناس خوفوني وقالولي انها مررررررة صعبة ودا اصعب تخصص بالهندسة :/ و كمان اصعب من الصيدلة 0.o معقولة
مع انو نفسي فيها هي او الهندسة الطبية << طبعا لو فتحو عمارة راح ادخلها وما اقرب منهم ^.^
وبما انك بتدرس دا التخصص ايش رايك فيه
هل التخصص يستحق كل دا التهويل
وكمان ايش اسهل هو ولا الهندسة الطبية
و هل هو قريب من تخصص الصيدلة
وكمان هل تتوقع لو مستقبل بسعودية "جدة" خصوصا للبنات
اتمنى انك تشوف اسئلتي وترد علىها

[heba.]

,
,
بالنسبة لهندسة الطبية انا قريت بالجريدة انهم حيفتحوها قريبا هي وهندسة الاتصالات و الهندسة الكيميائية ... بس مو كلها يعني كل سنة يفتحو حاجة وانا على داك الوقت ان شاء الله يكونو فتحو تخصصات حلوة

طيب يا M7mmd.Y ابغى اسئلك كم سؤال كدا :)
انا افكر ادخل هندسة كيميائية بس كل الناس خوفوني وقالولي انها مررررررة صعبة ودا اصعب تخصص بالهندسة :/ و كمان اصعب من الصيدلة 0.o معقولة
مع انو نفسي فيها هي او الهندسة الطبية << طبعا لو فتحو عمارة راح ادخلها وما اقرب منهم ^.^
وبما انك بتدرس دا التخصص ايش رايك فيه
هل التخصص يستحق كل دا التهويل
وكمان ايش اسهل هو ولا الهندسة الطبية
و هل هو قريب من تخصص الصيدلة
وكمان هل تتوقع لو مستقبل بسعودية "جدة" خصوصا للبنات
اتمنى انك تشوف اسئلتي وترد علىها

[Ro7y T7Bk]

الكيميائية مو صعبة بس موادها دسمة ولازملها دراسة اول ب اول و تعتمد على الحفظ و الفهم سوا و الننوية و الكهاربائية و الميكانيكية اصعب منها فـ بلاش الكلام الي تسمعيه

[AbsolutioN]

الهندسة المعمارية تتبع لكلية تصاميم البئية و ليس الهندسة

بالنسبة للتخصصات اللي حتتوفر للبنات إبتداءا من السنه القادمه بكلية الهندسة هي صناعية و حاسبات (كهرباء)

و بالنسبه لكلية تصاميم البيئية سمعت من واحد من الشباب يدرس في هذي الكلية ان إبتداءا من السنه القادمه سوف يتم فتح تخصص هندسة داخلية و معمارية للبنات و لكن غير مؤكد بنسبة 100%

و ترى بالنسبه للي يقلك ان مثلا الكيميائية اصعب من الكهربائية ولا الكهربائية اصعب من الكيميائية او أي شيء ثاني
مع إحترامي للجميع ولكن هذا كلام غير صحيح جميع التخصصات صعبة ولا يوجد تخصص سهل و هي تعتمد على ميول الشخص نفسه فإذا كان حاب التخصص و ميولة للتخصص اللي دخله بالنسبه ليه حيكون التخصص سهل

[heba.]

المشاركة الأصلية كتبت بواسطة absolution الهندسة المعمارية تتبع لكلية تصاميم البئية و ليس الهندسة بالنسبة للتخصصات اللي حتتوفر للبنات إبتداءا من السنه القادمه بكلية الهندسة هي صناعية و حاسبات (كهرباء) و بالنسبه لكلية تصاميم البيئية سمعت من واحد من الشباب يدرس في هذي الكلية ان إبتداءا من السنه القادمه سوف يتم فتح تخصص هندسة داخلية و معمارية للبنات و لكن غير مؤكد بنسبة 100% و ترى بالنسبه للي يقلك ان مثلا الكيميائية اصعب من الكهربائية ولا الكهربائية اصعب من الكيميائية او أي شيء ثاني مع إحترامي للجميع ولكن هذا كلام غير صحيح جميع التخصصات صعبة ولا يوجد تخصص سهل و هي تعتمد على ميول الشخص نفسه فإذا كان حاب التخصص و ميولة للتخصص اللي دخله بالنسبه ليه حيكون التخصص سهل

انا عارفة انها تابعة لكلية تصاميم البيئة بس حسيت اني لو سئلتهم ما راح يردو علي
طيب انا احساسي يقول انو حيفتحو عمارة للبنات بس مو السنة الجاية يعني ممكن بعد سنتين
بس السؤال هل حتكون تابعة لكلية الهندسة ولا حيفتحوها فكلية لحالها"تصاميم البيئة"
لان تخصصات كلية تصاميم البيئة اغلبها خاصة للاولاد ماعادا العمارة
يعني معقولة يفتحو كلية بس عشان تخصص واحد ؟؟

[AbsolutioN]

المشاركة الأصلية كتبت بواسطة heba. انا عارفة انها تابعة لكلية تصاميم البيئة بس حسيت اني لو سئلتهم ما راح يردو علي طيب انا احساسي يقول انو حيفتحو عمارة للبنات بس مو السنة الجاية يعني ممكن بعد سنتين بس السؤال هل حتكون تابعة لكلية الهندسة ولا حيفتحوها فكلية لحالها"تصاميم البيئة" لان تخصصات كلية تصاميم البيئة اغلبها خاصة للاولاد ماعادا العمارة يعني معقولة يفتحو كلية بس عشان تخصص واحد ؟؟

ما اعتقد انها بتكون تتبع لكلية الهندسة و السبب ان ترى التخصصات الباقية (غير المعمارية) ما اشوف انها فقط تليق للطلاب !
يعني ممكن أي بنت تدرس تخطيط او عمارة بيئة

و غير كدا ممكن يضيفو تخصصات ثانية مثل الجرافيك ديزاين و التصميم الداخلي
و كل شيء بيتضح مع الوقت لانه الى الأن ترى مافي شيء مؤكد بنسبه 100%