شرح اجراءات التخرج ودراسة الحالة بالتفصيل لطالبات الانتساب

[فراشة جدة]

السلام عليكم ورحمة الله وبركاته

اسعد الله مساءكم

انا اليوم الحمد الله عملت كل اجراءات التخرج ودراسة الحالة وسلمت ورقي للعمادة
وكنت حايسة ومدري فين اروح وكثير بناتي زي كل وحدة تسال الثانية فحبيت انزل موضوع واشرح ايش عملت بالزبط عشان الكل يستفيد

اول شي تروحوا العمادة وتاخدو ورقة التخرج اللي هي هادي تعبوا بس فقط الجزء الاول مكتوب معلومات الطالبة اما اللي تحت المشرفة تعبية انتوا ماتكتبوا فيه شي



وواللي ماعندها جواز سفر تاخدي هادي الورقة ،، اما اللي عندها خلاص مايحتاج





وبعدين تروحوا مبنى الاقتصاد والادارة عند غرفة الحذف والاضافة قبلها بشوية رح تلقوا صناديق فيها اوراق كثيرة هادي الاوراق اسمها دراسة حالة ،، تاخدوا حقت القسم حقك اللي هو ادارة عامة التنظيم والتطوير الاداري شوفوها بالصورة










هادي الورقة تعبوها كلها تحطوا صح امام كل مادة درستوها طبعا بما انك تخرج يعني كل المواد تحطي عليها صح
وتحت تكتبي رموز المواد الاختيارية والحرة اللي اخدتيها
وبعدين تاخدي ال3 اوراق هادي وتروحي عند عبير حقت الحذف والاضافة هي بتاخد الاوراق بتوقعها وتختمها وتعطيكي برنت عن كشف الدرجات حقك من اول سمتسر لاخر سمستر
بعد ماتخلصوا طبعا انتي تكوني جايبة صورة من جواز السفر وصورة من الهوية وتاخدي كل هادي الاوراق وتروحوا على العمادة وتسلموها هناك وهي رح تشوفها وتقلك خلاص وبس ^^

نقطة مهمة : اللي رح تعمل اجراءات التخرج مرح تقدر تغير بجدولها نهائي لاتحذف ولاتضيف خلص رح تعتمدي جدولك اللي عملتيه اخر شي ،، عشان كده زبطوا جدولكم قبل ماتعملوا الاجراءات

ان شاء الله يكون واضح لا تنسونا من دعواتكم الطيبة

[الزهراااااني]

بالتووووووووفيق ان شاء الله ومبروووووووك التخرج مقدماً

[الله كريم الله]

الله يجزاك خير

غريبه قبلو يخلصون لك اجراءات التخرج الاسبوع الي فات قالت بعد اسبوعين

الادميه هذي كل يوم بكلام

[شيخة المملكه]

ماقصرتي جزاك الله خير

[moooly222]

ماشاءالله شرح وافي ومختصر
اتمنى من المشرفين تثبيت الموضوع لجهل الكثيرين بهذه الاجراءات

[only u]

جزاكي الله خير وربي يوفقك ويوفقنا جميعا

[سولار]

جعلك الجنه قولي امين :)

روحي ياشيخه الله يوفقك دنيا واخره

ويفرج همك مثل مافرجتي همي

دعواتك لي بالتوفيق

[sun2011]

الله يسعدك دنيا وآخرة ياااااااااارب. المهم ان شاءالله بس تتخرجي لاتنسينا

[سولار]

حبيبتي انا ما اعرف شي بالجامعه هذي سنه رابعه وحدي مبنى 420 ومبنى 9 اللي اعرفهم

فهل المباني اللي انتي قلتيها مكتوب عليها اسمائهم ؟؟

وين تصير غرفة الحذف والاضافه باي مبنى و ووين بالضبط ؟؟؟

ولما رحتي الجامعه اليوم من اي بوابه دخلتي اقصد في بوابات مخصصه للانتساب ولا من اي بوابه وخلاص؟؟؟

كمان اخر سؤال انتي كذا خلاص خلصتي يعني مو لازم تراجعين الجامعه ان شاء الله مو ؟؟


اتمنى تردي على اسألتي :)

وبالتوفيق ياااارب

[فراشة جدة]

المشاركة الأصلية كتبت بواسطة الزهراااااني بالتووووووووفيق ان شاء الله ومبروووووووك التخرج مقدماً

الله يبارك بعمرك يارب ،، ثنكيوا ^^