السيرة الذاتية في الماجستير العام

[Amirah ,,]

السلام عليكم ,,
السيرة الذاتيه اكتبها في الماجستير العام أنا ابغى اقدم على ماجستير محاسبة , و اذا كانت مطلوبة هل يوجد نموذج معين لها . و بالنسبة للتقديم اسجل دحين ولا انتظر الى بعد اختبار القدرات .
الله يسعدكم و الله مره حايسة و اول مره اسجل في الماستر . اتمنى احد يجاوبني

[مجنونه عبآدي]

حتى انا بسأل نفس السؤال ..

الكل يتكلم عن السيره الذاتية وانا مو فاهمه ايش هيا وليش نعملها وبايش تفيدنا ؟

[محارب بلا سلاح]

السيرة الذاتية شي اثرائي لمسيرتك وملفك .وهي عبارة عن ملخص لحياتك ...الإجتماعية , المهنية , الوظيفية , التعليمية وهي شي مفييييييييييييييد جدا لك .

بالنسبة لطريقتها في قوالب جاهزة وتحتاج فقط شوية تعديل
. أما عن التقديم لا علم لي هل بإمكانك تأكيد الطلب بدون قدرات أو لا .

[fleur]

اختي العزيزة السيرة الذاتية مطلوبة في الماجستير العام والخاص وفيه نماذج كثيرة بالنت لو دورتي

بس الافضل طبعا لو كتبتيها ونسقتيها بنفسك

تكتبين بالبداية معلوماتك الشخصية (اسمك- الجنسية -تاريخ الميلاد- العنوان- ارقام الاتصال والايميل)

بعدين شهاداتك

الدورات اذا وجدت

الهوايات والمهارات الخاصة


بالنسبه للتقديم انا زيك اختباري هذا الشهر والصراحة قدمت وخليت التأكيد لبعد ما تظهر النتيجة

بالتوفيق للجميع

[Amirah ,,]

مشكور يسلمو على الردود . بليز ابغى احد يفيدني اكتر

[مجنونه عبآدي]

طيب هل السيرة الذاتيه شي ضروري للتقديم على الماستر ؟

[fleur]

المشاركة الأصلية كتبت بواسطة مجنونه عبآدي حتى انا بسأل نفس السؤال .. الكل يتكلم عن السيره الذاتية وانا مو فاهمه ايش هيا وليش نعملها وبايش تفيدنا ؟

السيرة الذاتية مهمة جدا سواء للماجستير او التقديم للوظائف

يعني المفروض من وقت ما تخرجتي جهزتي السيرة الذاتية

[جنون الطفولة]

يا جماعة أول شيء التسجيل لمدة شهر حيكون مفتوح , يعني لا تتعجلوا ,
لو قدمتوا قبل ما يقفل بيوم عادي ..

---

بالنسبة للسيرة في الماجستير العام , حتكون اضافة لطلبك المقدم , يعني اضافة تقوّي طلبك (طبعا لو كانت سيرتك مليئة بالانجازات)و
حتكون مفيدة في حال التخصصات اللي تطلب من ضمن شروط القبول خبرة ولا دورات معينة .. الخ