بعض الاقتباسات من مواضيع مختلفة عن مشرفات البحث و التدريب

[الله كريم الله]

السلام عليكم ورحمة الله

هنا تجميع آراء الطالبات المجتازات لمادة البحث والتدريب في مشرفات البحث

ولازال البحث جآري

المشاركة الأصلية كتبت بواسطة بنت كووول4 السلام عليكم ورحمة الله وبركاتة اليوم كنت عند الدكتورة خديجة الحمدلله أنسانة في قمة الذوق والأحترام لا تخافو يابنات بس هي تبغى البنت تجي تسأل وتشوف معاها خطوات البحث والتدريب قلت لها انا خارج جدة قالت اذا تقدري تحضري الدورة التأهليه يكون أحسن واذا ماتقدري شوفي الخطة وطريقة البحث موجودة في موقعي ..يابنات قبل تدربو أطبعو النماذج الثلاث وهي توقع وتنزلون عند الحذف والأضافة ويختموها لك راح يختمو ورقتين فقط لازم يختمو ورقتين الي هي في ضوء التنسيق< حتوقع عليه الدكتورة وتنزلو تحت تختموها وخطاب الشكر< تختموه وبعدين تروحي للجهة الي بتدربي فيها .. سألتها ينفع أتدرب في قطاع خاص قالت لاااااااااا ومراح ينحسب لك درجات عليها ..تقول لازم قطاع حكومي اي قطاع حكومي تدربي فيه .. وقالت توزيع الدرجات 30 على التدريب 70 على البحث .. وسألتها كم عدد الصفحات حقت البحث قالت 30 ورقة تكفي وخذو بالكم يابنات تقول ضروري ومهم لما تحددي الموضوع وبداية البحث تروحي عندها لنو هذي اهم خطوة في البحث .. هي من جد دقيقة بس والله عسسسسل وأخلاقها جدا حلووووووة الله يوفقها ويسخرها لنا يارب ونجيب أمتياز في المادة هذي وكل المواد .. أخر حاجة الي موظفه تتصل عليها وتقولها انها موظفه ويصير الجهة الي هي موظفه فيها تكمل التقرير حق الطالبة وترسله لدكتوره بس ضروري تطبعو النماذج الثلاث وتدخلو موقعها وتطلعو على الخطة حقت الانتساب وحتفهمو هي ايش تبغى بضبط .. واخر شي سألتها للي خارج جدة قالت انا ما احبذ الأيميل بس الأيميل خلوه في الحالات القصوى لأنو أنتو مو زي الي داخل جدة وما ابغاكم تخسرو على أسعار الطيران أتصلو على المكتب وأكون معاكم خطوه خطوة وتقول هي موجوده في المكتب وتقول تسليم البحث يكون قبل الأختبار بسبوعين .. أسفه على الأطاله والله ولي التوفيق .. أهم شي لا تخافو

المشاركة الأصلية كتبت بواسطة بنت كووول4 أنا اخذت الخطة الدراسية من الدكتورة خديجة الله يسعدها والأماكن <جهة حكومية : مستشفيات .مدارس حكومية .جامعات .وزارات .مصالح حكومية > شوفي المفروض تطبعي النماذج الثلاث وتروحي الجامعة توقعها الدكتورة وتختميها عند الحذف والأضافة ولازم المدرسة بعد ماتشوف الخطاب تقبلك ..بس تأكدي تختمي ورقتين زي ماكتبت في الموضوع وهذا رابط موقع الدكتورة http://kzaki.kau.edu.sa/ وبنسبة اذا تبدي أحسن لك تبدي الحين أن شاء الله ابداء الحين اذا الله كتب لي عشان يجي لك وقت تكتبي البحث وفصوله بطريقه الي تبغاها الدكتورة

المشاركة الأصلية كتبت بواسطة jolya البحث والتدريب مو شرط اخر مستوى اهم شيء تكوني خلصتي متطلبات المادة لان لها متطلب اعتقد انها مادة استشارات ادارية لمسار تطوير وتنظيم .. وبالنسبة للاستاذه حظ ونصيب لانها المادة الوحيده التخصص اللي ماتدخل بالحذف والاضافه اصلا بس تقدري تروحي للاستاذه اللي تبينها وتقوليلها تضيفك في شعبتها وكذا وانتي وحظك ترضا او ماترضى ,, بالنسبة للبحث تقدري تخليه في ترم والتدريب في ترم ثاني عاااادي جدا وابسط حقوقك لازم بس تكتبي شرح وسبب حتى لو كان ضغط وقت يكون مقبول ,, البحث الله واعلم مافي بالصيف الا اذا كنتي تخرج وواقف تخرجك على ذي المادة واحيان حتى التخرج مالهم ,, البحث مرررة مو شيء صعب ومستحيل لان الاستاذه رح تعلمك كل شيء بالتفصيل ورح تتجاوب معاك على اي استفسار بالنسبة لافضل الاستاذات فيه استاذات دقيقات جددددددا زي هيفاء عبد الفتاح وسناء باناجة وابتسام حلواني يعني اقل فتفوته يحاسبون عليها بس في النهايه يعطوونك حقك والحلو فيهم انهم يردو على كل استفسار ويوضحولك عادي وفيه استاذات شديدات جدا زي رجاء الشريف ونسرين خياط لهم مواقف مع البنات والاسلوب عندهم مزاجات بس يعطون درجات على حسب المجهوود على حد علمي اما المتوسطين امثال حياة راجخان فيهم دقه بس ليونه في الاسلوب وما عندها مناقشة لبنات الانتظام لانها تناقشهم بعد ما يخلصو كل جزء لان البحث مو دفعه وحده , تسلميه على مرااحل واجزاء تحددها الاستاذه بتواريخ معينه في الغالب, اما غالبية الاستاذات في نهايه البحث لازم مناقشة مدتها 10 دقايق بالكثير لوحدك انتي واستاذتك تسالك عن البحث ومحتوياته باختصار شديد عشان تتاكد انك انتي عملتي البحث او لا ,, بالنسبة لموضوع البحث اغلب الاستاذات يقولولك اختاري 5 مواضيع او 3 على حسب وهي تحدد واحد منها والتدريب مدته 60 ساعه تقسميها على كيفك واش يناسبك وعلى حسب مكان التدريب تختاري المكان وتقولي لاستاذتك عليه ان وافقت تاخذي اوراق من الشئون تعبينها وتودينها يختمونها لك وتودينها مكان التدريب ويقيمونك فيها وبعدين اخر يوم في التدريب تاخذينها منهم لازم جوا ظرف مقفل وتودينها عن استاذتك ولتخصص تنظيم وتطوير الغالب لازم مكان حكومي الا ان كان فيه ظروف او انتي كنتي تشتغلين بمكان معين حكومي او مو حكومي عادي تقدري تاخذي الورقة ويعبونها لك في شغلك .. هذي المعلومات من خبرتي المتواضعة ان شاء الله تفيدكم ,,

المشاركة الأصلية كتبت بواسطة منتسبة الجبيل اهم شي مع الأستاذه هيفاء انك تكوني معاها على طول اساليها في كل شي وكل ماسويتي شي وريها على طول ولاتشتغلي وتغيبي عنها فترة طويله وبعدين توريها لا كذا مايمشي معاها يعني اذا انتي من سكان جدة روحي دايما علشان تحفظ شكلك واهم شي يا بنات نصيحه ضيفو المادة بدري واتدربو بدري لانها تاخذ وقت وموفقين جميعا

المشاركة الأصلية كتبت بواسطة لميس ابو شعر ياجماعه تحذير بقوه لا حد ياخد مادة البحث والتدريب مع الاستاذه نسمه حشمت احذرو منها تتلون لك مثل الحرباء وبالاخير تنصدمي منها في البدايه تقول لي راح اراعيك لانك من الشرقيه وراح يكون تواصلنا عن طريق الايميل وبعدين ماترد علي على الايميل ولا على التلفون وقتلت روحي على البحث وسهرت عليه وآخرتها تصدمني بالدرجه 65 حسبي الله عليها نزلت معدلي مو بس انا في بنات حطت لهم هذي الدرجه الله ينتقم منها مااحللها ولا ابري ذمتها الى يوم القيامه حسبي الله عليها.

المشاركة الأصلية كتبت بواسطة somaa مساء الخير الف مبروووك للخريجات وعقبال البقية وانا للاسف مثل اختي لميس ابو شعر اخذت الماده مع الدكتوره نسمة والدرجه في الحضيض 65 وخسفت بالمعدل لكن مانقول الا حسبي الله ونعم الوكيل .. المصيبه طمنتني وقالت ان شاء الله خير ومدري ايش وفي الاخير 65 .والله تعبت في البحث واخذ مني وقت وجهد وتفكير ...افكر اكلمها بداية الترم الجاي بس اخاف ماترضى وتعدل لي الدرجه .. يالله الحمد لله على كل حال ..

المشاركة الأصلية كتبت بواسطة راحيل الشرقيه اسم الاستاذه : د سحر مهران تخصصك ومسارك : ادارة عامه (تطوير وتنظيم اداري ) عنوان البحث : الحافز واثره في الاداء الوظيفي مكان التدريب : تدربت بمدرسة حكووميه كان ودي في محل ثاني لكن لاقيت صعووبة مررره وانا ابحث عن مكان تدريب وبالآخير مالقيت غير المدارس الحكومية رأيك في مكان التدريب : بالنسبه لي المدرسة الي تدربت فيها مرررررررره عجبتني وارتحت فيها مشااءلله الاداريات والمعلمات كلهم متعاونين والمديره في التقييم حطت لي كله ممتاز :) الدرجه : درجتي 80 كنت اتووقع اكثثر بس الحمدالله رأيك في استاذه البحث : والله رايي فيها هي تمااام بس يبي لك تلاحقييها خصوصا اني خارج جده الايميلات بالموت كانت ترد عليها لكن التلفون بسرعه ترد عليه ومناقشتها كانت حلوه بعد نصيحه مهمه أو ملاحظه : نصيحتي حاولوا قد ماتقدروا تاخذوا الماده مع استاذه متعاونه خصوصا الي من خارج جده ونصيحة ثانية اكتبي اجزاء البحث اول بأول :) والله يووفقكم يارب

المشاركة الأصلية كتبت بواسطة بائعة الـورد لسى ماااضافوا الماده لي .. افضل شيء رجاء الشريف على كلام البنات الدفعات الي فات يقولوا مره كويسه وتعطي درجات فوق 95 وماتناقش كثيررر صراحه ماعندي غير رجاء بتوكل وأخذ معاها أخاف ننتظر على الفاضي ويروح الوقت علينا

المشاركة الأصلية كتبت بواسطة اكليل الورد هذا جمعتها من المنتدى جزاهم الله خير مقاومة الموظفين للتغيير بالمؤسسات الحكومية الحوافز واثرها ع اداء الموظفين غياب المدرسين انعدام روح التعاون بين الموظفين او المشاركة اثر الفساد الاداري في العمل الرضا الوظيفي الرقابة الاداريه العجز الاداري تطور المناهج العزوف عن العمل التسرب الوظيفي الفساد الاداري ضغوط العمل الصراع الاداري

المشاركة الأصلية كتبت بواسطة بحبه يا بابا اسم الاستاذه : رجاء الشريف تخصصك ومسارك : تطوير وتنظيم اداري عنوان البحث : امم موفاكرة مكان التدريب : في جامعه عبد العزيز في العمادة في قسم وحدة الخريجين وكان مرررة ماعندهم شغل ومررررررة محترمين الموظفات ورئيسه القسم كمان رأيك في مكان التدريب : مرررررررررة حلو وراحة وفيه شغل على خفيف اشياء بسيطة اعمل اسماء بنات في لستته اراجع الاسماء في الدفاتر اكتب على الكمبيوتر واحيانا اروح متاخر واخرج بدري تقولنا روحوا ماعندي شي الدرجه :85 رأيك في استاذه البحث :جابتلنا المرض بس غايبه وموفي مكتبها وتعطينا مواعيد وماتجي وتدخلنا في متاهات نصيحه مهمه أو ملاحظه :انتي اطلبي مكان بحثك وبسسس انا اخترت في الجامعه لاننا اتساب وكنت ادوام من 9 الصبح الين الظهر الساعه 2 والساعه 3 او 4 يكون عندي محاضرات الين 9 في الليل فقلت الجامعه انسب شي مااتاخر على مواعيد محاضراتي لانه في الظهر وقت خروج طلاب وطالبات وموظفين

المشاركة الأصلية كتبت بواسطة مهاوي2008 بنات اللي مع استاذه صفيه وش سويتوا احسها ماتعرف شي وكل ماقولها شي تقولي براحتك اخاف تحوس علي الدنيا يوم اخلص البحث

المشاركة الأصلية كتبت بواسطة بائعة الـورد مهاااوي حولي مع شريفه انا شفت صفيه لما دخلت عندنا المكتب وانا عند شريفه وربي مفهههههيه بقوووه اقول الله يعين البنات عليها بس لو هي بتعطي درجات حلوه مو مشكله لكن المشكله لو ماأعطت

المشاركة الأصلية كتبت بواسطة 7anno اسم الاستاذه : حياة راجخان تخصصك ومسارك : اداره عامة -خدمات صحية عنوان البحث : معوقات نجاح التخطيط في ادارة الآزمات و الكوارث الصحيه في المستشفيات مكان التدريب : مستشفي جامعة الملك عبدالعزيز رأيك في مكان التدريب : جيد جيدا الدرجه : 93 a رأيك في استاذه البحث : جدا ممتازة اذا تابعتي البحث معها من البدايه نصيحه مهمه أو ملاحظه : لا تعتمدن علي القص واللصق :)

المشاركة الأصلية كتبت بواسطة عوجانه الاستاذه : عيشه السيد عطيه عوض الشعبه رقم 10 كلمتها على تلفونها الشخصي كانت في منتهى الاخلاق والتعامل الراقي .. لسه ما نزلت اي خطه للبحث والتدريب بس قالت لي اطبعي الاوراق واختميها من الجامعهـ .. علما بأني طالبه من سكان المنطقه الشرقيهـ واعمل في جهه حكوميه ووافقت الاستاذه على مكان عملي بالنسبه للحضور ماكان كلامها واضح ولكن استشفيت من كلامها انها تبغاني احضر لو بشي بسيط والباقي تواصل بالايميل .... اتمنى ربي يوفق لي معاها ويجعل اضافتها خيره لي عن غيرها تم اضافة الماده عن طريق الايميل بعد ارسال رساله لعبير واضافتها بعد 3 اسابيع انتظار الله يسامحها على التاخير جدولي كالاتي : محتاجه اقتراحاتكم (اجباريه) تحليل تنظيمي ثقافة المنظمه بحث وتدريب عندي : اختياريه : ادراة علاقات عامه و النظام السياسي >> اي افضل لاني باخد وحده وبحدف الثانيه محتاجه اضيف مادتين حره ولكن لاحياة لمن تنادي وانا جالسه انتظر الفرج تتكرم وتضيفها لي عبير عن طريق الايميل

المشاركة الأصلية كتبت بواسطة جامعية كوول رحت للدكتورة صفية قالتلي بخصوص البحث شوفي الموضوع اللي يناسبك ويكون من10أو15صفحة ومولازم تغليف فاخر عادي يكون زي الملازم سلك والتقرير نكتب عن شي شفناه في مكان التدريب برضو10أو15صفحة وقالتلي ممكن مراجع من النت موشرط كتب وبالنسبة لخطوات البحث ورتني مجلة الجامعة وشفت الطريقة وقالتلي موشرط تجي ممكن عن طريق الايميل أوالجوال لوفي أي استفسار والتدريب أي مكان بصراحة ريحتني كثيييييييييييير الله يريح قلبها

المشاركة الأصلية كتبت بواسطة شموخ كبريآئي وعليكمـ آلسلآمـ ورحمة آلله وبركآته ~.. آنآ كنت زيكـ بآلظبط خآيفة من آلمآدهـ وآلدكتورهـ آكتر ~.. آطلعت قبل مآآضيف آلمآدهـ علىآ جميع آلموآضيع آلتي تخص آلمآدهـ وكونت فكرهـ عن كل دكتورهـ وطريقتهآ ~.. وتوكلت علىآ آلله وضفتهآ ،، صح كآن فبآلي 3 آسمآء معينة ولكن فآلأخير آنضآفت عند دكتورهـ آبدآ مآآتوقعت إني ممكن آكون معآهآ لآني جربتهآ فمآدهـ ومآنآسبتني وهي آلدكتورهـ هند دمنهوري ~.. طبعآ تخصصي إدآرة أعمآل مسآر آلموآرد آلبشرية ~.. عنوآن آلبحث :- آلحوآفز وأثرهآ علىآ آدآء آلموظفين ~.. مكآن آلتدريب :- شركة بن لآدن آلسعودية ، آلإدآرهـ آلعآمة ~.. آلمكآن كآن جدآ رآئع آلموظفآت جدآ متعآونين معآيآ ومآقصرو علموني آشيآء مررررررهـ كتيرهـ كنآ بنآخدهآ بشكل نظري وآتعمقت فيهآ بشكل عملي ~.. آلدرجة آلنهآئية كآنت 86 وآلحمدلله مقتنعة فيهآإ (إمكن لآني آرتبكت بآلمنآقشة فآ أتوقعت آلدرجة تقريبآ ) رآئي فآلأستآذهـ بعد آلبحث :- فآلبدآية تعبتنآ وآلله مآكآنت تعطينآ آلمآدهـ بآلسنترآ ولآ سوت لنآ إجتمآع زي بآقي آلدكتورآت عشآن تقولنآ فكرهـ علىآ آلمآدهـ وإيش آلمطلوب مننآ وكدهـ ،، كل إلي سآر رآجعنآهآ وأعطتنآ ملزمة تعلمنآ كيف نكتب آلتقرير ونتبعهآ ، وآيضآ ورقة عند مرآجعة آلدكتورهـ لإطلآعهآ علىآ آلبحث توقع عليهآ كآن عليهآ درجآت ، وورقة يوميآت نكتب فيهآ إيش سوينآ فآلتدريب يومـ بيومـ ~.. نصيحتي :- أطلعي علىآ إسلوب كل آلدكتورآت وآتعرفي علىآ آلآفضل من حيث آلتعآون ،، طبعآ موضوع آلبحث بيكون موضوع يخص تخصصكـ حآولو من قبل مآتآخدو آلمآدهـ تفكرو بعنوآن وآلآهمـ توفر مرآجع لنفس آلموضوع آلمختآر ،، وآهمـ نقطة تعرفو فين حتدربو وتحجزو من بدري لآحظنآ في دآ آلسمستر طآلبآت كتير آجلو آلمآدهـ بسبب إنهآ مآحصلت مكآن تتدرب فيه ~.. آسفة علىآ آلإطآلة ،، صح مآني إدآرهـ عآمة لكن حبيت آفيدكمـ بتجربتي ~.. موفقين ~..

المشاركة الأصلية كتبت بواسطة jolya موضوع جميل انا تخرجت ولله الحمد اسم الاستاذه : هيفاء عبد الفتاح مكان التدريب : مدرسة ابتدائية رأيك في مكان التدريب : حلو مريح تستفيدي وتلاقي شغل تشتغليه الدرجه : 94 الحمدلله رأيك في استاذه البحث : افضل أستاذه على الأطلاق مسهله المادة والبحث وتسااااعدك في كل شيء تنقلك الفصل الاول كامل واللفصل الثاني تساعدك فيه وتفهمك زين وش المطلوب بالتفصيل الممل نصيحه مهمه أو ملاحظه : توكلي على الله ومافي شيء يخوف بالعكس مادة ممتعة بس لازم تبدأي بداية الترم التدريب والبحث سوا عشان لا يكون فيه ضغط عليك خصوصا اذا مع مواد ثانية بالتوفيق جميعا

المشاركة الأصلية كتبت بواسطة وجووودي^ بسم الله الرحمن الرحيم اولاً ابدأي من اول الترم عشان تسوي بحثك على راحتك انا تعبت تعب مو طبيعي بدي الماده عشان انا من برا جده ويريد لي ربي واسجلها عند هيفاء عبدالفتاح والاستاذه هيفاء ماتعترف بـ الايميل لازم حضورك الشخصي المهم اخذت معها الماده وتقريبا من بعد الحج كنت اجيها بشكل شبه اسبوعي والله تبهدلت المهم سويت البحث والفصل الاخير والمهم عندها الي فيه الاستبيان سويت ورقة الاستبيان اوكي بس مافرغته زي ماهي تبي وهي كان عندها اهم شي الاستبيان اسم الاستاذه :هيفاء عبدالفتاح تخصصك ومسارك :ادارة عامة_تطوير وتنظيم إداري عنوان البحث :غياب المدرسين مكان التدريب :مكتب الاشراف التربوي رأيك في مكان التدريب :مره حلو الدرجه :مشينه ما اقدر اقولها تفشل رأيك في استاذه البحث :إذا انتي من جده خذيها معاها وتعالي لها في الاسبوع مرتين عشان يكون تخلصي جزء جزء وتوريه لها نصيحه مهمه أو ملاحظه : إذا من خارج جده خذيها مع سناء باناجه رهيييييييبه في دي الماده

المشاركة الأصلية كتبت بواسطة الساهرة اسم الاستاذه :سناء باناجه تخصصك ومسارك : ادارة العامة تنظيم وتطوير اداري عنوان البحث :اثر الحوافز على أداء الموظفين مكان التدريب :عمادة القبول والتسجيل رأيك في مكان التدريب : حمدالله رئيسة وحدة القسم مرة متعاونة وتدريب كان ممتع الدرجه :91 حمدالله راضية على درجة رأيك في استاذه البحث : مرة متعاونة ومتساهلة هي تقريبا احسن استاذة في المادة نصيحه مهمه أو ملاحظه: من بداية ترم دوري على مواضيع اللي تنفع لتخصصنا و في نفس الوقت تكوني حابة تتكلمي عنه وابحثي عن مقالات وبحوث في النت

المشاركة الأصلية كتبت بواسطة شهد خميس اسم الاستاذة سناء با ناجة التخصص ادارة عامة المسار تنظيم و تطوير اداري عنوان البحث اثر الفساد الاداري في العمل مكان التدريب عمادة القبول و التسجيل مكان التدريب كان حلو مرة و متساهلين معانا الدرجة 90 الاستا1ة سناء ما شاء الله عليها اخلاق و متساهلة مع البنات وتتواصلي معاها عن طريق النت نصيحة المادة ماهي صعبة هيا تعطيكي اوراق عبارة عن خطة البحث وانتي تمشي عليها وبس

المشاركة الأصلية كتبت بواسطة سمسووومه1409 سلام عليكم صبايا سوري تأخرت بالرد انا روحت امس الجامعه بخصوص مادة البحث والتدريب للحين ما اضفتها في الجدول ... بس روحت للدكتورة شريفه وبصراحه مرا عسل .. وقالت لنا وطمنتنا كثيررر طبعت نماذج التدريب .. وقعت لي عليها .. وختمتها من الوكيله نجاح اتوقع المهم .. دكتوره شريفه .. وعدتنا انها راح تتواصل معنا علجوال وعلايميل .. واعطت رقمها صديقاتي .. بس للحين ما اخذته >> اخلصي علينا خخخخخخ اللي مع دكتوره شريفه تتطمن .. وعلى كلامها .. راح تجتمع فينا يوم الاربعا .. وتشرح لنا كل شي وانا باذن الله بروح الاثنين .. واي شي جديد راح ابلغكم فيه وموفقيييييين يارب

المشاركة الأصلية كتبت بواسطة دلــع نــآدر آنا أخذت البحث والتدريب مع خديجة زكي .. إنتظآم هيا انسانة عسل وتساعد مررره كثير بس دقيقة وكمان لازم كل ما تسوي شي توريها هوا ولا ما حتقبل بحثك ومافي دكتورة ما طلبت تدريب .. وموفقين يآرب

ياليت الي عندها اي اظافة تسعفنا فيها