مستعجله على التخرج (ابغى اخذ موادي كلها في ترمين ينفع)

[نجوله>>]

مساءالخير


انا باقيتلي تقريبا 15 ماده 3x ساعاتت
يعني كلها 3 ساعات ماعدا الثقافه 4
هذي موادي لو فيه طريقه اني اضغطهم بترمين قولولي
انا بضغط على نفسي ماعندي مشكله وبتفرغلهم تفرغ تام على اساس انهم ترمين وخلاص
بس هل الجامعه توافق اقسمهم على ترمين ؟؟
تخطيط استرتيجي
- نظم معلومات
- بحوث
-اختياريه
-حره
-حره
-اختياريه
استشارات اداريه
-تحليل تنظيمي
- بحث وتدريب تنظيم وتطوير
- ثقافه 4
- قراءات بالانجليزي
-ثقافة المنظمه
- اجهزة التطوير
- تقييم برامج حكوميه
يعني بالنسبه لي مافرقت اخذت 6 مواد (لاني كل ترم اخذ 6) والا8 ماشوفها تفرق كثير
احسكم كذا : 8:

[السنيورة شوشو]

انا مثلك باقي ليي 15 مااده يعني 43 ساعه

اداره محليه
نظم معلومات
بحوث العمليات
التحليل التنظيمي
الاستشارات الادرايه
بحث وتدريب
وثقافه 4
مقرر اختياري
مقررحر
قراءات اداريه بالانجليزي
ثقافة منظمة
اجهزة التطوير الاداري
تقييم البرامج الحكوميه
مقرراختياري
ومقرر حر

علما باني مااخذت الا مقرر اختياري واحد >>ومدري كم مطلوب مقرر اختياري 3 او 4 او 2
وطبعا الترم ذا باخذ 5 مواد ويبقى لي 10 مواد بقسمها على السنه الجايه 5 الترم الاول و5 الترم الثاني واتخرج
>>طبعااا ابي راايييكم وبعد ابي تختارون لي ذا الترم وش انزل موااد واشكركم مقددمااا

[نجوله>>]

الحره 2 والاختياريه 3
شكلك مو مستعجله مثلي ههههههههههههه الله يخارجنا على خير

[نجوله>>]

..............................................

[ابوثامرالدمام]

الترم الواحد 18 ساعه فقط
وعند الترم الاخير يسمحون بزياده الساعات الي 24 ساعه
يعني تقدرين تاخذي هذا الترم 18 ساعه
والترم الصيفي 9 ساعات
والترم الاول السنه الجايه 18 ساعه
والنهايه تكونين كانك متخرجه فـ♡ـي ترمين
والله يوفقك

[*sweet smile*]

السلام عليكم

للاسف لازم تزيدي ترم اضافي لانوا الجامعة تسمح لك بس بالترم الواحد 18 ساعة يعني 6 مواد

اذا حابه تضيفي ترم اضافي يصير 3 اترام كل ترم 5 مواد

بالتوفيق ^_^

[فوشي..]

شوفي نجوله

كل ترم في الجامعة مسموح لك18 ساعه فقط

ما عدا الترم الاخير مسموح لك 24 ساعه كحد اقصى

انتي لو اخذتي الترم الجاي 6 مواد

يبقى لك 9 مواد
8 مواد << 3 ساعات
ثقافة 4 << 2 ساعات

ما راح تقدرين تاخذينهم في ترم واحد

لأنهم بيطلعون 26 ساعه

والحد الاقصى 24

واحنا البنات ماعندنا ترم صيفي

عشان كذا

ما اتوقع تقدري تلخصينهم في ترمين

موفقه

[ياحلم وش المشكله لو تحققت]

الله يوفقك ابو ثامر الدمام جاورت عن سؤال كان محيرني
وهو انو مسموح لي 24 ساعه في اخر ترم


تحياتي للجميع والله يوفقكم يارب ويحقق أمانيكم ويعلي مراتبكم

[السنيورة شوشو]

>>نجوله انا كذا ولا كذا بتخرج ليه استعجل كذا حلو تقسيمي بس محتاره وش اخذ مواد يعني اخذ 4 مواد تخصص وحده اختياري ذا الترم ولا وش راييك > ذا الترم اخذ 5 مواد والترم الجاي اخذ 5مواد والترم الي بعده 5 مواد واخلص يعني التخرج يكون نهاية السنه وانا الحين بالمستوى 8 ^_^

[نجوله>>]

الله يسعدكم ماقصرتو عرفت حاجات ماكنت اعرفها
طيب الترم الاخير مسموح ب24 ساعه مااعتقد تفرق عن 26 ساعه يمكن يسمحولي لو رحتلهم الترم الاخير وكلمتهم ؟؟
السنيوره انا مضطره استعجل لان ظروفي يمكن تتغير بعد ترمين ومااضمن اشياء كثيره ورح اتبهدل وكذا
يعني على حسب خطتي المتناسبه مع ظروفي القادمه المفروض اخلص في ترمين
لكن انا اريد وانت تريد والله يفعل مايريد واكيد الخيره فيما اختاره الله وعسى ايامنا الجايه افضل من التوقعات والظروف والتفكير قولو امين ولكم بالمثل يارب