موعد مراجعة اوراق الاختبار ~> ماحصل اليوم

[طموحي الامتياز]

السلام عليكم ورحمة الله وبركاته

طبعا اليوم رحنا عشان المراجعه اوراق التطوير التنظيمي
والحمممدلله كان فيه كثير بنات معترضين على دي الماده

المهم

بالنسبه لتطوير التنظيمي
قدمت طلب مراجعه عند سكرتيره القسم
والمهم انها طمنتني انه دايما بتحصل اغلاط بالتصحيح وبتعدل
درجات البنات حتى لو بعد سنه وحقك حتأخذيه بس خليكي
متابعه لنا ورتني اوراق بنات تعدلت درجاتهم قبل كدا
وقالت ليا هدول البنات زيك اعترضوا على درجاتهم وارتفعت الدرجات والمعدلات
بصراحه خلتني اطمن

ورحت لاستاذه نسرين وقلت لها طبعا هيا قالت حراجع لكم بعد اسبوعين على الاسبوع الثالث تعالوا
ممكن لانه العدد مره كبير تبغاه يخف لانه قالت صعب ارجع اوراقكم كلكم
او انه فعلا مشغوله دي الفتره الله واعلم كل واحد وظروفه
^__^
المهم وضحت لها اني حراجع حراجع وماني راضيه عن 60 ابدا
وحقي ابغاه
و انا حتابع الموضوع طول الترم وباذن لله مراح اسكت
وحكون متابعه لسكرتيرة القسم وهيا حتساعدنا بطريقه المناسبه

انصح البنات اللي معترضين وحاسين انهم اعلى من درجاتهم
وكلوا امركم لله ورحوا راجعوا لا تتنازلوا عن حقكم
مهما كان اسلوبهم معاكم ربي ابدا مايضيع تعب احد والله رحيم بعباده
^____^
.
.

وبالنسبه لمادة مشروعات عامه مع حياة رجخان
مو عندي دي الماده ... بس والله خطيره دي الدكتوره هههههه تقبلت الموضوع برحابة صدر
وقالت تعالوا كلكم الاسبوع الجاي وانا حجيب الاوراق
وانتم دوروا على اوراقكم ^_^
وصححوها بنفسكم
المهم دي الماده مو عندي كنت مع وحدها من البنات عندها دي الماده
واللي عندها انصحها تراجع والله الدكتوره مره تقبلت الفكره
وباذن لله مو خسارنين شي

سياسه عامه وصناعة قرار مع خديجه الحربي

الحمدلله ماكان عندي اعتراض بس وحده كلمتها والاعتراض كان مره قليل
ينعدوا بالاصابع تقريبا
وتقبلت الفكره ورتنا اوراق بنات كانوا معترضين وطلعت نفس درجاتهم
المهم انها مره متعاونه الله يسعدها
روحي عند سكرتيره القسم وقدمي الاعتراض واستاذه خديجه
هيا حتراجع ورقتك وترسل لكم على الواتس اغلاطكم وكم هيا زادكم وكم درجاتكم المستحقه
عالواتس اب ~> ياليت كلهم زيها ^_____^
وللعلم هيا الترم دا زادت كل البنات 5 درجات

.
.

وترا اغلب الدكتورات كانوا ابدا ماعندهم مشكله لكن البعض
استخدم اسلوب التخويف عشان البنات يتراجعوا عن المراجعه
ناسين انه هذه امانه ولازم يأدوها بأفضل مايكمن هذا اقل
حق من حقوق الطالب انه يراجع ورقته
انصحكم لاتتنازلوا عن حقكم
بالتوفيق للجميع
^__^

[dab]

طموحي الامتياز شكرا لموضوعك
وانا من البنات الي درجتهم في 60 لكن مع دكتوره سلوى وهيا دا الاسبوع ماخده اجازه
وان شاء الله الي لو حق راح ياخدوا

بالتوفــــــيق للجميع
^__^

[beautifulgirl]

ياشيخة روحي ربي يسعدك دنيا وآخرة الله مايضيع حق أحد بإذنه تعالى..
حتى أنا عندي قانون إداري مع د. صباح وجبت 76 وبروح أراجعها بس إن شاء الله تقبل..بس عاديأرسل أحد من زميلاتي تراجع بدال عني لأنه هالفترة مرررة ماعندي مواصلات؟؟؟؟؟؟؟

[Omnia abdallah]

الله يوفقك يارب ويسهّل امورك

استفدت من التجــربة

[الفن الساخر]

بس انا. عند طلعت

[بنت المدينة المنورة]

طيب واللي من خارج جدة ؟!

انا مره مقهورة على درجتي في التطوير مع سلوى :(

ينفع ارسل أحد يراجعلي من صحباتي ؟

[Dream4ever]

انا كمان مو مقتنعة في درجة التطوير والسياسة وصناعة قرار بس مااقدر اراجع لاني

مو من جدة وصعب مرة اجي بليز بنات الي تعرف جوال استاذة خديجة او سلوى اعظم

او ياليت اذا احد يقدر يراجع ورقتي معاها بتكون كسبت اجر فيني .. :(

[nonh_aldlwah]

عندي رقم خديجة الحربي اللي تبغاه تراسلني خاص

[( أبو عبدالله )]

والمسكين الي خارج جده وش يسوي وكيف يتابع
ليش ما يكون الاعتراض عن طريق الاودس ويتم التوقيع بالموافقه على مراجعة الورقه
وتحمل جميع ما يترتب على هذه المراجعه

[عبدالله بن سليمان]

الله ييسر أمروكم إن شاء الله