اترُك مخاوفَك خلّفك! [تجربتي خطة أ]

[L.a.m.a]

[L.a.m.a]

السلام عليكم ورحمة الله.. مبروك علينا نهاية التيرم الأول ولله الحمد وإن شاء الله تكون درجات الجميّع مثل مايتمنون وأفضَل. فكرّة الموضوع كنت مقررة أنفذها من فترة ماهي بسيطة، لأني تشتت بالتيرم الأول :"( وخصوصًا بسبب كثرة المصادِر ، ولا أعرّف أفضل مصدر أذاكر منه ؟!!! وإن شاء الله ماتمرون بمرحلة التشتت اللي مريت فيها بعد ما أكتب لكم تجربتي من : التيرم الأول لـ خطة أ .. بدراستي لـ هذه المواد : ( رياضيات 110 - فيزياء 110 - مهارات اتصال - مهارات حاسب ) . . ونبدأ بإسم الله : رياضيات 110 - Math 110 : مادة جميّلة وبسيطة ولا تحتاج إلّا فهمك من أستاذ المادة أولًا ثم بمذاكرتك ثانيًا والأهم تدريب يدك على حل جميع الأفكار بدون أي استثناءات .. راح تدرسون 5 شباتر : الشابتر الأول دراسة فقط ومايدخل في الإختبار تتنوّع الدروس مابين أنواع الدوال والنهايات والتفاضل وتطبيقات على التفاضل. وحلوّا قبل الإختبارات نماذج ، وأهم شيء تذاكرون الوورك شوب *الوورك شوب: أوراق بحسب عدد الشباتر فيها جميّع أفكار المسائل الموجودة في الكتاب يعني بعد ماتذاكرون الكتاب بجميّع أفكاره، ذاكروها وحلّوا النماذج .. راح يقولون لكم الوورك شوب موجودة في المكاتب لاتشترونها لأنها أصلاً ماتجي محلولة تقدرون تنزلونها من موقع الأساتذة أو تحملونها من الرابط بالأسفل لأني رفعتها لكم - أستاذات القسم كلهم كويسيّن ، واللي أعرفهم: دعاء قاروت، هتون شعيب، ليندا الزبن. - وللشباب : يمدحون البروف أبو جبل ، وهو اللي مسوي الوورك شوب. لتحميل الوورك شوب WORKSHOP : http://www.4shared.com/rar/4p9-JUz4/...-_MATH110.html إختبارنا النهائي كان كلّه من أسئلة الوورك شوب، أبدًا لاتهملونها وبكذا أضمن لكم 100 في الماث (L) فيزياء 110 - Phys 110 : المادة الأدسم في خطة أ ، مع إن الكميّة مو كبيرة مثل الرياضيات لكن لأن الأفكار متعددة ومختلفة ، وممكن يلعبون معاكم شوي في الإختبارات :D هذه المادة تحتاج لتنظيم ، وإنك تتبع شخص واحد في المذاكرة .. لأن المصادر لها كثيرة ومختلفة ، بعض الطلاب يحتاج فيها لخصوصي والبعض يذاكر من الملخصات، لأن الكتاب مايفيدك ولا راح تذاكر منه شيء مثل الرياضيات. وأنا ماعرفت أذاكرها إلا بعد الدوري الأول ، بعد ماجبت درجة سيئة للأسف :/ حاوّل تركز وتكتب مع دكتور المادة ، وتذاكرها بشكل يومي لأن كل درس يتبع اللي قبله.. منسقة المادة دكتورة هناء فرحان تنزّل ملخصات كويسة للمادة في خوارزم أو على موقعها وأنا رفعتها لكم وممكن تستعينون بملخصات أشرف بركات أو فيديوهات يوسف زويل. وأهم شيء تحلّون نماذج كثييير لأنهم يجيبون منها ، خصوصًا النهائي 3 أرباع الأسئلة جات من أسئلة السنين اللي فاتت . - درست مع د.سناء أباظة ، ما أحس إني استفدت منها قد ما استفدت من نفسي :"( هي كويسة وتشرّح تمام ، لكن دراستك الذاتية للفيزياء ومجهودك الشخصي يفيدك أكثر.. أسئلة نماذج سابقة + تيست بانك للشباتر الأولى : http://www.4shared.com/rar/B-arMoo5/___TB.html ملخصات فيزياء 110 للدكتورة هناء فرحان : http://www.4shared.com/rar/U9e4F_xh/__110_-__.html *معلومة: في المحاضرة تشرح الدكتورة سمبل بروبلم وبروبلم طويييلة ، ما أنصحكم تذاكرونها وقت الإختبار لأنه مايجي زيّها أبدًا ، لكن وقت شرحها ركّزوا حتى توصل لكم المعلومة بشكل تام. ركزوا على النماذج والأسئلة اللي بملخص الدكتورة هناء فرحان هذا أفضل لكم.. مهارات الاتصال : مادة ممتعة بوقت المحاضرة جدًا ، وتفيدك في حياتك كثييير :* درستها مع أستاذة أبرار خضري ، وكان الوقت يمر معها بدون مانحس به .. اختبارات المادة إلكترونية طبعًا مستحيل تحفظ الكتاب ، لأن الحفظ مايفيدك بشيء أبدًا .. القراءة بتركيّز وربطها بجوانب الحيّاة بتخليك تجيب الدرجة الكاملة إن شاء الله :"" لها إختبار دوري واحد من 30 درجة وتذاكرون فيه الثلاث شباتر الأولى وللمادة تكاليّف أشياء زي الأنشطة عليها 30 درجة، لاتضيعون درجتها من يدكم وفي الإختبار النهائي من 40 درجة، الكتاب كله معاكم.. ومثل ماقلت القراءة بتركيز كافيية () ملف فيه أسئلة مراجعة واختبارات للمادة : http://www.4shared.com/rar/e9SG0gI8/COMM_101.html إن شاء الله بتجيبون 100 إذا اتبعتم هالكلام :$ مهارات الحاسب الآلي : كانت محاضرة مملّة أحيانًا نظرًا لأنها تتكلم عن الويندوز وبرامج الأوفيس .. لها اختبارين دورية نظرية ، واختبارين عمليّة ، واختبار نهائي نظري فقط .. - اختبارات المادة الكترونية اختباراتهم النظرية داخل فيها الجزء العملي لأن أغلب الأسئلة عمليّة يعني في كلا الحالتين إذا ذاكرتم طبقوا عملي على الجهاز .. مادة سهلّة خصوصًا للي يعرف للكمبيوتر ، اهتموا فيها عشان تجيبون درجة عاليّة () . ، . . . وبكذا أكون انتهيت .. الأهم من كل شيء ، توكلّك على الله وإيمانك بإن كل الأشياء خيرّة منه سبحانه وتعالى أتمنى أكون أفدتكم ولو بالشيء البسيط دعوّة في ظهَر الغيّب تكفيني والله يوفقنا ويفرّحنا بالدرجات الحُلوة جميعًا :" وصلّى الله وسلم على نبينا مُحمد وعلى آلهِ وصحبه أجمعيّن .. ..

[لورد جدة]

شككراا من القلب لكل من يريد الخير للاخرين امثالكك

واهنييييكك ع هيكك ابداع ف التنظيم وتناسق درجات الالواان

[اتحادي منتظم]

بصرآحه شغل متتعوب علييه وتشكري علييه بدون مجآمله ~
بس يآليت نستفيد آحنآ من موضوعك عشآن يكون في نتيجه للموضوع وهذآ المفروض اللي حيصير طبعآ
آشكرك على المجهود الكبير جدآ وموآزين حسنآتك ي رب , وربي يوفقك وين مآتككوني ~
موفقه آختي لمى,

[aced]

مشكورة على الموضوع الجميل والهادف :)

[makdom]

شكرا افدتينا جدا

[bahamdain]

انا الحمدلله درست فيزياء عند اشرف بركات وجبت بفضل الله a

[nada_0]

يعطيك العافيه ماقصرتي والله كلامك ريحني وحسسني ان خطة أ بتكون سهله إن شاء الله ..
موفقه أختي لمى

[mr.mohanad]

موضوع جميل جدا وراقي ... من وجهة نظري ومن خلال تجربة اشوف انو خطة أ ليس بالسهولة الي تخليني اخذ 100 في كل المواد بل ارى ان موادها دسمة خصوصا الفيزياء والرياضيات
والي يبغا يعتمد على نفسة وعلى الكتاب فكل عام وانت بخير لانك راح تجيب العيد
انا عن نفسي دخلت اختبار الدوري الاول في الرياضيات معتمد على نفسي واخذت 19 وشوفت انو الوضع سيئ جدا ورحت عند مدرس خصوصي وجبت 29 في الدوري الثاني و 38 في النهائي ........
اما الفيزياء فحدث ولا حرج اخذت 13 دوري اول بدون مدرس فرحت ايضا عند مدرس خصوصي وجبت 25 والنهائي اخذت درجة كاملة 40
...... الخلاصة احب اقلكم الي عندو امكانية يروح عند مدرسين خصوصين فلا تردد روح واجتهد وصدقني راح تشوف درجاتك ماتقل عن 95

[aced]

المشاركة الأصلية كتبت بواسطة mr.mohanad موضوع جميل جدا وراقي ... من وجهة نظري ومن خلال تجربة اشوف انو خطة أ ليس بالسهولة الي تخليني اخذ 100 في كل المواد بل ارى ان موادها دسمة خصوصا الفيزياء والرياضيات والي يبغا يعتمد على نفسة وعلى الكتاب فكل عام وانت بخير لانك راح تجيب العيد انا عن نفسي دخلت اختبار الدوري الاول في الرياضيات معتمد على نفسي واخذت 19 وشوفت انو الوضع سيئ جدا ورحت عند مدرس خصوصي وجبت 29 في الدوري الثاني و 38 في النهائي ........ اما الفيزياء فحدث ولا حرج اخذت 13 دوري اول بدون مدرس فرحت ايضا عند مدرس خصوصي وجبت 25 والنهائي اخذت درجة كاملة 40 ...... الخلاصة احب اقلكم الي عندو امكانية يروح عند مدرسين خصوصين فلا تردد روح واجتهد وصدقني راح تشوف درجاتك ماتقل عن 95

ياريت لو تفيدني بأرقامهم واكون شاكر لك :)