نداء للجميع..,.’

[نبضها نادر]

السلام عليكم ورحمه الله وبركاته
ويارب الكل ناجح ان شاء الله

طبعا عندي كم استفسار كذا فياريت تفيدوني
1/انا الترم الجاي خطه ب
فيابنات خطه با يقولون ان الاحصاء مالازم الكتاب واني اذكار من ملخصات موجوده ع بنات الشرفيه صح و لالا؟

2/الدرجات سمعت انها نزلت بس لمى فتحت الاودس ما طلعت ؟؟


ياريت تفيدوني يابنات خطه ب كيف اذاكر المواد؟؟
وكمان عطوني روابط تحميل الملخصات
وثانكس

[Azo18]

ي اهلين بالنسبه للدرجاتي تنزل ع حسب الشعب يومين بالكثير وتنزلك بالترتيب

بالنسبه انتو زينا لا شكل لانو في بنات يشترو ملخصات جمال السعدي للإحصصاء ف افضلك تروحي السليمانية شارع عبدالقدوس الانصاري او بالأحرى شارع كارفور القرطاسية اسما قرطاسية 2000 جمب مطاعم شاطئ التميمي هنالك رح تلقين كل اللي بدك من تست بانك لملخصات كلو كلو

شسمو انا ولد موش بنت
واتمنى افدتك بالقليل

[الطفلةالحنونه2]

عيوني .... انا خطه ب الافضل انك ماتعتمدي ولا على ملخص.... ذاكري من الكتاب احسن لك... وصدقيني لما تفهمي الاحصاء حتضحكي على نفسك انك كنتي تدوري ملخصاااتت....
نصيحه من اختك ذاكري من الكتب وخليك من اي شي ثاني......
وبالتوفيق ياقلبي.....

[bahamdain]

معلييش اختي تراكي جننتيني
كيف انتي خطة أ وبالترم الثاني بتصيري ب
الخطة وحدة يا أ يا ب
اذا أ حتبدأي من فيزياء ورياضيات وحاسب واتصال وبالترم الثاني كيمياء احصاء و احياء
واذا كنتي ب حتبدأي من كيمياء احصاء و احياء وبالترم الثاني فيزياء ورياضيات وحاسب

اتمنى تكووني فهمتي
ياااا رب

على فكرة انا خطة أ :)

[عمر عادل]

طيب بالنسبة للكيمياء والاحياء

كمان كتب ولا ملخصات

الاحصاء مو ذيك الصعوبه

.

[makdom]

الاحصاء لو تعتمدي على الكتاب فقط يكون مرة كويس ولو تريدين ان تتدربي على المسائل فخذي ايضا ملخصات جمال السعدي .

بالنسبة للدرجات لسا مانزلت

المواد الاخرى الكيمياء فيديو يوسف زويل جيد
الاحياء الله يعينكم مادة سهلة لكنها دسمة جدا ومملة

[FNO*]

حبيبتي الاحصصاء انا احس اني ماكنت اقدر استغني عن الكتاب !
يعني انتي افهمي مع استاذتك وترجمي معاها والنقاط اللي تشرحها لكم
اكتبي شرحها جنبها , وقت المذاكرة بتتذكرين على طول وماراح تتعبين أبد
بس لازم لازم لازم تتدربين على مسائل كثير ونماذج اختبارات قديمة قد ماتقدرين

[للغلا ميعاد]

اختي بالنسبه لخطه ب

اولا الاحصاء اسهل ماده كل اللي تحتاجينه الكتاب ونماذج سابقه فقط
ثانيا الكيمياء الشباتر مع بعض الملخصات لشباتر الاخيره
ثالثا الاحياء الشباتر فقط مع الاسئله اللي ينزلها القسم كااسئله مساعده تدخل في الاختبار

اتمنى اني افدتك وتمنياتي للجميع بالنجاح

[miss relax]

وبرضو الكيماء سهل لانه كله حق الثانوي ومبسط كمان لكن لازم تاخذي اختبارات قديمه وتتمرني عليها لاا اسئلة الااختبارات غالبا تجي منها
واذا فيه شي مو فاهمته ادخلي موقع يوسف زويل وبتلاقي ملخصاته الورقيه فيه شرحه مره ممتاز ماشاء الله

[همس الاماني]

حبيبتي لاتشيلي هم حاجه خطه ب مره سهله ترا
شوفي عندك الاحياء ابو ابو الغلاسه
بس ها مو معناتو انو صعب بالعكس اكثرررررر ماده درجاتها عاليه عندي الحمد لله
تخيلي كل اختبار دوري تضمني عشره درجات كيف ؟؟
ينزلولك في الموقع عشرين سؤال تقريبا تذاكريها صم ونففففففسها تجيكي في الاختبار كدا تكوني ضمنتي عشره درجات
والعشرين التانيه من السيلايدات تذاكريها وترا مرا سهله الاسئله تجيكي مباشره لالف ولا دوران
وفي الفاينل تخيلي نزلو اسئله قالولنا ذاكروها تضمنو 15 درجه
نزلو 130سؤال ذاكرناها ولمن شفت الاختبار لاحظت انو اغلب الاسئله هاذا اذا ماكانت كلها من الاوراق
فمرا لاتشيلي هم وتقولي الاحياء صعب
نجي لكيمو كيمو دا مرا سهل الحمد لله
ذاكري من الشباتر الي تطبعيها وذاكري التست بانك كمان وبحول الله تجيبي درجات عاليه بس انصحك الكيمياء اول باول صح سهل بس كثير
الاحصاء انا في الشرفيه وعند فاتن الحسين الحمد لله الحمد لله الحمد لله دوبني شفت درجتي مرررررررررررررا حلوه
طبعا الكتاب مانمسكو ابدا لانو نذاكر من السلايدات حقتها والاسئله الي في السلايدات كولها اسئلىة اختبارات سابقه واصلا السلايدات هيا عباره عن الاشياء المهمه الي تتذاكر اما الكتاب يخليكي تحوسي مرا واذا في شي من الكتاب مهم زي الاسئله الي اخر كل شابتر تخلينا نحلو وبث
وكلمتها قالتلي البونس يختلف من وحده لتانيه على حسب درجتها النهائيه ازا مو حلوه تاخد اقل بونس الي هوا خمسه درجات
وانا الحمد لله اعطتني اكتر من خمسه الحمممممممممد لله
بالتوفيق ياقلبي اتمنى اكون افدتك وبالتوفيق للجميع