معقوله مآفي أنتسآب السنه الجايه ؟؟

[كآدي الجنوب]

السلام عليكم ورحمة الله

عندي كم سؤال لا هنتم جاوبوني عليه .

اولا ابغا اعرف ليش نقصت التخصصات المتاحه لنا عن السنوات الماضيه وصارت بس أربعه
وليه تحولت للمنتسبين عن بعد ؟

والتخصصات اللي لنا هي :
أ- قسم الدراسات الاسلامية
ب- قسم الاجتماع
ج- قسم التاريخ
د- قسم اعلام - علاقات عامة

ثانيا ابغا اعرف كم المعدل المطلوب لكل تخصص فيهم ؟
وياليت تعلموني اخر قسم علاقات عامه
يعني عن ايش ادرس وفين ممكن اتوظف وقتها لو اخذته والله مااعرف عنه شي ؟

ثالثا سمعت انه تخصص الأنتساب من السسنه الجايه خلاص ماعاد فيه وانه اخر سنه له وبيكون من السنه الجايه لتعليم عن بعد وبس
معقوله هالكلام جد صحيح؟؟

ويعطيكم العافيه مقدما
وموفقين جميعااا يارب

[كآدي الجنوب]

كم المعدلات

[أبو نايف 2009]

التعليم عن بعد أفضل بمراحل من الإنتساب


يعني ذي ميزة وأي شخص يقول العكس أنا مستعد أرد على كل نقطة تتعلق بهالموضوع

[كآدي الجنوب]

أنا أدري أنه أفضل بكثيررر

بس الظروف ماتسساعد الله المسستعان

بس حبيت أعرف كم المعدلات المطلوبه لكل التخصصات المتاحه لنا

ويعطيك العافيه

[أبو نايف 2009]

المانع الوحيد من التعليم عن بعد هو توفر الإنترنت بصفة دائمة


خلاف ذلك فظروف الإنتساب هي ظروف التعليم عن بعد من حيث المبلغ ومن حيث المنهج


المعدلات لا تشيلين همها لازم يكون عندك طموح ولا تقبلين بأقل من 4


إتعبي صح أو وفري فلوسك

[كآدي الجنوب]

يعطيك العافيه
وبالنسسبه للمعدل فالحمد لله حليت
وبأذن الله فوق الاربعه .

[ABU_JANA]

الاخ العزيز ابو نايف
مشكلة التعليم عن بعد غير انه محتاج انترنت بصفه دائمة الا انه محتاج وقت تكون متفرغ فيه لحضور المحاضرات اونلاين وهذا شي صعب بالنسبة ليه دوامي من 8 ص الى 5 ونصف

سؤال ؟
التعليم عن بعد يعتبر اصعب نسبيا من الانتساب ؟
وهل بدوامي هذا اقدر اوفق بين الدراسة والعمل ؟

[أبو نايف 2009]

المشاركة الأصلية كتبت بواسطة abu_jana الاخ العزيز ابو نايف مشكلة التعليم عن بعد غير انه محتاج انترنت بصفه دائمة الا انه محتاج وقت تكون متفرغ فيه لحضور المحاضرات اونلاين وهذا شي صعب بالنسبة ليه دوامي من 8 ص الى 5 ونصف سؤال ؟ التعليم عن بعد يعتبر اصعب نسبيا من الانتساب ؟ وهل بدوامي هذا اقدر اوفق بين الدراسة والعمل ؟

عزيزي أنا موظف في وزارة الصحة وأعمل من 8 إلى 4.30 وزيد عليها نص ساعة رايح ونص ساعة جايه

أوصل بيتي الساعة 5


المحاضرات تبدأ من الساعة خمسة وحتى 10 يعني أنت وترتيبك ممكن تخليها متأخرة وممكن تخليها بدري


ممكن تجمع مادتين في يوم واحد وممكن يوكن عندك يومين ما عندك محاضرات


الدعوة كلها ترتيبك أنت لجدول المحاضرات


ما تقدر تحضرها أون لاين ( عادي ريح بالك ) إحضرها بعدين لا فضيت ويحتسب لك حضور بمجرد دخولك للمحاضرة المسجلة وش صار يعني



أنا الترم ذا خربتها على الأخير ما حضرت أون لاين إلا حول 8 إلى 9 محاضرات والباقي ساحب عليها ( تعزبت وتلخبطت حياتي بعدين أخوي دخل المستشفى عملية ومراجعات شهر كامل )


ودخلت قبل الإختبارات بأسبوعين للمحاضرات كلها محاضرة محاضرة لمدة دقيقة لكل محاضرة وتسجلت لي حضور




الدعوة سهالات وانا أخوك

[ABU_JANA]

ماشاء الله ممتاز جدا الله يطمنك عزيزي لاني افكر احول تعليم عن بعد لان تخصصات الانتساب ماتوكل عيش
بارك الله فيك يابونايف الله يعطيك العافية

والف سلامة على اخوك ومايشوف شر ان شاء الله

[مستقده]

حلو .. بسس شلون آحول تعليم عن بعد ..؟


آقدر من الآوسسَ ..؟

لآنو مآيمدي آروح العمآده آختبرت و سآفرت ..