توزيع درجات االانجلش ..

[υикиσωи]

السلام عليكم ...
مساء الخير ..

رسلتلي المس ( مس بام )حقتنا عن المنهج وتوزيع الدرجات ...الخ

المهم في الموضوع واللي لفت انتباهي ..
انو كان التوزيع كالآتي...

كويز 1 ... 25 % = 25 درجة
كويز 2 ... 25 % = 25 درجة
الفاينال .... 25 % = 25 درجة << دا اللي لفت اتباهي
الرايتنق ... 5 % = 5 درجات
السبيكج ... 20 % = 20 درجة <<< دا اللي لفت انتباهي اكتر حاجة



مع انو حقت الريتق ( مس نسرين ) اليوم ورتنا واحد برضو من مركز اللغة ..
بسس قايلين فيلوووو ..
كويز 1 ... 25 % = 25 درجة
كويز 2 ... 25 % = 25 درجة
الفاينال .... 40 % = 40 درجة
الرايتنق ... 5 % = 5 درجات
السبيكج ... 5 % = 5 درجات << تحط الاستاة عليها 20 درج بعدين تقسم على 5 ..فيطلع من 5



مني عارفة اية الكلام الصح ...!؟

مع انو الاتين من مركز اللغة ..والاتنين شوفتهم بأم عيني ...

واللي جاني من مس بام حطتو في المرفقات عشين تتأكدوو<< ومرة وحدة عشان ازا تبوو السيلابس



في أي مخلوق يقدر يفيدني ..

[i used to be]

بصررراحة .. أهنئ جامعتنا الغاليه .. الي عنصر المفاجأة عمروو ماغاب عنها .. -_-"
معليييش مني قادرة افيدك .. لانو دوبي سمعت دا الكلام منك
ومن جد مصيبا لو كان السبيكنج عليه 20 ايش هوا ذاا .. ان شالله بكرا نروح نسال .. ع قولهم شمس تطلع وخبر يبان :(

اللهم امنحهم قول مايفهم حتى نفهم مايقال :(

[υикиσωи]

المشاركة الأصلية كتبت بواسطة i used to be معليييش مني قادرة افيدك .. لانو دوبي سمعت دا الكلام منك

يكفيني انك ردتي عليا ...

المشاركة الأصلية كتبت بواسطة i used to be اللهم امنحهم قول مايفهم حتى نفهم مايقال :(

<< I like it....

المشاركة الأصلية كتبت بواسطة i used to be

المشاركة الأصلية كتبت بواسطة i used to be ان شالله بكرا نروح نسال .. ع قولهم شمس تطلع وخبر يبان :(

<< يا بتي ايش الكلام الصعب دا ..حركتاااات

[i used to be]

هع هع في زحمة هبل الانجليزي بحاول امبرووف ماي آرابيك لانجووج
ويسعدني اكوون اول احد يرد على خبطاتك .. :d

[راايق جداا]

لآلآلآ جديـ،،ــد,,,

هذه جامعه الملك عبدالعزيز،،،

كل ثانيه نظام،،،

لا اعرف هل هناك دراسة مسبقه لهذه السنه ’’’

-------------------
رآآيـ،،ــق جـ،،ــدآآ

[Dido]

التوزيع الثاني هو الصحيح.

[رنــــا]

عادي ايش تفرق ؟

انا ماخوفي الامن تصحيح استاذة نجاة للرايتنغ
لو يخلو لجنة تصحح افضل

لان هيكون فيه ظلم وعنصررررررية

[υикиσωи]

جبتلكم الخبر الأكيد خلااااص



التوزيع حكون كالآتي ...
كويز 1 ... 25 % = 25 درجة
كويز 2 ... 25 % = 25 درجة
الفاينال .... 40 % = 40 درجة
الرايتنق ... 5 % = 5 درجات
السبيكج ... 5 % = 5 درجات << تحط الاستاة عليها 20 درج بعدين تقسم على 4..فيطلع من 5


وسوري ازا لخبطتكم ..

وأفضل انو ينحزف الموضوع عشان لاا يتلخبطو الناس ...