بخصوص الترم الصيفي والتسكين ..

[انا مقبول]

السلام عليكم ورحمت الله وبركاته ..
صباح مساء الخير على الجميع



انا طالب ماتوفقت فالكيمياء وحايس فيها مافي امل اجيب فوق 80 :( وانا ابغى الهندسة
وابغى اسحب على الاختبار النهائي حتى اعيد ترم صيفي..

س1/ هل اقدر اتخصص هندسة او كلية العلوم لو اخذت ترم صيفي؟ حتى اقدر اللتحق فالهندسة ان وفقني الله

يعني مثلا الي يعيد ترم صيفي ماينحرم من بعض الكليات هنا سؤالي وكم مادة اقدر اعيد فيها < حاسب حساب الترم الثاني

س2/ الانقليزي كيف طريقة حسابه, كل ليفل على حده اول يجمعوها ويقسموها على عددها الي هي ثلاثه ؟

(مثلا لو جبت تحت 80 في ليفل 3 او 4) لان مستواي كويس في ليفل تو وان شاء الله يساعدني لو تحسب كذا



شكراً,..

[Eng.SouL]

يالغالي (:
أولاً: الرسوب في مادة راح يطيحلك النسبة الموزونة بشكل كبير جداً ~
لذلك الأفضل النجاح (:

ثانياً: الكيمياء ماهي من المواد الرئيسية في القبول بكلية الهندسة لذلك النجاح فيها هو المطلوب فقط

ثالثاً: باقي عندك ترم كامل وهو الأهم

رابعاً: طريقة حساب النسبة الخاصة مو إنك تجيب 80 في كل المواد!! المطلوب هو موزون خاص للكلية يتم حساب متوسط مواد معينه فيه وهو للقبول المبدئي للكلية فقط،،، وموزون عام لكل الكليات وهو للمفاضلة أي بأخذ أعلى النسب
ولن أقوم بشرحها لأنه يطول شرحها وتم شرحها في المنتدى آلاف المرات (:

وأخيراً: أنا درست مثلك خطة ب في التحضيري
الترم الأول:
كيمياء 64
أحياء 60
إحصاء 73
لفل2: 96
لفل3: 85

ودخلت كلية الهندسة (:
المهم لكلية الهندسة هي خطة أ ~ والمهم لكلية الطب هي خطة ب
يعني الترم الثاني لك هو الترم المصيري للهندسة

وراجع موضوعي اللي نزلته في القسم لعلك تستفيد من خبرتي في هالسنه

بالتوفيق ،،

[Abdulaziz-R]

..


شوف انا طالب من دفعة 12 اللي فاتت .. التسكين رح يصير مرتين .. اول مره للطلاب اللي ما تعثروا ف اي مواد وهذا راح يكون على كل الكليات .. التسكين الثاني للطلاب اللي اخذوا صيفي وهذا رح يكون بعد الصيفي مباشرة لكن بيكون على الكليات كلها ما عدا الكليات الصحية اللي هي طب و طب اسنان وعلوم طبية تطبيقيه .....الخ وما عدا الهندسة كممان .. لكن تقدر تدخل العلوم او كلية تصاميم البيئة وتحول للهندسة يعني الفرصة موجودة حتى لو اخذت صيفي بس توكل على الله وشد حيلك وفيه شباب كثير حولوا لكن شدوا حيلهم وجابوا معدلات عالية .. بالنسبة لمواد الصيفي تقدر تاخذ 9 ساعات يعني 3 مواد ..

بالنسبة للانجليزي ايه مجموع الانجليزي = 80 .. وترى ف ملتقى الهندسة السنة اللي فاتت العميد قال المواد اللي تدخل ف حسبة الهندسة هي : الفيزياء + الرياضيات + الانجليزي وكلها يكون مجموعها = 80 .. ومو شرط كل مادة تكون 80 يعني لو مجموع الانجليزي يساوي 75 و الفيزياء 85 والرياضيات 80 تدخل فالمفاضلة عادي لان مادة تعوض مادة لان لو تجمع هالدرجات متوسطها يطلع 80 وتدخل فالمفاضلة .. انا اعرف واحد شخصيا جاب 71 فيزياء و 95 رياضيات ودخل هندسة فرع الشمال .. يعني الفرصة موجودة واهم شئ هالثلاث مواد اللي ذكرتها لان هي اللي يا بتدخلك هندسة الكيمياء مو مهمه .. حسب كلام العميد ان الهندسة تعتمد على هالثلاث بس وما يطالعون ف الباقي .. الا لو تساويت بالنسبة الخاصة حقت الهندسة مع واحد .. يبدأوا يطالعوا ف المعدل .. بس الاساس هو الثلاث مواد ارفعها قد ما تقدر لو كانت عالية بتدخل وما راح يطالعون ف الباقي اصلا ....



انت توكل على الله وشد حيلك وركز فهالثلاث مواد وارفع فيها قد ما تقدر وان شاء الله بتدخل هندسة .. ونصيحة من اخوك انا اخذت صيفي وترى الجو النفسي العام مايريح .. وانك بتاخذ المادة مرا ثانية النفسية بتكون تعبانه شوي .. خصوصا انو وانت جالس تدرس صيفي .. بتنزل نتائج التسكين حقت اللي ما اخذوا صيفي .. وبيأثر عليك وعلى اللي حواليك وبتتحطمون شوي .. انت حاول ترفع فالكيمياء قد ما تقدر وتعديها .. وان شاء الله بتدخل هندسة..

اتمنى اكون ساعدتك موفق يا باش مهندس المستقبل ان شاء الله ^ _ ^ ...

[انا مقبول]

ممممم لبىىىىىىى روحك عزوز كفيت ووفيت
Eng.SouL .. كيف تنزل من الموزونه ؟

[Eng.SouL]

المشاركة الأصلية كتبت بواسطة انا مقبول ممممم لبىىىىىىى روحك عزوز كفيت ووفيت eng.soul .. كيف تنزل من الموزونه ؟

تحسبلك 0 ولا تمسح حتى لو تم إعادة المادة والنجاح فيها (:
وهذا ينطبق سواء عالنسبة الموزونة أو المعدل اللي من 5
أقصد: سيتم وضع 0 بالإضافه إلى درجتك بعد دراسة المادة مرة اخرى والنجاح فيها

ويمكن السؤال والتأكد في عمادة القبول والتسجيل الدوري الثاني الغرفة تقريباً خلف الدرج مكتوب عليها السنه التحضيرية أو حاجة زي كذا
خبري فيها قبل سنتين مادري غيروا مكانهم ولا لا،، لكن إذا عندك شي رح إسألهم وإن ما لقيتهم إسأل عنهم ~


ونسيت أن أقول: أن في الترم الصيفي مسموح 9 ساعات كحد أقصى ~
3 مواد عامة [أو] إنجليزي مع مادة عامة واحدة
بالتوفيق ،،