لكل طالبات وطلاب التحضيري .. ممكن تتفضلوا

[بيدو انا]

السلام عليكم ورحمة الله وبركاته ..

مساء أو صباح الخير .. على حسب وقت دخولكم

كيف حالكم ؟ أن شاء الله كويسين




طبعا مو مصدقه أني رجعت أكتب في هادا القسم اللطيف بعد 3 سنوات << الكلام دا مو عن تكبر ولكن احس السنين بتمشي بسرررعه مره الله يعدي السنة دي على خير ونتخرج بسلااام

حدخل في الموضوع على طول

طبعا انا بكتب بالعاميه لأنو ابغا اكون قريبه منكم اكتر

أنا طالبة من قسم الاعلام تخصص صحافة أعرفكم بنفسي
مطلوب مني اني أكتب تحقيق صحفي عن السنة الأولى في الجامعة .. يعني انتو التحضيري طبعا هوا تحقيق لطيف وظريف ان شاء الله ماراح تحسوا انكم في اختبار ههههه ..بيتناول عدة أفكار مختلفة


المطلوب منكم أعزائي وعزيزاتي
انكم تساعدوني فضلا لا امر في الاجابة على اسئلة التحقيق

اتفضلوا هادي هي الاسئلة




هل تغيرت حياتك بعد الجامعة ؟ وكيف ؟
ماهو الفرق بين الحياة المدرسية والحياة الجامعية من وجهة نظرك ؟
ماهي الأمور التي يخشاها او تشكل مخاوف لدى الطلاب والطالبات في السنة الأولى من الجامعة ؟
في رأيك ماهو الدعم الذي يحتاجه طالب /ة الجامعة في سنته الأولى ؟ سواء كان من الجامعة أو من الأسرة
ماهي المهارات التي اكتشفتها في ذاتك بعد دخولك الجامعة ؟ وماهي المهارات الموجودة لديك وتمت تنميتها في الجامعة بشكل أكبر ؟
السنة التحضيرية كيف تصفينها في رأيك ؟
المواقف الصعبه او الطريفه التي حصلت لك في سنتك الأولى من الجامعه ؟





احب اوضح نقطة صغيرة وممكن تكون مهمة كمان
ممكن بعضكم يتسآءل ليش انا اخترت المنتدى او القسم دا لوضع تحقيقي الصحفي
طبعا انا اخترت الطريقة دي عشان احصل على اراء مختلفة من الجنسين ( طالبات وطلاب )
ثانيا : لأنه لسه ما اعرف احد في التحضيري ممكن يساعدني ويفيدني في التحقيق



واسفه جدا على الاطالة
ولاتنسوا الاسئلة فوق

[maro abdulwahab]

هل تغيرت حياتك بعد الجامعة ؟ وكيف ؟
اكيد اتغيرت النظام جدا مختلف عن نظام الثانوية عدد الساعات طويلا جدا سار البيت للنوم والمذاكرة فقط بس الحمدلله كلو في السليم ان شاءالله

ماهو الفرق بين الحياة المدرسية والحياة الجامعية من وجهة نظرك ؟
الحياة المدرسيه احسها مقيده ومفلوته في نفس الوقت:d يعني تعال اختبر ما اختبرت ,قص شعرك ,لا تلبس كذا , ممنوع كذا . وانتا ما تهتم لانو الاساتذا بيجو يبلغوك ويحدروك اما الحياة الجامعيه لازم كل شي تسويه بنفسك يا تهتم وتنجح وتتخرج يا لا تهتم وخليك زي منتى و محتستفيد شي انتا تشوف ايش ناقصك ايش نزلك ايش ما نزلك وكدا بس عامتا كلها معقوله لانو المفروض في المرحله الجامعيه المتوقع انو الكل ناضج وعارف مصلحتو من دون محد يقولو .

ماهي الأمور التي يخشاها او تشكل مخاوف لدى الطلاب والطالبات في السنة الأولى من الجامعة ؟
انا عن نفسي اخاف ما اجيب المعدل المطلوب عشان اخش الكلية اللي اباها والقسم الي اباه وتفويت الدروس في مواد الفهم زي الرياضيات والاحصاء لو فوت حجيب العيد انا عارف :d:s

في رأيك ماهو الدعم الذي يحتاجه طالب /ة الجامعة في سنته الأولى ؟ سواء كان من الجامعة أو من الأسرة
من الاسرة ما يدوه اكتر من طاقتو يعني وقت الاختبارات لا يشغلوه وكدا يعني يقدرو اهتمامو بالجامعه والدراسه
والجامعه اهم شي يكون كل الدكاترة والاساتذة متفاهمين ومقدرين اي وضع لانو محد كامل والكمال لله فلازم من التفاهم والنقاش

ماهي المهارات التي اكتشفتها في ذاتك بعد دخولك الجامعة ؟ وماهي المهارات الموجودة لديك وتمت تنميتها في الجامعة بشكل أكبر ؟
مهارة النقاش وتفتيح المخ والاستماع للطرف الاخر

السنة التحضيرية كيف تصفينها في رأيك ؟
سنة جدااااا مفيدة مفيدة سهلة بأذن الله وتفيذك لمن تجيب معدل عالي وخلاص تحافظ عليه بس و جبت معدل واطي حتتعب وانتا ترفع فيه فأتعب دي السنة وإن شاء الله ترتاح (شويتين) السنوات الجايا

المواقف الصعبه او الطريفه التي حصلت لك في سنتك الأولى من الجامعه ؟
ههههههه اول يوم في الجامعة لسا ما أعرف اي شي قريت الجدول اللي نزلي كان فيه مبنى 12 وانا على بالي مبنى كبير زي كلية الاداب وكلية القتصاد والطب ...
المهم ما سبت بوابه في الجامعه ما دخلتها :)
وأسأل كل واحد من السكيورتي الواقف عند البوابة يقولي روح مبنى 91 من فين يقولي من بوابة الطير انا ما اعرف ايش البوابة دي تقولي الطير ودا سبب دخولي جميع البوابات وكان يومتها الجامعه مسارات الطريق واقفه وزحمه المهم الحمددلله لقيت المبنى وقالولي نفس مبنى استلام البطاقا
وصلت المبنى وخشيت مواقف المنتسبين حقون الجامعه السكيورتي طل يمين خشيت يسار :d
دخلت لفيت الجامعه واتعرفت على المباني واصحابي وكدا وانا خارج ضيعت سيارتي هههههههه
بس ونزلت دورت لقيتها اطل وراها الاقي واحد ساك عليا (طلعت الهرجه انو انا موقف مكانو وهوا مدير مستودع مدري ايش ) جلست ربع ساعا تقرين اقول فين الاقي في الجامعه الكبيرة دي ! لقيت واحد ابس شماغ وباين انو موظفو لا شي كلمتو قلي شوف الاسم وقلي روح هناك وسالت وجا وشالها والحمدلله مشيت :)
بس لسا متفائل xd


إن شاء الله حليت صح :d ولو في شي غلط قوليلي اعدلو او وضحيلي هوا

بالتوفيق ان شاء الله

[رهآمم]

وعليكم السسلاآم ورحمة الله وبركآته 3>

آهلنن مسموح للتحضيري العلمي ولا اشيل قشي
آكيد مسموح الدعوه عآمه :) < تجآوب على نفسهآ


هل تغيرت حياتك بعد الجامعة ؟ وكيف ؟

اكييد اتغيرت ، كذا احس اني بديت اول خطوة من خطوات المستقبل يعني لازم اشد حيلي ف دراستي ف صار اغلب وقتي وانا قدام الكتب < ماشاءالله xd


*ماهو الفرق بين الحياة المدرسية والحياة الجامعية من وجهة نظرك ؟

آآه ي ايآم المدرسه ="(
في المدرسه كنا مدلعين نغيب عن الاختبار يختبرونا اليوم الثاني ، نجيب درجه مو حلوه يعيدولنآ :'( ، ويأشرولنا الاشياء اللي بتجي ف الاختبآر نكون نعرف من فين نذاكر ب الضبط اما في الجامعه احس كذا امسك الكتاب تايهة مني عارفه اش اذاكر !
والحلو في المدرسه الصداقه كذا نكون كلنا ف وجه بعض 7 حصص ورا بعض كأننا اخوات =") اما ف الجامعه احس كلها زماله بس ..
في المدرسه قاعده ف فصلك الاستاذات يجوك لعندك اما ف الجامعه نفرفر تحت الشمس ونجري بعض الاحيآن عشان نوصل للكلاس اللي بعدو dx

* ماهي الأمور التي يخشاها او تشكل مخاوف لدى الطلاب والطالبات في السنة الأولى من الجامعة ؟

اكيد الكل خآيف من المعدل اللي راح يجيبو لانو هوا اللي بيحدد مستقبلنآ بعد الله =")

* في رأيك ماهو الدعم الذي يحتاجه طالب /ة الجامعة في سنته الأولى ؟ سواء كان من الجامعة أو من الأسرة ؟

يعني نحتاج لتوضيح اي شي جديد علينآ ومرشدات يفهموناآ ويدولنآ ..
ومن الاهل نحتآج تشجيع اكيد واهتمآم ..



* ماهي المهارات التي اكتشفتها في ذاتك بعد دخولك الجامعة ؟وماهي المهارات الموجودة لديك وتمت تنميتها في الجامعة بشكل أكبر ؟


اكتشفت اني اقدر انظم وقتي واقدر افصل بين حياتي وبين دراستي بحيث ماا تأثر مشآكلي ف تحصيلي الدراسي ، واتنمت عندي مهارة الانصآت :)


السنة التحضيرية كيف تصفينها في رأيك ؟

احس طريقتهاا غلط يعني المفروض نختار التخصص الاول بعدين يعطونآ سنه تحضيريه ع حسب هذا التخصص ، بس يعني هيآ بالنسبه ليآ سنه قمييله وماشي حالهآ :)

المواقف الصعبه او الطريفه التي حصلت لك في سنتك الأولى من الجامعه ؟

يخختي اكثر موقف تعبني اول يوم واناآ ادور كلاس الرياضيآت وكلاس الفيزيآ ف مبنى 7 المتآهة xo قعدت سآعتين ادور عليهم مع اختي :'( ولمن لقيناهم م عرفنا نخرج من المبنى ! غير لفينآ لين م تعبنآ ولقينا البوابه ، المهم اني اليوم الثاني نسيت مكآن الكلاسين وبالقوه لقيتهم :)



سآمحيني جآوبت بالعآمي وكدا بس م اعرف اعبر بالفصحى xd

وبالتوفييق يآرب :-*

[شـروق الزهراني <3]

هل تغيرت حياتك بعد الجامعة ؟ وكيف ؟


نعم تغيرت كثيرا ، وشتان بين حياتي قبل 6 شهور والان


تغيرت الى الاحسن ومزيد من التوتر والقلق على امور المستقبل اصبح المستقبل نصب عيني


ولا يمكن ان يمر يوم دون ان افكر في دراستي وجامعتي .......

ماهو الفرق بين الحياة المدرسية والحياة الجامعية من وجهة نظرك ؟

الحياة المدرسيه بصفة عامة مشتركة و متعاونه بمعنى اي نشاط كُنا في السابق

نقوم بعمله تأتي الحسنه لجميـع الطالبات حتى لو إن من قامت بعمله طالبه واحدة


و ساعات الدراسه كانت قليلة وكانت موآدِ كثيرة بعض الشيء ومرتبه


أمـا الان موآد محصورة و محاضرات مكثفه وقاهره مثل " الرياضيات " لا احبهـا ابغضها


و صار الاعتمآد على النفس شيء اساسي إذ لم تعتمد على نفسك ستنزلق قدمك وتتعثر للإسف

" الله كريم "

ماهي الأمور التي يخشاها او تشكل مخاوف لدى الطلاب والطالبات في السنة الأولى من الجامعة ؟

الموآد العلمية للآدبي اغلب الطآلبات ولست انا فقط والله وبالذات مادة الرياضيات بالفعل هي هم

بالنسبة لي لاني لا اريد ان انحرم من الماجستير او مرتبه الشرف ، اما بعض الطالبات يقمن بأحباطي

بقول " نحمل ايش ورانا في ترم صيفي عآدي " لاحول ولا قوة الا بالله ، ازداد هم يوم تلو يوم


في رأيك ماهو الدعم الذي يحتاجه طالب /ة الجامعة في سنته الأولى ؟ سواء كان من الجامعة أو من الأسرة

معرفة الدرجات وكيفية الدراسه وتلخيص الماده بشكل عام لآني اجد بعض المواد تدور في محور واحد


واما بالنسبه للآهل الراحة بالمنزل والتركيز على الدراسه وبالله التوفيق


ماهي المهارات التي اكتشفتها في ذاتك بعد دخولك الجامعة ؟ وماهي المهارات الموجودة لديك وتمت تنميتها في الجامعة بشكل أكبر ؟

يمكنني ان اعتمد على نفسي واحدد الصواب والخطأ بعدما كُنت افكر إن الدنيـا جميعهـا بخير ورائعة !!

و أقر ايضا بإن هناك مصاعب تهد الحمل و الطاقة و المقدره و الآن لن تجدي من يريد ان يعينك

فقط نفسي نفسي إلا من رحم الله المهارات اتمنى ، ان اتناقش في امور اجتماعيه بشكل عام


وأجد من يصغي إلي جميع المواضيع او اغلبها عن سفاسف الآمور بالنسبة لي وتفاهه الجيل الجديد


اغاني ، موضة ، مسلسلاات ؟؟؟؟؟؟؟؟؟؟ إلى متى وإلى اين !!!!!!!!!!!


السنة التحضيرية كيف تصفينها في رأيك ؟


صراع بين الجد والهزل ومسرحية متاكمله الشخصيات وفي نهايتها


إما ان تكوني في" المأسآه او بطلة في الملهآة :(


المواقف الصعبه او الطريفه التي حصلت لك في سنتك الأولى من الجامعه ؟


إلى الان تغيير المعلمات وبالذات في كريهتي الرياضيات اسبوعيا


ولا نعلم الدرجات مِن بين الشعب ، والمواقف الطريفة


إني كُنت مستعجلة جًدا على نزول المكآفأه فذهبت يوم 24 امام الصراف


مستغربه عدم وجود تزاحم ؟؟؟؟؟ واصرف واذا بي القى المكافأة 00.00 هههههههههه

للإسسسسسسف مفقره >_<"


شكرررررًا لكِ ^_^