ابغى اسلم عليكم :)

[maryam.n]

بنات و شباب التحضيري ،، السلام عيكم موضوعي ماله اي هدف الا انه مفتوح للاسئلة عن السنة التحضيرية اي احد منكم يبغى يسال في شيء عن التحضيري حتى لو تبغوا تفضفضوا فضفضوا ،، وانا ان شاء الله لما افضى حرد عليكم :*

اختكم اللي اكبر منكم بسنة و عشت التحضيري بحلوه و مره ،،، حسمها السنة الكرفة المكروفة شفتوا كل كرف حياتكم السابقة؟؟ طيروه كلو و ابدوو دحين صفحة جديدة في التحضيري و اكرفوا بكل طاقتكم لانها سنة تحديد المصير ،، مررررة لا تبسطوا انكم دخلتوا جامعة يعني نفلها. نخرج و نسحب و دا الكلام لااااا مرة لا بالذات دي السنة اكرفوا مزبوط عشان ربنا يديكم اللي تتمنوه ان شاء الله و ثقو بالله و بنفسكم ضروري شغلة الثقة و الاستخارة و حتى لو نقصتوا درجات كملو و اكرفوا اكتر و لا تفقدوا الامل ما تدري يمكن صاحبك اللي جاب كامل في النهائي ناس كتير ينقصو و انت تجيب كامل و تكون احسن منهم كلهم ،، الزبدة هذه مساحة للاسئلة و الحوار و لمساعدتكم نتو يارب يجعل عملي خالصا لوجه الكريم عشان افيد غيري :)

موفقين

[M!ss.R!ma]

هههههههههههههههههـ عجبتنني أكرفوووا xd <<< واللهـ إنا قاعدين نككرف من أول يوم ..
موضوعكـ جددددن جميل و بالعكس أناعني أحس إن هدفة مررررررة كوييس
لأن الإنسان لما يفضفض و يحس إن كل الي حولهـ نفس الحاله يرتاح شوي ويبطل شغل النفسيات
ويشتغل على نفسه من جديد ..
وبس :)

[haso_on]

اول شي مشكوره علا اهتمامك واعطائنا من وقتك والله يجعله في موازين حسناتك

انا بس ابغا اسئل عن الي يجيب درجات مووش كويسه في الدوري الاول ...ويبغاا طب ^_^

هل هذي الشي ما يأثر ؟ يعني اقدر اعووض ؟

[maryam.n]

مس ريما ،، يا رب دووم الضحكة ،،

بالنسبة للدوري الاول و الدرجات السيئة ترا كل الدفعات سرلها كدا و دا شيء طبيعي جدا لانو كل شيء مختلف تماما عن ايام المدرسة و الدلع ،، بس خلي دا النقص حافز ليك انو تبدا من جديد بجد واصرار مرة لا تفقد الامل وخلي في بالك انك تجيب الدرجة الكاملة و بس و بعد عن راسك الافكار السلبية او انو المادة صعبه و غيرها من الكلام الخرافي ،و ابعد عن الناس المثبطة للهمه و اللي دائما تتأفف و علاماتها نازلة لانهم حيعدوك ،، و ترا يا ناس من هذا المنبر احب اقلكم الطب يبغاله كرف و تركيز و حفظ(ذاكرة) و حب للتخصص و الا احلم انك تكمل فيه ،، و لا تنسى الدعاء يغير حياتك مجرد اخلاصك لله في الدعاء و برك لوالديك و دعاهم ليك صدقني حيرفع لدرجات يمكن ما كنت تحلم فيها و العكس؛)
و بالمناسبة ترا نسبة قبول الطب للبنين السنة اللي فاتت ما عدت 90 بالنسبة الموزونة فان شاء الله خير اما البنات كل مالها النسبة ترتفع فشدوووو حيلكم و بالتوفيق

[HU~]

مرررة أشكركِ على كلامك اللي كله تفاؤل الله يسعدك ويحقق كل اللي في بالك يارب :")
بس سؤال بسيط .. لو مثلا الموزنة كانت = 95% كم يكون المعدل من 5 ؟ و كيف نحسبها أساساً!
يعني بالبوينت و كدا زي مثلاً معدّل 4,91 من 5 .. 3,50 من 5 الخ..
يارب فهمتي سؤالي ! Xd

[MES00]

مرا شكرا على موضوعك القميل زيك..\
مرا جااا في وقته
انا حاليا مرا متحطممة 00طموووحي طب وخاايفة حيل ماادخله ساعتها من جد بنهار :)
ودي احد يجاوب ع استفساراتي ويقولي كم اخر موزون وقفوا عليه العام عشان اعرف وضعي من الحين؟؟!!
انا الحمدلله عكس الكل مرا كانت درجاتي حلوة الدوري الاول اخذت الفل مارك بفضل الله في كل المواد لكن الانجلش حطمني جبت 90 المستوى الثالث :) وماتوقع الرابع بجيب شي عالي مرا بحدود 90-95 ماتوقع اكثر :) واليوم مرا تحطمت بالاتصال لاني غلطت وهو اتفه مادة

ابي احد يرفع معنوياتي >> اهئ اهئ

[I Crusher o]

السلام عليكم ورحمة الله وبركاته

انا عندي استفسار بخصوص السنة التحضيرية

اول شي انا بسوي اخلاء طرف من وين اسوي ؟

ثاني شي لو بسجل هل استطيع اسجل الترم الثاني ولا لا ؟ واذا لا ارجو التوضيح

هذا كل شي معليش اذا كثرت .

[abo amoud]

بإختصاااااار .. ابى اجيب فوق 25 في اختبار الكيمياء [ الاختبار الدوري الثاني ] ..
الاول جبت العيد , ولازم اعوض الحين .. وماعندي اي شي الحين اذاكر منه .. وش الحل ؟؟!!

[Wa3od]

الله يوفقنااا وشكرا على موضوعك الرائع ...ابا اسئلك امم كيف كانت طريقه مذاكرتك عشان دخلتي طب يعني كنت تعتمدي ع اي ملخصات وكيف تقسيم وقتك وكذا عشان نبدا بدايه صح (: ..اممم وحابه اخد رايك في اختبار تحديد المستوى للانجلش اذا الواحد عنده انجلش متوسط برايك يختبر تحديد المستوى ويطلع ليفل اعلى ولا مايختبر ويبدا من البدايه عشان يقولو الانجلش يرفع المعدل ...؟؟؟
و هل الطب لازم الواحد يتفرغله تفرغ كامل يعني اذا كانت متزوجه مارح تقدر ؟؟

معليش حنتعبك ..الله يوفقك بتخصصك (:

[maryam.n]

المشاركة الأصلية كتبت بواسطة hu~ مرررة أشكركِ على كلامك اللي كله تفاؤل الله يسعدك ويحقق كل اللي في بالك يارب :") بس سؤال بسيط .. لو مثلا الموزنة كانت = 95% كم يكون المعدل من 5 ؟ و كيف نحسبها أساساً! يعني بالبوينت و كدا زي مثلاً معدّل 4,91 من 5 .. 3,50 من 5 الخ.. يارب فهمتي سؤالي ! Xd

اي احد يجيب 95 و فوق معناه اخد 5 ،، و لو حسبيتها لو جبتي في كل مادة 95 حتكون نسبتك 95 و حتى لو نقصتي في مادة اكتر من كدا مرة عادي تقدري تعوضيها في مادة تانية ،، طبعا نسبة الترم الاول مع التاني يتجمعو و ينقسمو على اتنين و المعدل اللي من 5 نفس الطريقة و حتطلعلك نسبة و معدل نهاية السنة اللي حتدخلي بيه التخصص،، و في خانة احسب معدلك تجريبا في الاودس تقدري تتوقعي كم ممكن تجيبي و تطلعلك نسبتك المتوقعة :)

المشاركة الأصلية كتبت بواسطة mes00 مرا شكرا على موضوعك القميل زيك..\ مرا جااا في وقته انا حاليا مرا متحطممة 00طموووحي طب وخاايفة حيل ماادخله ساعتها من جد بنهار :) ودي احد يجاوب ع استفساراتي ويقولي كم اخر موزون وقفوا عليه العام عشان اعرف وضعي من الحين؟؟!! انا الحمدلله عكس الكل مرا كانت درجاتي حلوة الدوري الاول اخذت الفل مارك بفضل الله في كل المواد لكن الانجلش حطمني جبت 90 المستوى الثالث :) وماتوقع الرابع بجيب شي عالي مرا بحدود 90-95 ماتوقع اكثر :) واليوم مرا تحطمت بالاتصال لاني غلطت وهو اتفه مادة ابي احد يرفع معنوياتي >> اهئ اهئ

ما شاء الله درجاتك حلوه بس لا تغتري بيها ؛) الاتصال فيه رفع اعتقد درجة و لا درجتين في النهاية بس لازم تعملي الواجبات اللي تقولكم عليها الاستاذة ،، الانجلش اهم شيء ركزي في الكلاس و بنات ابغى اقلكم دي السنة اعتبروها جهاد ، محاربة اي شيء المهم توصلو للدرجات العاللليييييية اللى تبغوها ان شاء الله لذلك اي شيء منتو فاهمينه او صعب تدبرو نفسكم عشان تفهموه و لا يتراكم ، روحوا لدكتورتكم في الساعات المكتبة و دا شيء مرة مفيد جدااا ،، و اشتروا ملخصات الماث و الفزكس و الاحصاء لجمال السعدي ، زويل ، بركات في الكيميا
و اذا مرة منتو قادرين روحو عند خصوصي ، مدرسة خصوصية مرة مو عيب و نص اللي عندنا طب كانو ياخدو خصوصي و حتى احنا دحين في مادة اغلب البنات بياخدو فيها خصوصي النهاية المعلومة توصلكم و تفهموها ،،

المشاركة الأصلية كتبت بواسطة i crusher o السلام عليكم ورحمة الله وبركاته انا عندي استفسار بخصوص السنة التحضيرية اول شي انا بسوي اخلاء طرف من وين اسوي ؟ ثاني شي لو بسجل هل استطيع اسجل الترم الثاني ولا لا ؟ واذا لا ارجو التوضيح هذا كل شي معليش اذا كثرت .

اخلاء الطرف روح عند العمادة ،، و لا ما يمديكي تسجل الترم التاني لانو لازم لو رجعت تقدم في الجامعة من جديد لازم تكون الفترة بين سحبك للملف و التقديم مرة تانية 3 شهور ،، لسى يمديك تجمع درجات لا تياس الاولاد دايما نسبهم اقل من البنات بفارق كبير جدا ،،

المشاركة الأصلية كتبت بواسطة abo amoud بإختصاااااار .. ابى اجيب فوق 25 في اختبار الكيمياء [ الاختبار الدوري الثاني ] .. الاول جبت العيد , ولازم اعوض الحين .. وماعندي اي شي الحين اذاكر منه .. وش الحل ؟؟!!

نصيحتي الكتاب فقط لحل التمارين اما الفهم من الملخصات حقت الدكاترة اللي ذكرتهم في الرد اللي فوق ،، و زي ما قلت اي شيء مو فاهمة روح الصق للدكتور في ساعاته المكتبية خليه يفهمك و اذا مرة ما فهمت منه خدلك خصوصي
و على فكرة دايما الدوري التاني للكيم اسهللل لانو اصلا الحزئية مرة اسهل :) شد حياك و بالتوفيقد

المشاركة الأصلية كتبت بواسطة wa3od الله يوفقنااا وشكرا على موضوعك الرائع ...ابا اسئلك امم كيف كانت طريقه مذاكرتك عشان دخلتي طب يعني كنت تعتمدي ع اي ملخصات وكيف تقسيم وقتك وكذا عشان نبدا بدايه صح (: ..اممم وحابه اخد رايك في اختبار تحديد المستوى للانجلش اذا الواحد عنده انجلش متوسط برايك يختبر تحديد المستوى ويطلع ليفل اعلى ولا مايختبر ويبدا من البدايه عشان يقولو الانجلش يرفع المعدل ...؟؟؟ و هل الطب لازم الواحد يتفرغله تفرغ كامل يعني اذا كانت متزوجه مارح تقدر ؟؟ معليش حنتعبك ..الله يوفقك بتخصصك (:

اهلا :) ،ً ،، و الله مصادر المذاكرة انا قلتها في الردود اللي فوق ( ملخصات ، نوتز اكتبها في الملاس و اهم شيء في الحياة كلها اسئلة اختبارات سابقة تجي نص الاسئلة كوبي بيست منها نفس صيغة السؤال تلاقوها هنا في المنتدي مررررررررررة مهمة )
طريقة المذاكرة ،، لا تراكمي عليكي ابدا الدروس و خليكي جدية مع نفسك و حطي لكل مادة وقت محدد للمذاكرة اليومية عايري المنبه عشان ما تتجاوزي الوقت كدا حتشدي على نفسك اكتر ،، اكتبي عبارات تشجيعية وايجابية و لصقيها في مكان دايما تشوفيه في غرفتك ،، تجهزي نفسك قبل الاختبارات باسبوعين و تعطي كل مادة حقها ،، ارضي والدينك و خليهم يدعولك ،،اتصدقي وارضي ربنا و ادعية واستخيري على التخصص الطب ،، ما تدري وين الخير ،، اذا ما جبتي العلامة اللي تبغيها لا تزعلي لانك عملتي اللي عليكي و ذاكرتي و بذلتي طاقتك ووقتك وجهدك واعرفي انها خيري اهم شيء روح التفاءل و اليقين بالله و الثقة بنفسك و قدراتك لا تتزعزع ابداااااااااا ،، شيء مهم جدا من تجربة يعني،، لا تقولي لاحد درجاتك الحلوه و لا تبيني انك اينشتاين متخفي بينهم ، اولا عشان العين تانيا لانو انتو الان في حالة تنااافس شيديد جدا تكادو تقطعوا بعض ،، ترا كنت مكانكم يوم من الايام واعرف البنات كيف يفكرو ،، المهم و لا تقولوا لاي احد انا ابغى طب ،، سو اموركم بالكتمان و ربنا يفتحها عليكم
بالنسبة للطب و الزواج والله انا ما جربت بس ،، كل شيء في البداية صعب و يحتاج تركيزك ووقت عشان تتكيفي معاه زي في اول سنة في المتوسط واول سنة في الثانوي و اول سنة في الجامعة التحضيري و كمان اول سنة في التخصص خصوصا الطب مرة حيكون صعب ،،
ملاحظة الطب صعوبته في دش المعلومات الكبيرة جدا اللي في وقت قصير فقط :)
بالنسبة للانجلش احسن تدخلي اختبار تحديد المستوى و هما بالزبط حيحطوكي في اللفل اللي يناسبك ،،، لانو ترا الانجلش ياخد 3 ساعات من يومك او اكتر تخيلي فمالو داعي تضيعي اختبار تحديد المستوى و الانجلش يلازمك كل السنة