سؤال مهم

[شما حمدان]

السلام عليكم ورحمة الله وبركاته
بس كنت ابغى استفسر انا جاني القبول الجامعي من 3 اسابيع تقربيا ولدحين ما نزل جدولي ولا طلعت البطاقة مع العلم انو وحدة من البنات انقبلت في نفس يومي ونزل جدولها ..
وكمان ما ادري اسجل بالدورات واللى استنى لحد ما ينزل الجدول لاني اعرف خطتي
وكمان هل ادوام يوم السبت اذا نزل الجدول

[حيــــــاة]

وعليكم السلام ورحمة الله وبركاته
اول شيئ مبروك قبولك ،،
اما بالنسبة لتأخير الجدول والبطاقة فكثييير زيك ولا تقلقي ،،
اتصلي السبت بإذن الله عالعمادة وخبريهم انه جدولك مانزل وبيحلون المشكلة بإذن الله
وبما انك عارفه خطتك خلاص سجلي بسرعه في السنترا قبل لا يقفل التسجيل فيها ولا تنتظري الجدول ،،
ومافي دوام في الجامعه المحاضرات عن طريق النت ،،
لو كنتي خطة أ فالسنترا حقك بتبدأ السبت بإذن الله ،، اما خطة ب لسى بتبدأ السنترا في 10 محرم ،

اتمنى اني افدتك ،،
موفقه :-)

[شما حمدان]

مشكورة حياة تسلمي كلك ذوق والله يبارك فيكي بس انا ما اعرف رقم العمادة
وبخصوص التجسيل في الدورات انا خطة ب لمن اجي اسجل ما يرضى لمن سالت يقولوا لانو لسا ما نزل جدولي معليس بس سؤال عادي اشتري الكتب وابدأ اذاكر حتى لو ما نزل جدولي بما اني اعرف الخطة

[حيــــــاة]

المشاركة الأصلية كتبت بواسطة شما حمدان مشكورة حياة تسلمي كلك ذوق والله يبارك فيكي بس انا ما اعرف رقم العمادة وبخصوص التجسيل في الدورات انا خطة ب لمن اجي اسجل ما يرضى لمن سالت يقولوا لانو لسا ما نزل جدولي معليس بس سؤال عادي اشتري الكتب وابدأ اذاكر حتى لو ما نزل جدولي بما اني اعرف الخطة

العفو ولو كلنا هنا لبعض :-)

اسفه حسبت نفسي حطيت لك ارقام العمادة فوق ،، تفضلي
6952222
6952000
6400000
حطي في بالك انهم مايردون بسرعه ،، فلا تطفشي وانتي عالسماعه>_<
غريبة ليش مايرضى يسجل مع انه البعض سجلهم السنترا عادي وجداولهم مانزلت! ! المعم لا تقلقي السبت بيفيدوكي ،،

بالنسبة للمذاكرة ،، اي يفضل تبدي تذاكري بدري وتشتري الكتب, , وعندك محاضرات الانتساب المسجله من الترم الماضي استمعي لها بتفيدك كثير
كل المناهج نفسها ما تغيرت الا الطبعه مافيها الا اختلاف بسيط في ارقام الصفحات فقط ،،
ماعدا مهارات التفكير مابتفيدك المحاضرات القديمه لانه المنهج تغير بالكامل ،،
فذاكري الاحصاء والاتصال والانجلش ويصير وقت السنترا بس تراجعي مع الاستاذه ، والتفكير ابدي فيه مع نفسك وبعد كذا استمعي للشرح تمام مع السنترا
هنا المحاضرات

http://www.kau.edu.sa/accesspage.asp..._id=214&lng=AR

اتمنى اني افدتك ،،
موفقه :-)

[حيــــــاة]

كمان ارسلي على هذا الايميل ،، الخاص بمشاكل جداول الطالبات الي مانزلت ،، وبيفيدوكي ،،
تقريب مابيردوا هاليومين الين السبت ارسلي واتصلي وارسلي واتصلي الين ينزل السيد جدول ;-)
اكتبي في الرساله المشكلة ورقمك الجامعي
وبإذن اﻷه ينزل في اقرب وقت

موفقه :-)

[شما حمدان]

اي ايميل من جد السيد جدول تعبني

[حيــــــاة]

المشاركة الأصلية كتبت بواسطة شما حمدان اي ايميل من جد السيد جدول تعبني

اووه ،، اسفه حسبت نفسي حطيته
تفضلي
darg.tasjeel@kau.edu.sa

ولم يجي سيد جدول سلمي لي عليه

[ميمو العسولةة ،]

ياشيخا ريحتي قلبي عسى الله يريح قلبك =’$
ترا انا نفس مشكلتك وشككلهم كل مرا بالقطارة يسسوهه ،
انا عارفة خطتي بس جدولي مانزل ولا قادرة اسجل بالسنترا عشان يقولوا مو مسجلة باي فصل :/
السبت إن شاءالله نشوف كيف =’$
والله بجد ريحتيني مررا لنو كنت شايلة هم واحسب انا لوحدي بس ، :/

[شما حمدان]

هو خلي السيد جدول ينزل ومن عيوني اسلملك عليه بس من جد مشكورة الله يعطيكي العافية يا رب
وانتي يا ميمو كلنا لبعض ونفيد بعض ومشكلتك حتى انا مو بس انتي الله يسرها يا رب اذا اتصلتي قولي ايش يصير معاكي ......
مشكورة مررررررررررررررررررررررررررررررررة يا حياة

[ميمو العسولةة ،]

دقيت عليهم قبل شوي ،
قالو مافي احد دقي الصباح :/