اضافة المواد في الاودوس

[wolf-999]

السلام عليكم

يا شباب انا في المستوى الرابع ولما دخلت الاودوس على ايقونة جدول الطالب حصلت مضاف لي 5 مواد مع اني ما اضفت شي من قبل , ياليت تفهموني وش الموضوع

الشي الثاني .. اذا كانت هذي المواد هي مواد الخطة الدراسية للمستوى الرابع , هل اقدر اضيف مادة سادسة عليهم؟

الشي الثالث .. ياليت تعطوني مواد المستوى الرابع في الخطة لاني ضايع ومدري وين الله حاطني

اتمنى الرد يا شباب

[دقاااات قلبي]

وعليكم السلام...

عااادي الوضع خييو.. حقين الجامعه هم الي حطوو لك الجدول وانت عاد بكيفك اذا تبغى تغيره غيره واذا لا خله مثل ماهو..
انت ما ذكرت لنا وش المواد الي حاطينها لك عشان نشوف ع الخطه ولا لا...
المواد الي يدرسونها المستوى الثالث والرابع..هـــي
= مبادى المحاسبه الماليه..=مبادى المحاسبه الاداريه..=اساسيات الاداره الماليه..
=مقدمه في نظم المعلومات الاداريه..=مقدمه في ادارة الموارد البشريه..=مقدمه في ادارة الاعمال..
=مبادئ التسويق..=قانون الاعمال..=مبادئ الاقتصاد الكلي..=مبادئ الاقتصاد الجزئي..=ادارة العمليات..
انت حمل الخطه الدراسيه وراح تشوف كل ماده لها لون..اللون الاحمر مقرر للجامعه..اللون الازق لكلية الاعمال..اللون الاسود للتخصص...
الماده السادسه ع حسب عدد الساعات المعتمده لك ...اذا في مكان لها تنضاف لك اما اذا مافي مراح تقدر تضيفها...

تعبت<<امززح...

ان شاء الله قدرت اساعدك خيوو لو بشي بسيط..دعواتك وبالتوفيق :)

[wolf-999]

الله يعطيك العافية يختي

جيت بدخل الاودوس عشان اعطيك جدولي اللي حطوه لي بس ما رضى يدخل بس اشوا صارت مشكلة الاودوس عامة
بالنسبة للخطة الدراسية ياليت تعطيني ملفها او رابط لها لاني تعبت وانا ادور الخطة الجديدة لان كل اللي اشوفها خطط قديمة وملخبطة , مع العلم ان تخصصي ادارة موارد بشرية

والف شكر لك

[دقاااات قلبي]

انا اخذت الخطه من موقع الكليه..
{http://cob.rb.kau.edu.sa/Pages-%d8%a...%8a%d8%a9.aspx}

[wolf-999]

هذا جدولي اللي حصلته مسجل لي في الاودوس:

أساسيات المحاسبة الادارية acc-252
ادارة العمليات mrk-253
مبادىء التسويق mrk-152
أساسيات الادارة المالية fina-252
أساسيات الاقتصاد الجزئي fina-251

وش تنصحوني اضيف عليه

[دقاااات قلبي]

ضيف الثقافه الاسلاميه او العربي...
انصحك انك تستشير tariq_101فجدولك لان هو ما شاء الله عليه يعرف اكثر مني:)

بالتوفيق...

[wolf-999]

يا شباااب وش تنصحوني اضيف؟
ترا لابتوبي مو معي في الوقت الحالي عشان كذا ما ارد الا اذا حصلت فرصة

[شرواي]

-

جدولك 3 مواد علميه
أساسيات الادارة المالية fina-252
أساسيات الاقتصاد الجزئي fina-251
أساسيات المحاسبة الادارية acc-252
وانا انصحك تحذف ماده علميه وتضيف مادتين نظريه

ودي ..

[wolf-999]

وش المواد النظرية اللي تنصحوني فيها؟

وأي مادة علمية تنصحوني احذفها؟

شكلها بتبدأ الاختبارات وانا ما خلصت من سالفة هالجدول

[wolf-999]

معقولة مافيه احد يرد