بخصوص المعدل المطلوب + اماكن الدراسة

[Rufi Joseph]

-






السلام عليكم ورحمةة الله وبركاتةة
لو سمحتم حابةة استفسر عن المعدل المطلوب لكليةة الهندسةة بنات !
وايش المواد الي يركزو عليها بالمعدل !!
وكمان ابغا اعرف وين يدرسو البنات ! صار فيةة كليةة مستقلةة ولا يدرسو بشطر البنات !
وحاليا قسم واحد مفتوح بس !!
وكيف الدراسةة ؟
جزاكم الله بالجنةة ، محتاجةة رد باسرع وقت

[thamer070]

النسبه المطلوبه اتوقع قفلت العام الماضي على التسعين او فوقها بشوي
تركيزهم على المواد
مثلكم مثل الطلاب فيه نسبه عامه وهي متوسط كل المواد
ونسبه خاصه وهي متوسط المواد التاليه:فيزياء رياضيات انجليزي المستوى 2 و3 و4
ويمكن الاحصاء مو اكيد
اما مكان الدراسه
فهو اول ماتدخلين من البوابه اللي عند الجامعه بلازا على اليمين
هم صحيح في شطر الطلاب بس مقفلين عليهم وكذا
والبوابه اللي عندها الكليه اقرب لبوابه غربيه 1 حقت البنات اللي هالسنه قفلوها
بالنسبه للأقسام الله واعلم
والدراسه مافي صعب بس شده حيل وتمشين

[Rufi Joseph]

^




جزاكك الله خير اخوي 3>
بس بتأكد من الاحصاء اكيد داخل ولا كيف ؟
وسمعت انو قسمين الي متوفرةة صناعيةة - كهربائيةة
ايش طبيعةة الهندسةة الصناعيةة للي يعرف !؟
يعني الكهربائيةة تضم الحاسب وكيدا ، الصناعيةة !!!!!!!
شاكرةة لكم

[ططال عمري]

الصناعية قسم يهتم بادارة المشاريع الهندسية و ادارة مصانع و شغﻻت من هالنوع ..
و اطلعي على خطة القسم و المواد اللي فيها عشان تاخذين فكرة عن التخصص

الكهرابء يضم اربعة اقسام - باور و الكترونات و طبية و حاسبات -

[S.Bn]

السنة اللي راحت وقفت النسبة على 93%

و يدرسوا معانا في الشطر في مبنى الحاسبات و مبنى العلوم

و بالتوفيق

[kingOFweal]

اختي اذا انتي تخصصتي خلاص مثلا بكلية العلوم , مإنهم ما يهتموا الا بالمعدل
لكن اذا كنتي طالبة سنة تحضريرية فيهتموا بالنسبة فقط لا بالمعدل !
- لو متخصصه بكلية العلوم خوذي المواد المشتركة مثل ( math202 - math203 - phys202 phys281 - chem281 - math204 - math205 )
ولو كنتي في السنة التحضيرية فيتم حساب النسبة كالتالي :-
*النسبة الخاصة للهندسة ( الرياضيات×3 + الفيزياء×3 + انجليزي لفل 4 ×2 + انجليزي لفل3 ×2 ) الكل ÷ 10
*النسبة العامة ( جميع المواد × عدد ساعاتها ) الكل ÷ عدد الساعات

اخر نسبة قبول (العامة) في الهندسة كان 92% تقريبا
واخر نسبة قبول ( خاصة ) في الهندسة الصراحة ما ادري لكن الطلاب 80%

احتمال كبير ان البنات اكثر من 80% ممكن 85% وانتي طالعة

شدي حيلك وبالتوفيق ^^