تخبطات الجامعة ..

بـلـقـيـس · #1 13-09-2012, 10:59 AM

السلام عليكم ورحمة الله وبركاته

أول شي المفروض من إدارة الجامعة لما تقرر تغير شي في طريقة التدريس اللي تعودوا عليها الطلاب والطالبات
يحطون إعلان مسبقا قبل تطبيق أي شي
يكون الاعلان في موقع الجامعة أو في الاودس قبل لا يبدأ الفصل الدراسي
ويوضحون فيه الاشياء اللي راح تتغير
مثل مواعيد المحاضرات والسنترا وغيره
عشان لانتلخبط ونحوس ونكتشف تخبطات الادارة بأنفسنا
ثانيا موظفين و موظفات الجامعة بدأ دوامهم من يوم 7-10-1433
واليوم 26-10-1433
ومافي شي واضح
لا الجداول جاهزة ولا نزلت اسماء الاساتذة والدكتورات
والتقويم نزل قبل يومين وناقص بعد << والمفروض يكون جاهز من تاريخ 14-10-1433
يعني بصراحة أنا قاعدة أتخيل ان أغلب الموظفات >> قاعدين يتقهوون << وحلويات وسوالف وسعة صدر
وكانهم يقولون إن البنات لاحقين < قدامهم 3 شهور
وكل وحده تقول من وجهة نظرها متى يبدأ السنترا << ويطبعون الإعلانات ويعلقونها << بعدين يغيرون رايهم<< ويطبعون إعلان جديد
وإحنا ننتظر على أعصابنا
لا تقويم كامل
ولا توضيح للتغييرات الجديدة
ولا جداول
ولا شي
وين التخطيط والتنسيق والتنظيم والتوجية اللي ندرسه 4 سنوات كامله واحيانا أكثر
وين نتائج الرقابة كل السنوات اللي راحت
وإلا كله كلام على ورق
مافيه الا استهتار واستهتار واستهتار
وعذرهم << إنهم مشغولين بطالبات الانتظام << مو عذر << كم عدد موظفات الجامعة ؟؟

كل شي المفروض يكون جاهز قبل بداية الفصل الدراسي ..

أنا ودي كلامي هذا يوصل لأكبر مسؤول في الجامعة
أنا فوضت أمري لله
وربي بيحاسبهم على تقصيرهم واستهتارهم
هم ياخذون رواتبهم على عمل ملزومين يقومون فيه على أكمل وجه
( إن الله يحب إذا عمل أحدكم عملا أن يتقنه )

طالب مجتهد 5556 · 13-09-2012, 11:39 AM

المشاركة الأصلية كتبت بواسطة بـلـقـيـس

يعني بصراحة أنا قاعدة أتخيل ان أغلب الموظفات >> قاعدين يتقهوون << وحلويات وسوالف وسعة صدر

بدون ماتتخيلي يااختي هذا الشي حاصل

انا شايفهم في قسم الرجال منحشرين في غرفة فوق 10 كانهم غنم يشربون شاهي وسوالف وتميس وفول واحنا والله جالسين برا على الكراسي ننتظر احد يجينا

لكن حسبي الله ونعم الوكيل