استفسار مهم !!

[Rona Bajouda]

السلام عليكم ...
انا طالبه انتهيت من السنة التحضيرية علمي نجحت بمعدل 3.75 كنت ابغى ادرس تصميم داخلي اللي هوا في كلية الاقتصاد المنزلي طالبين معدل مايقل عن 3.5 و كان في تسجيل في اختبار القبول للقسم سجلت في الاختبار قبل ماتنزل نتايج التسكين بس سارتلي مشكلة في التسكين و ماطلعتلي اي نتيجة لما دحين كل مافتح يطلعلي بالموقع انو لايوجد فصل دراسي متاح راجعت عمادة القبول كم مرة و ماستفدت قدمت طلب تسكين من عندهم خمسة مرات و برضو مافي اي نتيجه و مافي احد يفهمني ايش المشكلة و اخر مره رحت قالولي انو طلبات التسكين كلها اتحولت لقسم الرجال و خليت بابا يراجع قالو خلال الاسبوع دا و مافي اي نتيجه و فاتني اختبار القبول كان يوم الاحد و هوا يكون مره وحده في السنه يعني لازم استنى للسنة الجايه و ماني عارفه ايش اعمل دحين ادخل اي قسم في الاقتصاد المنزلي و لا يمديني ادرس بأي كلية و السنه الجايه ارجع احول و حكاية التحويل كلها ماني فاهمتها ياريت توضحولي و تساعدوني الله يخليكم و شكرا

[كيكه]

علمي علمك ماني عارفه ان شاء الله يفيدوك البنات

[Rona Bajouda]

شكرا ياقلبي طيب ماتعرفي من فين اقدر اتواصل مع طالبات في كلية الاقتصاد المنزلي ؟؟

[لوحة مفاتيح..]

ادخلي قسمهم هنا فالمنتدى. واسالي
الله يسهلك امورك ياقلبي