سؤال في الكيمياء

[بيو كيميائية ^_^]

السلام عليكم
إن شاء الله الكل بخير وسعيد
المهم
أنا ماحضرت مرة محاضرة كيمياء كنت متضايقة ومالي خلق فما أدري عن ايش يتكلم في بداية الشبتر( شبتر 8)
فلو سمحتوا إذا مافيها تعب أحد يقولي عن ايش يتكلم مو لازم شرح بس أبي أعرف عن ايش يتكلم
لأني عمري مافتحت كيمياء بس أعتمد على الشرح ومالي خلق أفتح
وأنا ابي أروح لها تشرح لي بس مادري عن ايش يتكلم و ماأحب أكون مثل الأطرش في الزفة

وشكراً مقدماً والله يوفقكم في الدنيا والآخرة ويحقق أمانيكم

[M!ss Mojy]

اممممممممممممممم على حسب ماافتكر

عشان احنا بدانا هذا الشابتر قبل الدوري الاول

بس الي افتكره انه يتكلم عن التوزيع الالكتروني للأيونات

وعن الالفه الاكترونيه وجهد التأين والسالبيه الكهربائيه وشي اسمه Z-eff

وترى الشابتر مررررره سهل وقليل يعني مافيه كلام كثير

واتمنى اني اكون افدتك ياقمر

[υикиσωи]

يا قلبي بداية الشابتر اول شي حق الجدول الدوري ...
و اخر مدار لكل مجموعة ...<<بسس دوبي لما شفت الكتاب ماااا لقيت دا الشي مكتوب ...
بسس عشان ع طول تقدري تجيبي التوزيع الالكتروني لاي عنصر (اساسي ) ...
A1 : ns1
A2: ns2
A3:ns2 np1
A4:ns2 np2
A5:ns2 np3
A6: ns2 np4
A7:ns2 np5
A8:ns2 np6

بعدين تعرفي ايش اسماء ديكا الاشياء اللي في ص 319 ... اللي في الرسمة ..

دويب اتزكرت شي قالتو في المحاضرة ..بسس مني لاقيتوو مكتوب عندي ...:( ...انو النظام الأمريكي رتب الجدول الدوري بــA,B
بعدين الفرنسيين قالو ما نبا نرتب بترتيبكم ...فالنظام العالمي ع ما اعتقد جا ورتبها بالارقام زي ما انتي شايفة في الجدول الدوري ...من 1 لــ 18 ..بسس احنا نحب الامريكان ونمشي ع كلامهم <<حاجة زي كدا هوا

موجي ازا انتي فاكرة ايش قالت الدكتورة قوليلنا ...

امممم ..بعدين التوزيع الالكتروني ..والكتاين والاناين ...
وفي نقطتين ..
-انو دائما العناصر اللي في نفس المجموعة ليهم نفس الخصائص
- وانووو الاناين والكتاين دائما بفقدهم او اكتسابهم الكترونات يكونو وصلووو لحالة الاستقرار ووصلو للتوزيع الالكتروني للغاز الخامل
بصورة تانية : دائما الكتاين والاناين التوزيع الالكتروني ليهم هوا توزيع الغاز الخامل ..

وبعد كدا الــisoelectronic اللي يكون ليهم نفس عدد الالكترونات للغازز الخامل ... << كاتاين واناين

كمانا دائما لما يسير الكتاين لعنصر أساسي ..فالالكترونات ننزعها من المجالns بعدين من [n-1] d

---------
بعدين جوو للخصائص الفيزيائية ...
اول شي شحنة النواة الفعالة Effective nuclear charge
الي هوا الجزء من شحنة النواة اللي تتأثر بيلو الالكترونات الخارجية
عشان الكترونات الذرة الموجودة في مستوى الطاقة الأخيرما تتأثر بكل شحنة النواة الموجبة الناتجة عن البروتونات ، هيا حتتأثر بجزء قليلعشان الكترونات الداخلية ح تحجب تأثير البروتونات عن الإلكترونات الخارجية .

مسلا الإلكترون الأخير في ذرة الصوديوم ماح يتأثر بـالـ 11 بروتون ..حيتأثر بس بقليل عشان في 10 الكترونات داخلية حاجبة ..
z(eff)=z-9
9 = segma....looolz
z= no. of protons
9 = no. of inner electron


امممم ....بدك أكمل كملت ... ما بدك برضو زي ما بدك ....

[بيو كيميائية ^_^]

شكراً خيوه
هذا عطتنا اياه في شبتر 7 بعضه والبعض الثاني حضرته
خلاص لاتكملين دكتورتنا لازم تعطينا شوي من الشبتر اللي بعده عجيبة مثل يوم الأربعاء
مشكورة والله يوفقك
ونخدمك في الأفراح إن شاء الله
وإن شاء الله تصيرين أحسن دكتورة أسنان للأطفال في العالم

[بيو كيميائية ^_^]

مس موجي شكراً الله يوفقك ويحقق لك مرادك

[υикиσωи]

المشاركة الأصلية كتبت بواسطة زهرورة شكراً خيوه هذا عطتنا اياه في شبتر 7 بعضه والبعض الثاني حضرته خلاص لاتكملين دكتورتنا لازم تعطينا شوي من الشبتر اللي بعده عجيبة مثل يوم الأربعاء مشكورة والله يوفقك ونخدمك في الأفراح إن شاء الله وإن شاء الله تصيرين أحسن دكتورة أسنان للأطفال في العالم

اهااا كويس طيب انك فاهمتوووو ...
العفو قلبونتي ...
ياااا رب واياكي ...ونفتح عيادة انا وانتي سواااا ...

[SoOoMa1990]

المشاركة الأصلية كتبت بواسطة υикиσωи يا قلبي بداية الشابتر اول شي حق الجدول الدوري ... و اخر مدار لكل مجموعة ...<<بسس دوبي لما شفت الكتاب ماااا لقيت دا الشي مكتوب ... بسس عشان ع طول تقدري تجيبي التوزيع الالكتروني لاي عنصر (اساسي ) ... A1 : Ns1 a2: Ns2 a3:ns2 np1 a4:ns2 np2 a5:ns2 np3 a6: Ns2 np4 a7:ns2 np5 a8:ns2 np6 بعدين تعرفي ايش اسماء ديكا الاشياء اللي في ص 319 ... اللي في الرسمة .. دويب اتزكرت شي قالتو في المحاضرة ..بسس مني لاقيتوو مكتوب عندي ...:( ...انو النظام الأمريكي رتب الجدول الدوري بــa,b بعدين الفرنسيين قالو ما نبا نرتب بترتيبكم ...فالنظام العالمي ع ما اعتقد جا ورتبها بالارقام زي ما انتي شايفة في الجدول الدوري ...من 1 لــ 18 ..بسس احنا نحب الامريكان ونمشي ع كلامهم <<حاجة زي كدا هوا موجي ازا انتي فاكرة ايش قالت الدكتورة قوليلنا ... امممم ..بعدين التوزيع الالكتروني ..والكتاين والاناين ... وفي نقطتين .. -انو دائما العناصر اللي في نفس المجموعة ليهم نفس الخصائص - وانووو الاناين والكتاين دائما بفقدهم او اكتسابهم الكترونات يكونو وصلووو لحالة الاستقرار ووصلو للتوزيع الالكتروني للغاز الخامل بصورة تانية : دائما الكتاين والاناين التوزيع الالكتروني ليهم هوا توزيع الغاز الخامل .. وبعد كدا الــisoelectronic اللي يكون ليهم نفس عدد الالكترونات للغازز الخامل ... << كاتاين واناين كمانا دائما لما يسير الكتاين لعنصر أساسي ..فالالكترونات ننزعها من المجالns بعدين من [n-1] d --------- بعدين جوو للخصائص الفيزيائية ... اول شي شحنة النواة الفعالة effective nuclear charge الي هوا الجزء من شحنة النواة اللي تتأثر بيلو الالكترونات الخارجية عشان الكترونات الذرة الموجودة في مستوى الطاقة الأخيرما تتأثر بكل شحنة النواة الموجبة الناتجة عن البروتونات ، هيا حتتأثر بجزء قليلعشان الكترونات الداخلية ح تحجب تأثير البروتونات عن الإلكترونات الخارجية . مسلا الإلكترون الأخير في ذرة الصوديوم ماح يتأثر بـالـ 11 بروتون ..حيتأثر بس بقليل عشان في 10 الكترونات داخلية حاجبة .. Z(eff)=z-9 9 = segma....looolz z= no. Of protons 9 = no. Of inner electron امممم ....بدك أكمل كملت ... ما بدك برضو زي ما بدك ....

كالعادة يا سعادة ..
ما جابلنا سيرة دي الاشياء كلها دكتورنا الفاضل ...
وكالعادة .. زي الاطرش في الزفة ...
سرت اكره الكيمياااااااااااااااااااء

[بيو كيميائية ^_^]

المشاركة الأصلية كتبت بواسطة soooma1990 كالعادة يا سعادة .. ما جابلنا سيرة دي الاشياء كلها دكتورنا الفاضل ... وكالعادة .. زي الاطرش في الزفة ... سرت اكره الكيمياااااااااااااااااااء

مره معور قلبي أنت
أجل ايش يقول في المحاضرة
لاتكره المادة علشانه

[SoOoMa1990]

المشاركة الأصلية كتبت بواسطة زهرورة مره معور قلبي أنت أجل ايش يقول في المحاضرة لاتكره المادة علشانه

لا وي .. لا تقولي كدا ..
ترى ما اكتب شيء بعد كدا في المنتدى ..
انا اقلك ايش يقول بالزبط ..
يدخل .. يكتب تمارين من ورقة صفرا مغبرة ..
يقلنا يللا اكتبوو ..
نقلو دكتور هادي كيف جات .. يقلك اخدتوها في الثانوي اخدتوها في الثانوي ..
الجواب 25 الجواب 25 طيب دكتور كـــيف الـــ (يقاطعك الجواب 25 الجواب 25 ... )
يعني حتسكتي حتسكتي ...
الله يسامحوو بس ..

[بيو كيميائية ^_^]

المشاركة الأصلية كتبت بواسطة soooma1990 لا وي .. لا تقولي كدا .. ترى ما اكتب شيء بعد كدا في المنتدى .. انا اقلك ايش يقول بالزبط .. يدخل .. يكتب تمارين من ورقة صفرا مغبرة .. يقلنا يللا اكتبوو .. نقلو دكتور هادي كيف جات .. يقلك اخدتوها في الثانوي اخدتوها في الثانوي .. الجواب 25 الجواب 25 طيب دكتور كـــيف الـــ (يقاطعك الجواب 25 الجواب 25 ... ) يعني حتسكتي حتسكتي ... الله يسامحوو بس ..

طيب
أهم شيء مامعك ربو
حرام عليك يتعب حاله مرة
ياخذ حضور هو
خسارة خله يجي يعلمني كان أفشله بطرقي الخاصة
الله سيامحه ويهديه
خلاص إذا ماعرفتوا كيف جات اكتبها وأنا أقولك
إذا كنت أعرف