محتار ماذا اختار

[exactly]

السلام عليكم ورحمة الله وبركاته

اخواني طلاب السنة التحضيرية عندي استفهام ياريت احصل له اجابة ..

انا طالب في ثالث ثنوي مقيم في الطائف .. وللحمد لله نسبي مرتفعه جداً ..

لكن بصراحة مشكلتي ما عمري ذاكرت اول بأول ولا حليت واجب في البيت .. في البيت بس ارتب ولا اذاكر الا ليلة الاختبار ..

وكثير قالو لي في الجامعة مستحيل تمشي بهذي الطريقة ..

وانا بصراحة في بالي وحدة من ثنتين :
تخصص طب اسنان ولا اقلها هندسة لكن الي حاصل ان في السنة التحضيرية لازم تجيب أقل شي +B في مواد معينة عشان تدخل طب اسنان ولازم تجيب أقل شي B في مواد معينة عشان تدخل هندسة هل هذه المعدلات صعبة المنااال ؟ وماذا تنصحوني ؟؟

ولا خلوني ادخل جامعة الطايف يعطونا 10 ورقات نذاكرهم للاختبار مثل بقية الشباب ..

اتمنى اني ما طولت عليكم

تحياتي .. exactly

[بيو كيميائية ^_^]

مو شرط فيه ناس تذاكر أول بأول وماتجيب شيء وناس بس تكتفي بالمحاضرات من النوع اللي يفهم وخلاص
وناس تذاكر أول بأول وتجيب
إذا أنت من النوع اللي يفهم من المحاضرة ممكن تكتفي بالموضوع أهم شيء تفهم يعني ماتحفظ بغباء وطبعاً تذاكر قبل الإمتحان
وأي جامعة هذي اللي يعطون 10 أوراق حق الإمتحان هذي جامعة فاشلة مافيه جامعة في الدنيا كذا
أنت شوف قدراتك والجامعة تختلف إختلاف جذري عن المدرسة
والثنوية ماهي مقياس
وأنت استخير أفضل
ولاتخاف إذا الله كاتب لك شيء بيصر بيصر

[dr.hope]

مع الهمة ما في شي مستحيل

أنا ما أشوفها صعبة يبغالها شوية اجتهاد ومثابرة

وان شاء الله عالسنة الجاية يصححوا الاخطاء اللي وقعوا فيها هذه السنة

ان شاء الله تحقق اللي تتمناه

بالتوفيق

[exactly]

مشكوريييين على الردود الحلوة ... في انتظار المزيد من النصائح

[Bishooo]

حول للطايف يا ابني لا تجلس هنا << نصيحه من قلب ككككك

بس ادا هندسه ما يطلبو b+ في الكيميا والاحياء صح ؟ اعرف بس يطلبو كدا في الرياضيات والفيزيا والانجليزي للترمين بس فشوف انت ودرجاتك و ادا لقيت الاحياء والكيميا اعلى اختار طب اسنان هو على حسب ارتياحك للتخصص وصلي الاستخاره واختار وسيب الباقي على ربنا

[rayyan1444]

تحذير :

خطر ممنوع الاقتراب = جامعه عزوز

[υикиσωи]

شوف يا بااابا ... جامعة الملك عبدالعزيز ...زي غيرها من الجامعات ...
اللي حيلعب ما يمشي ...

بسس انااا مسلا برضو زيك ما احب ازاااكر اول بأول ... بسس المهم اني اكون فاهمة كل شي مع الدكاترة ...
عشان قبل الاختبارات تقريبا باسبوع لاسبوعين ابدأ اراجع ... اقصد ازاكر ... والحمد لله اهو انا ماشية ....
غير في مواد يبالها مزاكرة من فترة لفترة ..مسلا الاحيا ...عشانها حفظ ..وانا بالنسبالي عقدتي الحفظ ...

بسس انتا شوف ازااا انتا دحينا ما بتزاكر بسس تحس انك فاهم كل شي ..حتمشي ان شالله ..

وازا لا ...
فلازم تغير طريقة مزاكرتك في الجامعة ...
ري يوفقك ان شالله ..وشد حيلك دحينا ....:)

[ROoOFaNA]

اولا اذا ناوي على جامعة الملك عبد العزيز
اقرأ معاناة طلاب وطالبات السنة التحضيريه
وخططها وقراراتها الغيرمفهومه
عشان يكون عندك خلفية
ثانيا لازم تاخد دورات انجليش عشان تقدر تمشي
لان المسار العلمي لازم المواد باللغه الانجليزية
وثالثا كل شخص وقدراته
ناس يفهموا وما يحتاجوا مذاكرة أول بأول
وناس لازم من المذاكره اول بأول

احنا بالنسبة لنا السنة كانت بمثابة تخبط في القرارات
وتعجيز لنا وتحطيم لنفسياتنا

لكن ان شاء الله تعالى يتلافوا الاخطاء اللي وقعنا فيها
وتكون افضل بالنسبة لكم ويكون كل شئ واضح ومفهوم

والاستخارة ثم الاستخارة ولاتنسى فضل الدعاء في اوقات الاجابة
وبالتوفيق للجميع

[exactly]

مشكورين يعطيكم الف عافية على الكلام الحلو ...

اخوي ريان لاهنت ممكن توضح لي وش الخطر في جامعة عزوز << على قولك

[أمـــــــــــــــل]

أخويا انت زي بالزبـــــــــــــــــــــــــط .. ماكنت أحل واجبات ولا أذاكر أول بأول .. ونسبتي الحمدلله مررة مررة كانت مرتفعة ..


وطبعا دخلت السنة التحضيرية على الأحياء والكيمياء وعلى بالي بمشيهم زي الثانوي ماكنت أذاكر يعني كمان أيام الثانوي ليلة الاختبار كنت أذاكر احسن من الترم الأول وطبعا جبت العيد ..

فكوويس انك دخلت هنا واستشرت .. والله الجامعة ماعليها غبار وحتى المناهج ماهي صعبة مررة .. هم بس متخبطين في قرارتهم بس أكيد انهم حيتلافوا الأخطاء اللي صارت دي السنة ..

شد حيلك وترى مافي شي سهل وكمان مافي شي صعب بالاجتهاد ..

بالتوفيــق ..