شهادة الرخصة الدولية لقيادة الحاسب الآلي icdl

[سـارونهـ]

السلام عليكم
صراحة أنا استغربت انكم ماتطرقتوا في المنتدى لهذا الموضوع مع انه مهم

طبعا الموضوع بخصوص مادة الحاسب cpit100
يعني اللي معاه شهادة الرخصة الدولية للحاسب يعادل هذي المادة
ويرتاح منها لأني سمعت من البنات انها مادة غثيثة
ويقولوا الأجهزة تعلق عليهم وشغلة
والدورة تقدروا تاخذوها في 10 أيام
يعني شي مرررررررة حلو
وحتى المادة لماتنحذف ماتأثر في المعدل ولاشي

والله يوفق الجميع

[فرفوووشة]

بس الساعات ماتنحذف :((( كان نفسي اعادلها

[good boy%]

اول شي مين قال تقدرين تاخذينها في عشرة ايام اقل شي 3 شهور اذا كنتى برو فشنل في الكمبيوتر
بعدين تراها شهاده عالميه يعنى اذا عندك الشهاده زيك زي اي واحد في العالم يعرف للكميوتر
لا اذا تعرفيلك معهد بفلوس يعطيك الشهاده وانا لا احبذ هذا الشي لا يمكن اذا كانت الوظيف تتطلب الشهاده وفي وقت يسير
اما عن المعادله يعنى يعادلون الماده فكانك اخذتى في الماده 60 يعنى ما ترفع معدلك
وشكرا اختى

[ارسمك وامحيك]

...؟

نعآدلهـآ ولآ

ووين هذا آلمعهد آللي آخذهـآ بعششرة آيآم ..؟

[فرفوووشة]

نصيحه لا تعادلوها ادرسوا الماده والله احسن

[Roa'a]

أول شي اقل مده شهرين ونص واغلب المعاهد كدا
مو ضروري يكون عندك علم بالكمبيتور مررررره تمام
لأنو بمعرفتك العاديه ممكن تاخدي الدوره وتستفيدي اشياء

تاخديها من أي معهد بعد ما تدرسي الدوره وتدخلي 7 اختبارات
اما بالنسبه للمعدل فهي لا ترفعه ولا تنزله زي ماهوا
بس تنحسبلك ساعاتها
وصراحه هيا اريح من انك تاخديها في الجامعه
لأنو في النهايه اخدتيها في الجامعه ولا لا لازم تكون معاكي الشهاده لما تتوظفي
يعني آخداها آخداها فمن بدري احسلك خديها وعادلي الماده
انا دخلت معهد واخدت الدوره وشهادتي طلعت وعادلتها
مع العلم اني ماكنت اعرف لا للاكسل ولا الاكسس ودخلت اختبارهم ومن اول مره نجحت
انا اشوف كدا اريح من اني آخدها في الجامعه
=)

[غرآم]

بس الي راح تعادلها بالتخرج بتنقصها ساعات زي الي صار لصحبة بنت عمي اخذت ترم كامل بس عشان ثلاث ساعات ..

وترى تفرق بالمعدل .. يعني ماراح يخلو البنت الي مأخذه سته مواد زي الي مأخذه خمسه مواد .. والله اعلم .. هذا الي سمعتو انا ..

الله يوفق الجميع ..

[سـارونهـ]

من قال انه أقل شي 3شهووور

هذي الدورة أصلا لبنات الجامعة وأغلب صحباتي أخذوها
بس 7 برامج الأساسية وإذا مو مصدقين اسألوا عن معهد الفنار ومعهد العلياء ومعهد المستقبل
واللحين أنا عادلت المادة وشالوا الساعات وكمان مافي درجة عليها ولاشي

وتنزل امادة في كشف الدرجات زي كذا



وهذي الساعات في كشف الدرجات

[فرفوووشة]

سارووووووونه والله فرحتيني
يعني الساعات محسوبه اكيد؟؟؟؟
كل الي سألتهم قالولي الساعات تجلس معاكي لحد ماتتخرجي ولازم تكمليها
طيب اقدر اروح لمعهد ولا خلاص ماينفع؟

[سـارونهـ]

عادي تقدري تروحي
في بعض صحباتي اللحين سجلوا وبيروحوا

ويقولوا لو عادلتي قبل الاختبار النهائي بيوم عادي

والساعات تكون محسوبة أجل كيف نزلت في كشف الدرجات

وانتي اسألي في كلية الحاسبات في العلوم وحيقولوا لك

بالتوفيق