صيفي + درجات نهائية + تسكين = حطق من الجونااان

[x.Rowey.x]

هاااي يا حلوين

انا كونت شايله احصاء و رياضيات و اخدتها صيفي
بس للحين ما نزلت درجاتي مع انو كتير من البنات اللي اعرفهم يقولو شافو درجاتهم و نجحو وفرحانين و انا لسا قاعده على اعصابي انتظر نزول الدرجات
فاللي عارفه فين الاقي الدرجات غير من الاودس تقولي بليييز
دا اول شي
تاني حاجا دخلت على التسكين و اختيار التخصص و اخترت الفصل الدراسي الاول 2013
و جات عبارة تسكين طالبات مسار علمي و ضغطتها
طلعتلي صفحة فاضية و يقولي انو في حقل مهم ما اخترتو مدري ايش
فمني عارفه ازا اتسكن بالطريقه الاكترونيه او اني اروح بنفسي الجامعة و اطلب تسكين في اي كليه
يعني اللي تعرف بايش اتسكن تقولي
و شكرا يا عسولاتي

[املي بك يالله]

الدرجات مانزلت بالنسبة للرياضيات
وحتلاقيها في الاستعلام الشامل
وكمان الدرجات النهايئيه
الجامعه تبدا اجازتهم 25 رمضان
يعني حتنزل الدرجات خلال الايام الجايه
وبالنسبة للتسكين
حتى انا يجيني كذا
مايحتاج تروحي مكان
الرغبات اللي رتبتيها الترم الثاني مع اللي ماكانوا محملين هي نفسها
حيفاضلو ويسكنوكي على حسب موزونك
وبعدين تختاري تخصصك بالكلية من نفس الايقونه اللي دخلتها حقت التسكين
الله يوفقنا ويكتبلنا الخير

[طالبة منتظمه]

طيب انا عندي استفسار بعد اذن x.Rowey.x
انا كانت رغباتي الاولى كلها طب بس حملت احياء و اخدتها صيفي
فانحرمت منها
طيب انا ابغى كلية العلوم بس المشكلة اخر رغبة
في قبلها كلية الاقتصاد المنزلي
سؤالي هنا هل لو دخلت اقتصاد منزلي اقدر ادخل التخصص اللي ابغاه و اللي هو تغدية ولا حيدخلوني اي تخصص تاني فاضي ...الخلاصة يعني اقدر اختار اللي انا ابغاه ولا المحل الفاضي يحطوني فيه

و سؤال تاني اقدر اطلب تحويل و لا بنات الصيفي ما يقدر يطلبو تحويل من كلية لكلية
واسفة انو كترت هرج بليز ياريت احد يفيدني

[طالبة منتظمه]

!!!?

[طالبة منتظمه]

هل من رد يريح قلبي في هده الجمعة المباركة

[دانة العبدالله]

الله يصبرنا ويبشرنا بالخير يـآرب
اوماا ماقدر اغير ترتيب الرغبات
لا مايصير خوفي مايقبلوني اقتصاد منزلي
ويحطوني بكليه تانيه وناسيه وين حطيت رغبه كليه العلوم
الله يستر بسس
طيب دحين لو طلعت النسبه الموزونه يفتحو ليا الكليات على حسب النسبه
ولا هما على طول يسكننوني ؟؟