الله يخليكم احد يشوفلى حل

قموره جده · #1 12-04-2009, 05:10 PM

السلام عليكم ورحمه الله وبركاته

اهلين اصحابى فى المنتدى

انا عندى مشكله وما اعرف ايش اسوى انا مستوى رابع ومن اول سنه دخلتها فى الجامعه

اخذ المواد الى ينزلولى ايها كلها ما احذف ولاشى

وبما انى فى المستوى الرابع المواد الى تنزل

محاسبه2 _ والسلوك الانسانى فى المنظمات _ومبادئ تسويق_ وماليه شركات _ومبادئ الاقتصاد الكلى _واداره اعمال بانجليزى

انا نزلتلى كل المواد ماعدا اداره اعمال بانجليزى نزلى بدالها اداره عمليات
سؤال ايش هاذى الماده الى منزليلى ايها وهل اخذها بدل اداره اعمال بانجليزى وليش نزلولى هاذى الماده قبل موعدها الى ينزل فى الترم الجاى هل هاذا شى عادى

ولكم منى جزيل الشكر نقرتين لعرض الصورة في صفحة مستقلة

nOoOoOna · 12-04-2009, 05:23 PM

السلام عليكم ,,,

ممكن تكون الشعب مليانة او شي وهما دائما يسو الحركة دي بس ماعليكي خدي ادارة عمليات لانها مررررررررررررررررررررررررا سهلة وياريت تكون مع الاستاذة خديجة ضباب ماعليكي غير تحفظي المنهج كويس وفي 3 مسائل اعتقد تركزي عليها وبس وان شاء الله تجيبي درجه حلوة :)

بالتوفيق ,,,

ام دنيا · 12-04-2009, 08:34 PM

وعليكم السلام ...........
يا أختي قموره جده ... هذا الامر عادي انا صار لي نفس الحكايه مع نفس المادتين عادي خذيها الترم اللي بعده انا آخذتها هذا الترم ( المستوى السادس ) والمفروض كنت آخذها ( المستوى الرايع )
طبعاعشان انتي ما تخذفي ولاتضيفي خايفه من الموضوع ترى انا كنت زيك والان عادي صرت ارتب جدولي بنفسي عن طريق الحذف والاضافه ...
والله الموفق

عطر الغلا · 12-04-2009, 08:59 PM

وعليكم السلام ورحمة الله وبركاته
أهلا قمورة

أنا مستوى رابع ونزلت لي نفس موادك
بدل إدارة أعمال بالانجليزي نزلت إدارة عمليات
بس حذفتها لأن اللي تدرسها د. دمنهوري في الشعبتين ومافي غيرها
والكل نصحني أنزلها مع خديجة ضباب فحذفتها للترم الجاي
وأخذت بدالها ثقافة 3 لضيق الوقت بين الدورة والاختبارات

موفقة عزيزتي

maroko · 12-04-2009, 09:52 PM

عادي ياحلوهـ

هي كل المواد وراكـ وراكـ بس انتي ترتبيها على اللي يناسبكـ تضيفي وتحذفي على ظروفكـ

قموره جده · 13-04-2009, 05:58 AM

والله مررررررررررررررره مانى عارفه ايش اقولكم

مشكووووووووووووورين وماقصرتو لكل الى رد عليا انا بدونكم ما اعرف اسوى شى

مرررررررررررسى جدا (لا تحسبونى مصريه ههههههه ) نقرتين لعرض الصورة في صفحة مستقلة

قموره جده · 13-04-2009, 06:53 AM

طيب سؤال اخير انا عارفه انى رجه واسألتى كتيره بس الله يعينكم عليا نقرتين لعرض الصورة في صفحة مستقلة

انا شفت شعبتى حقت اداره عمليات طلعت مافى غير امل دمنهوى خديجه ماسكه ماده تانيه

وانا صراحه ما ابغى اخذها عند دمنهورى سمعت البنات يسبوها حتى خالتى تقولى لاتاخذين عندها

ومافى غير انى احذف الماده واحط بدلها ماده جديد السؤال الحين ايش الماده الى احطها ابغها سهله مرررررررررررره ساعدونى نقرتين لعرض الصورة في صفحة مستقلة

maroko · 13-04-2009, 09:46 AM

مالك إلا الثقافه 3

قموره جده · 13-04-2009, 09:54 AM

مشكووووووووووووووور اخوى مروكو بس انا ابغى ماده ب3 ساعات عشان ترفعلى المعدل نقرتين لعرض الصورة في صفحة مستقلة

قموره جده · 14-04-2009, 06:01 AM

الله يخليكم ابغى احد يرد عشان احذف من دحين وشكررررررررررررا

الله يخليكم احد يشوفلى حل

ملتقى المنتسبين