متى اسوي الجدول

[abo riham]

بسم الله الرحمن الرحيم

اولا انا طالب مستجد في هذه الكلية

ثانيا والاهم متى نسوي الجدول ( متى نسجل المواد )

هذا الموضوع بأختصار
الله يرحم والديك ساعدوني

[girl.k.s.a]

أهلا أخوي
قبل الدراسة باسبوع يفتح الحذف والإضافة يوم الاتنين أو التلاتاء يوم 9 أو 10 شوال
بس تقدر تختار الشعب والأوقات المناسبة لك دحين من الأوديس (موقع الجامعة)
وأول مآ يفتح الحذف والإضافة ضيفها وخلاص
+
بالتوفيق لكم

[abo riham]

شكرا يا اختي على الاجابة الوافية والله يكثر من امثالك

[مجننه شلتها]

اخت girl.k.s.a

بس تقدر تختار الشعب والأوقات المناسبة لك دحين من الأوديس (موقع الجامعة) وأول مآ يفتح الحذف والإضافة ضيفها وخلاص

ياريت تفهميني كيف اختارها لان انا مني عارفه شي فيه :(

[girl.k.s.a]

العفوووو خيوووو
والطريقة مرآ سهله
جيبي ورقة أو أي شي عشآن تكتبي الشعب عندك
وأدخلي على هادي الصفحة

https://www.kau.edu.sa/KAU_Services/odusplus.html

أدخلي باليوزر تبعك
الطالب > التسحيل > البحث عن الشعب الدراسية واختاري الفصل الدراسي الأول 2013 > تنفيذ
> بعد كدا اختاري رمز المادة وعلى طول أنزلي آخر الصفحة واختاري بحث شعب دراسية > رآح تطلع لك كل المواد
اللي بهادا الرمز وأختاري المادة اللي تبغيها والوقت ورتبي المواد وخلاص :)

و

[مجننه شلتها]

اوكي بس كدا يعني انا دحين اختار الشعب والاوقات وارتب باللي يناسبني ولمن يفتح الحدف والاضافه ارتب بالجدول اللي سويته على طول ولا بعدين يتغير يعني ممكن يغيرو الشعب والاوقات ولا ثابته نفسها اللي دحين الاقيها وقت مايفتح الحدف؟؟؟

وبعدين لمن فتحت عشان اشوف لقيت في الايام wms و tu اش معناها لان غير عن التحضيري ؟؟؟


سوري طولت عليكي :)

[girl.k.s.a]

لا عادي يا مزا
أحيانا يغيرو بعض الشعب ويزودوآ شعب وينقصوآ شعب
على حسب الدكتورات الموجودات بس إنتي حطيها احتياط يمكن ما يصير أي تعديل :)

لا عادي يا عسل خدي راحتك وربي يوفقكم

[bassam al-harbe]

girl.k.s.a

بغيت اسئلك بخصوص كيف ارتب الجدول مني عارف المواد الي احطها عشان ارتب جدول مبدائي يعني قبل الزحمه
زي منتي عارفة طالب مستجد الله يعين

[girl.k.s.a]

المشاركة الأصلية كتبت بواسطة bassam al-harbe girl.k.s.a بغيت اسئلك بخصوص كيف ارتب الجدول مني عارف المواد الي احطها عشان ارتب جدول مبدئي يعني قبل الزحمه زي منتي عارفة طالب مستجد الله يعين

أهلا بيك في الكلية وألف مبروك القبول
الأفضل إنك تمشي على الخطة الدراسية
الخطة الدراسية موحدة بين كل الأقسام العلمية في السمستر التالت والرابع والخامس
خليك عليها ولا تغير المواد عشآن لا تنضغط بعدين وتصير حاجات مو كويسه
الموآد تبع السمستر التالت

إنقلش 1
إقتصاد جزئي 107
عربي 1 (مهارات لغوية)
إحصاء أعمال 271
محاسبة 117
وتلقاها في دآ الموضووع بالتفصيل

http://www.skaau.com/vb/showthread.php?t=521035

[مجننه شلتها]

لو سمحتو انا ابغى اعرف رموز المواد الباقيه غير المحاسبه لان في موقع الجامعه موجود بالعربي ولمن ابحث الاقيه بالانقلش ومني عارفه الرموز ؟؟؟


وبعدين لمن فتحت عشان اشوف لقيت في الايام wms و tu اش معناها لان غير عن التحضيري ؟؟؟