نصايحكم في المذاكرة للاختبارات ؛ من متى أبدأ؟!

[Aborah]

أنا في الشرفية

اابغى نصايحكم في المذاكرة ؟

بليزززززززززززز


اذاكر كل يوم ؟ ولا كل اسبوع؟

ولا قبل الاختبار؟

عارفه انو في القاعه احاول افهم من الاستاذة مع انو انا سمعت انو كله انجلش يالهوووووووووووي

[Dr.MEEM]

ياهلا بعبورة المتحمسه
انا من النوع الي مايعرف يذاكر كل يوم
ف كنت اذاكر قبل الاختبار باسبوعين او ثلاث اسابيع على حسب صعوبة المواد !
وكمان تستفيدين عشان لو كان عندك سؤال تسالين الدكتورة
بالنسبة للشرح لاتشيلين هم راح يكون عربي بس في مصطلحات انقلش خاصة بالمادة
وراح تقولكم معناها وتتعودون على الوضع وكله ايزي الحمدلله
لاتشيلي هم ربي يوفقك

[Aborah]

عارفه حتى انا متعودة اذاكر قبل النهائي باسبوعين

لكن انتي نسيتي الاختبارات الشهرية المفاجئة :(

هذي بالذات كيف أجهز نفسي لها؟؟؟ محتارة
كل يوم اذاكر؟
ولا كل ويكند اذاكر ؟؟

[وعد2012]

قلبوو الاختبارات حتكوني عارفة وقتها من بداية السنة هم حينزلوا تقويم التحضيري بداية السنة
واذا على المذاكرة أنا وحده احب أكووون فاااااضية وقت الاختبارات يعني مرتاحة نفسياً
كنت أذاكر كل يوم ساعتين تكفي لأنه المعلومات في نفس اليوم أخذتها
أما الخميس إجازة والجمعة مراجعة لكل شيء أخذته في الاسبوع وماكنت أطول لأني خلاص ذاكرته وفهمته من قبل

[نــورهـ]

- مساء الطاعاتAborah .

اابغى نصايحكم في المذاكرة ؟

- نصيحتي لكِ تذاكري أول بأول و كل محاضرة بمحاضرتها و السبب ~ حتى ترسخ المعلومة في ذهنك و تصبح سهلة لان كل ما تراكمت المعلومات و كثرت بتصبح صعبة في مذاكرتها .
+
- ثبت علميًا إن قراءة المعلومة في نفس اليوم اللي أخذتيها فيه تثبت تقريبًا بنسبة 70% و الباقي عند المذاكرة.

- بالاضافة~ لان المذاكرة أول بأول و المراجعة تساعدك على معرفة نقاط ضعفك و بالتالي حيتوفر لك وقت كافي قبل الامتحان حتى تعدلي هذا الضعف و تقوي نفسك .
+
- انك بتشعري بالثقة و بتقل نسبة التوتر قبل الاختبار لان معلوماتك المخزنة في عقلك قادرة على استرجاعها بكل سهولة.
+
- نقطة أوضحها لكِ ~ لنفرض لأي ظرف أو ان الوقت ما مداكِ تذاكري كل محاضراتك في نفس اليوم تذاكريها نهاية الاسبوع و تراجعي أي شيء فاتك خلال أيام الاسبوع بكذا بإذن الله تضمني ما يبدأ الاسبوع الجديد إلا و محاضراتك السابقة فاهمتها و متأكدة من كل شيء فيها و هذا يبعد عنك التوتر قبل الاختبار.

اذاكر كل يوم ؟ ولا كل اسبوع؟

- بعد إللي كتبته فوق لكِ القرار

عارفه انو في القاعه احاول افهم من الاستاذة مع انو انا سمعت انو كله انجلش يالهوووووووووووي

- الأنجلش مو صعب أبدًا لكن يحتاج متابعة و اجتهاد أول بأول و عمومًا كل شيء في الحياة بالاصرار و المثابرة يكون سهل الوصول له

- اطلعي على هذهـ المواضيع بإذن الرحمن تفيدك (هنآ) و (هنآ).

- أي استفسار في طرق المذاكرة اتفضلي بتابع موضوعك هنا :) .

- أحييك على اهتمامك بالدراسة و حماسك لها الله يوفقك و يكتب لك أعلى الدرجات .

[Dr.MEEM]

عبورة أنا أقصد كل الاختبارات عموما !
الاختبارات الدورية برضو ينزلون الجدول قبلها بأسبوعين !
كنت أمسك المواد قبل كل أختبار دوري بأسبوعين أو ثلاثة والنهائي نففس الشي
والمادة إلي حسيت نفسي مو فاهمتها إذاكرها مرا ثانية وثالثه
والحمدلله جايبه أعلى الدرجات مأشاء الله
اختاري الطريقة إلي تريحك قلبي

[Aborah]

شكرا ياحبايبي
اموووواه

[dr.ro0ody]

أنتي اي خطة ؟؟
ادا كنتي خطة ب لازم اول بأول
الاحياء جدا جدا جدا دسسسم ولازم اول باول وكمان بعد ماتخلصي شابتر لازم في الويكند تراجعي لان المعلومات كتيرة وشوية تلخبط
ماتوقع طالبه اخدت في المادة دي فوق85 على الاقل الا وكانت تزاكرها اول بأول لانها فعـلا دسمة


والكيمياء صحيح انوا سهل بس طويل مرررة على الاقل يومين ف الاسبوع وتطولي عليه كمان


الاحصاء سهل وقليل نوعا ما بس لااااااااااااااااااااااااااااازم تدربي يدك على نماذج كتير

ف ماتوقع قبل الاختبارات بأسبوعين بس راح تلحقي !!!
ايش تلحقي الاحياء الطويل والدسم وكمان لازم مراجعة ولا الكيمياء اللي فعلا من جد طويل ولا الاحصاء اللي لازم من كتاب وملخص على الاقل ونماذج اختبار !!!!!

نصيحة من أخت اكبر منك وتتمنى لكي الخير ادا كنتي تبغي معدل فوق 4.50 لازم اول باول على الاقل ساعتين في اليوم



وخطة أ الحاسب والاتصال سهله لو يوم الاختبار
الماث والفيزكس على الاقل يومين في الاسبوع مع يوم من الويكند

غير كدا ماتقدري تلحقي