الحقوني ضاع رقمي السري

[Aborah]

هما الجامعه ارسلوه على ايميلي بس
والايميل مو راضي يفتح لاني نسيت كلمة المرور
وحاولت اسوي استعادة وفشلت لانو المعلومات اللي دخلتها خطا لاني نسيت اشياء كثيرة :(
اش العمل الان؟؟؟؟؟؟؟؟؟؟

[Al Jood]

في الهوتميل طريقتين ،،

الاولى تكتبي بياناتك وانتي تقولي مو فاكرتها

والثانيه يرسلولك مسج على الايميل البديل اللي كتبتيه مع معلوماتك

ولما تختاري الطريقه دي ،، رح يكتبولك اول حرفين من الايميل البديل عشان تتاكدي اكثر

وبعدها رح يرسلولك مسج عليه ، افتحي الايميل دا واضغطي ع اللينك

وبعدين غيري الباسوورد حق الايميل الاول

[Aborah]

مافي لينك :(

[Aborah]

فيه لينك واحد تبع تعبئة بياناتي اللي اصلا انا ناسيتها :"(

[Al Jood]

يابنتي في لينك تضغطي عليه

تجيك صفحه تكتبي فيها باسوورد جديد

[Miss.Sama]

لا تخافي حبيبة قلبي تقدري ترجعي ايميلك ،
بس ركزي معايا
انا ايميلي نفس الشي غيرت الباس تبعو ونسيت الرقم
وكان فيه اشياء مهمه وهو الي بترسل عليه الجامعه .. الخ

عملت ايميل تاني وارسلت للشركه تبع الهوتميل الاشياء الي فاكرتها
زي 2 من المضافين عندي ، الباس وورد القديم او الي قبلو اذا كنتي غيرتيه كذا مره
النك نيم ف الايميل ،،،
انا بعرف الطريقة تمام تبع ترجيع الايميل وحابه افيدك بس مستنيه ردك دحين
لو حابه انزلك شرح لطريقة ترجيعه بالصور ،، حاضرين ^^

[Miss.Sama]

المشاركة الأصلية كتبت بواسطة Aborah هما الجامعه ارسلوه على ايميلي بس والايميل مو راضي يفتح لاني نسيت كلمة المرور وحاولت اسوي استعادة وفشلت لانو المعلومات اللي دخلتها خطا لاني نسيت اشياء كثيرة :( اش العمل الان؟؟؟؟؟؟؟؟؟؟

معليش ماحقدر استناكِ لظروف بس حكتبلك الطريقة بالتفصيييل
واعملي زي مابقولك بالزبط وان شاءالله حيرجع ، اول حاجه اعملي ايميل جديد دحين ماياخد 5 دقايق
اول حاجه ادخلي على هادا الرابط
https://account.live.com/ResetPassword.aspx?mkt=AR-SA
تطلع لك صفحه مكتوب فيها اعاده تعيين كلمة المرور الخاصة بك
وتحتها 3 خيارات ،، راح تعلمي على دائرة نسيت كلمة المرور تحتها يطلعلك بالازرق
اعادة تعيين كلمة المرور ،، اكبسي عليه
راح تطلعلك صفحه مكتوب فيها معرف ويندوز لايف وخانه بيضا " حتكتبي اسم الايميل الي نسيتي الباس تبعو "
وتحتو تلاقي صوره مكتوب فيها ارقام اوحروف وانتي تكتبيها بالخانه الي تحتها
زي لما بتكوني بتعملي ايميل ويطلب منك تكتبي 6 حروف عشان يتعمل الايميل ^^
بعدين حتكبسي على التالي
بعدين
تجيكي صفحه فيها خييارين تعلمي على دعم العملاء في الدائرة
وتحتو بالازرق دعم العملاء ،، اكسبي عليه
تجيكي صفحه مكتوب فيها "استرداد حساب ويندوز لايف"
تكتبي ف الخانه الاولى الايميل الي تبغي ترجعيه
الخانه الي تحتها تكتبي الايميل تبعك الجديد الي يراسلوكي عليه شركة هوتميل

يتبع .. بعد الفطور

[Miss.Sama]

المشاركة الأصلية كتبت بواسطة Miss.Sama معليش ماحقدر استناكِ لظروف بس حكتبلك الطريقة بالتفصيييل واعملي زي مابقولك بالزبط وان شاءالله حيرجع ، اول حاجه اعملي ايميل جديد دحين ماياخد 5 دقايق اول حاجه ادخلي على هادا الرابط https://account.live.com/ResetPassword.aspx?mkt=AR-SA تطلع لك صفحه مكتوب فيها اعاده تعيين كلمة المرور الخاصة بك وتحتها 3 خيارات ،، راح تعلمي على دائرة نسيت كلمة المرور تحتها يطلعلك بالازرق اعادة تعيين كلمة المرور ،، اكبسي عليه راح تطلعلك صفحه مكتوب فيها معرف ويندوز لايف وخانه بيضا " حتكتبي اسم الايميل الي نسيتي الباس تبعو " وتحتو تلاقي صوره مكتوب فيها ارقام اوحروف وانتي تكتبيها بالخانه الي تحتها زي لما بتكوني بتعملي ايميل ويطلب منك تكتبي 6 حروف عشان يتعمل الايميل ^^ بعدين حتكبسي على التالي بعدين تجيكي صفحه فيها خييارين تعلمي على دعم العملاء في الدائرة وتحتو بالازرق دعم العملاء ،، اكسبي عليه تجيكي صفحه مكتوب فيها "استرداد حساب ويندوز لايف" تكتبي ف الخانه الاولى الايميل الي تبغي ترجعيه الخانه الي تحتها تكتبي الايميل تبعك الجديد الي يراسلوكي عليه شركة هوتميل يتبع .. بعد الفطور

بعد ما تكتبي الايميلين تلاقي تحت كلمه متابعه اكبسي عليها
تجيكي صفحه مكتوب فيها استرداد حساب ويندوز لايف الخاص بك ،،
وتحتها اسئلة وخانات فاضيه راح تعبيها زي مابقولك هنا ،،
اول خانه تكتبي فيها اسمك الاول بالايميل مثلا " sara " او الدكتوره ،، الخ
واسمك التاني يعني مثلا ساره ساسو ، او الدكتوره ساره
يعني اسمك الي بيظهر عند الناس الي انتي ضايفتهم عندك بالايميل
بعدها ..
تكتبي تاريخ الميلاد الي كتبتيه لما عملتي ايميلك الاول ومو مشكله لو كان غلط
لانك اكيد نسيتيه فـ اكتبي تاريخ ميلادك الاصلي لانو غالبا بنكتب تاريخنا الحقيقي ،،
بعدها..
تكتبي عند البلد : المملكة العربية السعودية ، بعدين الاجابه السريه للسؤال السري الي كتبتيه لما عملتي
اييميلك والي اكيد طبعا نسيتيه فـ اتركي الخانه دي لا تكتبي شيء
وهنا اهمم شي ،، كلمات المرور الي استخدمتيها من يوم ما عملتي ايميلك
يعني غير الباس وورد الي نسيتيه حاليا ،، يعني الباس ووردات القديمه الي غيرتيها
او اكتبي اقرب باس وورد انتي شاكه فيه مو مشكله ،،
بعديها يجيكي سؤال اكتبي اسم عنوان رسالة جتك ع علبة الوارد وانتي فاكرتها
يعني مثلا رساله جتك ع الميل وكانت اخر رسالة قريتيها اكتبي عنوانها زي
" جامعه الملك عبد العزيز " كمان لو فاكره عنوان رسالة تانيه اكتبيه
بعدين " ادخلي اسماء المجلدات الي عملتيها " لا هادا الخيار سيبيه لا تكتبي شيء
بعدين يقولك اكتبي 3 او 4 من المضافين عندك ع الايميل وفاكره ايميلاتهم ،
اكتبي 3 ايميلات احسن او 2 كفايه ،، زي ايميلك صاحبتك او اخوكي .. الخ
بعدين اخر اربع خانات لا تعبيها بشي مو مهمه ..
ثم اكبسي على ارسال

[Miss.Sama]

استني تقريبا 5 دقايق وافتحي الايميل الجديد الي انتي عملتيه
روحي علبة الوارد وشوفي هوتميل حترسلك رسالة اما الفشل في الاستعاده ،لاقدر الله
او النجاح ف الاستعاده ساعتها حيبعتلك لينك تكتبي فيه الباس وورد الجديد لايميلك الي رجع ^^
الطريقة سههله جدا ومضمونه مو لازم تكوني فاكره كل شيء لما عملتي ايميلك الي نسيتي الباسوورد تبعو
بس في اشياء مهمه عشان تقدري ترجعي ايميلك ومستحيل تكوني نسيتيها زي تكتبي 3 مضافين عندك
وتكتبي اسمك بالميل وغيرو ،،