سوال عن الازياء والموضه العملية للجامعه

[Aborah]

مساء الخير

من دون مقدمات طويلة اوك
انا طالبه تحضيري الشرفية
وابغى اعرف اش البس؟؟؟
انا عارفه انو تنورة بس ابغى نصايحكم
اش التنانير العملية والشنط اللي تتحمل والشوز كمان ووووووو الخ

وهل يسمحو نلبس بنطلون ؟ ومتى ؟

[♥ m r м r ..]

آهللن بيكي :)

آنآ كنت بآلسليمآنية ؛ لكن آلوضع م يختللف كتير "!!
عآدي تلبسي بنآطيل بس بشرط - إنو آلبلوزه تكون طويله :/
" و صدقيني بآلبنطلون حترتآحي أكتتر ؛$

و برضوآ آلتنآنير حتكون مفيده ؛ إذآ كآنت مييدي ؛~ آمآ آلطويله ف صعبب آلتعآمل معآهآ :')

و بآلنسببه للشوزآت و آلكلآم دآ ؛ ألبسسيلك كآوتش مريح أو فلآت و. أصحك تفكري بآلكععب أو آلصنآدل آلمفتوحه :-/
أمآ آلشنننط فكتير بنآت كآنوآ يشيلوآ شنط آلضهههر ؛هيآ إللي حتتحمل صرآحة "
أو خديلك شنطة كتف عآدية بس تكون قويهه !! *




أظن هآدآ يكفي ؛-"
و بآلتووفيق يآررب

[بيان محمد 11]

ايوا نبي نعرف عن الزي بليييز
نبي الجواب من بنات الشرفيه بليز
البناطيل وكذا و
كمان بنسبه للجوالات البيبي والايفون كيف ممنوع والا ويش الوضع

[S.Bn]

لرفع للموضوع

[غروب الحلم]

مرحبا،،،
أنا كنت بالشرفيه أدرس :$
البنطلون مرات يسمحون به ومرات يمنعونه :/
كله من بعض البنات الله يهديهم :/
وبالنسبه للجوالات عادي ما كان في مشكله بس الجالكسي تاب والأيباد لازم تصريح :)




ذكرتوني بحالتي العام ههههههههههههه
نفس الأسئله :)
بالتوفيق وشسمه ذا شدوا حيلكم مره مره
وترا الدراسه كلها بالانجليزي والأسئله حقت الأختبارات
كمان :)

[Dr.MEEM]

اهلين فيكم ياحلوين منورين :)
انا كنت ف السليمانية وسمعت من صحباتي الي بالشرفيه انه هناك مشددين اكثر !

عموما بالنسبة للشرفيه سمعت ان البناطيل ممنوع
حاليا اكتفي بتنورتين والافضل تكون استرتش وحدا اسود ووحدا اي لون ثاني
وتكون ميدي ومو قصيرا مرا فوق الكعب
واشتري لك كم تيشيرت وبلوزه ذوق وبسيطة وداومي اول اسبوع وشوفي النظام كيف
وبعدو اشتري
لان ممكن كل شي اشتريتوه من الحين ماتلبسونه .. ف الاحسن انو ماتستعجلون

بالنسبة للشنط اذا تبغي عملية خذي الي على الظهر لانها تكفي كتب التحضيري
او ممكن تسوي زيي انا اخذت شنطة كبيرة جلد على الكتف حلوة وعملية بنفس الوقت

الشوزات اشتري فلات او شوز رياضي غير كذا ماينفع
وزي ماقالوا رجاء لحد يلبس كعب عشان اولا ماينفع للدوام بتتعبوا فيه
وثانيا راح تكونوا عرضة للسخرية من البنات
* بالنسبة للفلات لازم يكون مقاسك بالضبط لانو لو كبير شوي بتنجرح رجلك وانتي تمشي < مجربة

الجوالات كلها مو ممنوعه يعني خذوا راحتكم :)

بالتوفيق ياحلوين واي سؤال انا موجوده

[ايزابيلا]

مشكورين
انا بالسليمانية لو بلبس بنطلون البلوزة لوين يكون طولها

[wana3]

شسمووه انا لمن رحت اطلع البطاقه الجامعيه قالو البناطيل عادي بس بشرط تكون وسيعه كيف يعني ؟!!!
<~ زي باب الحاره xd

[luje n]

بنااااااااااااات الشرفية حاااااااااااابة نتعرف ازا ممكن البن او الفيس او التويتر حتى اوك لوووووووووووووووول

[Dr.MEEM]

المشاركة الأصلية كتبت بواسطة ايزابيلا مشكورين انا بالسليمانية لو بلبس بنطلون البلوزة لوين يكون طولها

البلوزة تكون فوق الركبة بشويات
انصحك بالتنورة اكشخ
بس تكون استرتش عشان الحر