اللي جالو مسج ترشيح وراح امس أو اليوم الاحد .. يتفضل

[toofyf]

نزلت نسب القبول يوم الخميس وفي مجموعة جاهم مسجات ترشيح
وعلى اساس يروحو امس اللي هوا السبت
و اليوم الاحد
ابا أعرف رشحوكم
انتظام ولا تأهيلي؟؟؟؟

بليز جاوبوني لحد يطنش

[eyad-shaaban]

انا ارسلولي ( فرصة اخيرة لتعديل ترشيحك الى المسار العلمي الموازي )

يعني تأهيلي

ولو ابا اعدل قالو تعآل ومعاك البطاقة ويتعدل التخصص

[toofyf]

اها اها
شكرا^^



اجل حروح بإذن الله بوكرا
يارب ييسرلي أمري

[ألوشا]

وش السالفةةة فهموني نزلت كمان النسب ولا كيفف
لأن صقيقتي تبغى إنتظآمم

[toofyf]

لأ خلاص وقفو الإإتظام
ونزلو للتأهيلي


اليوم رحت
طبعا اصلا ما ارسلولي مسج
ودخلوني ومن استازه لاستازه
وانا مستبشره خير
لمن وحده اخدت بطاقتي خلاص وصارت تقول
ترا حتحولي علمي موازي
قلت طيب عادي
قالت يعني برضو بدون مكافئه
قلت مابا مكافئة المهم علمي
قامت قالت :كم موزنتك؟«قتلني السؤال .. ليش بس كدا كل شي كان تمام
قلتلها :79.19
قالت اسفه وادتني بطاقتي .. "وقفنا للعلمي الموازي عند 80%"
إيش دا حراااام والله محد راح اليوم الجامعه فاضيه مافيها ال كم بنت حتى ما بيحولو علمي

وتيتي تيتي زي مارحتي زي ما جيتي
الله ييسرها بس

[eyad-shaaban]

^^^^

ان ششآآءالله انهآ خييرة لك .. وان شاءالله تتوفقي وتبدعي في المجآل الي حطوكي فيه

وانا ترا في البداية كنت ابا علمي .. ودرست تحضيري علمي في ام القرى وما زبطت

رجعت حولت على كلية اهلية عشان العلمي برضو ودرست سنة انجلش وسنة مواد عامة ( في الـ cba ) وبرضو ما زبطت .. يعني طآرت 3 سنوآت وانا احارب خخخخ

ليييييين آخر حاجة قلت أقدم تآني في عزوز والي تجي اول حآجة آخدهآ .. وجآت كدا انتظآم اداري وانسآني الحمدلله وأخدتهآ

مع انو فتحولي بعد فترة علمي انتظآم كمان لكن في رابغ وما رحت .. ورجعو فتحولي علمي كمان في المبنى الرئيسي لكن تأهيلي وبرضو مآ رحت

خلاص بطلت من العلمي مع انو ثآنويتي علمي وكنت ابا علمي .. لكن الحمدلله و نقول انهآ خييييررة

[toofyf]

مادري ..
انا مابا اداري ماحس في قسم شدني
واطمح ادرسو
ابا علمي
وبوكرا بروح كمانا واعملهم قروشه
وشكلي حرابط عندهم لمن الربوع وان شاء الله اطلع بنتيجه

[eyad-shaaban]

الله يوفقك ويسهلك ... ومدآم تبغي علمي خليكي ورآهم وان شاءالله تتحولي علمي :)

[Judyy]

انا طلعت جايبه العيد وبغيت اببببكي هههه اصلا بكيت يوم السبت خلاص القدرات حقتي 79 والقدرات الاخيره 70 هوما ياخذو اعلي درجه وانا حطيت اخر شي الي هوا 70 طبعا صار الموزون 78 قالتلي ليه سويتي كذا ليه ماحطيتي اعلي شي كانو حاطيني تاهيلي ادبي المهم طلع الموزون بعد التعديل 81 حطوني ادبي انتظام ربي رحمني علي اخر لحظه