ياليت توضحون لي وش ارسل بالضبــــط ؟ تكفون ساعدوني لا اورط نفسي

[nawaf1]

السلام عليكم ورحمه الله وبركاته



انا قريت المستندات المطلوبه بس في اشياء ماهي واضحه لي !؟

اول شي
1- نموذج بيانات الطالب المطبوع من الانترنت + صورة من استمارة الثانوية العامه ( كشف الدرجات ) مصدقه ومختومة من وزارة التربية والتعليم بالمملكة.

انا الحين ارسل لهم الشهااادهـ الاصليه ؟؟؟ ولا النسخه ؟؟
< لان الاصليه مافي الا وحدهـ منها .
وانا خايف ارسل وحدهـ من نسخي ويرفضوني ؟
واذا رسلت لهم الشهادهـ الاصليه يمديني اخذها منهم بعدين ؟ < عشان وراي تقديم بالعسكريه


ثاني شي
4- خطاب موافقة جهة العمل (للموظفين) + صورة منها.

انا ما اشتغل بس .. يصرفلي حافز
اذا دخلت الانتساب يروح حافز ولا لا .. ولا ماتقبلني الجامعه الا لمن اخرج من حافز؟

ثالث شي
6- تعهد جامعة بلا تدخين المطبوع من الانترنت .
7 - تعهد الالتحاق ببرنامج الانتساب المطبوع من الانترنت


الحين هذا اطبع هذا التعهد وارسله مع الشهاده ؟؟ . ووين احصل التعهد ذا ؟
لان مكتوب فوق .. ((( المستندات المطلوبه ))) ؟



رااابع شي
وين احصل هذا الشي وشسمه hdl .. ؟
المهم انه ذا حق اللي اروحلهم واعطيهم الاشياء عشان يوصلوها للجامعه
ابي فرع في جدهـ .. مكانه بالضبط ؟

واذا وصلت وش اقلهم ؟ .. <- ارسلوها للجامعه الملك عبدالعزيز ؟ ؟



بالله تكفووون ردوا علي .. مابي ينقصني شي .. يرحم والديكم
ترى لي سنتين اقدم في الانتظام ومايقبلوني
قلت مافي الا انتساب .. واخاف هنا بعد يكرشوني

[شوق حمد]

اخوي نواف
اول شي انت يوم سجلت بالنت وعطاك رقم الطلب وخلاص اذا دخلت ع رقم الطلب خانت استعلام وطباعه خلاص تفتحلك صفحه تطبعها تطلعلك 4 اوراق
الاولى فيها بياناتك
الثانيه فيها حقة الدي اتش ال << البريد اللي ترسله اوراقك
الثالثه تعهد بلا تدخين لازم توقع عليها
الرابعه تعهد للجامعه توقعه بعد
تاخذ الاربع اوراق هذي وتجيب معها صوره مو الاصل صوره من شهادة الثنويه الصوره هذي توديها الوزاره وتختم عليها بانها صوره من طبق الاصل عرفت
وتجيب صوره من بطاقة الاحوال حقتك مكبره
وتجيب صورتين شخصيه لك 4 في 6 ملونه بس بخلفيه بيضاء تكتب من وراها اسمك ورقم هويتك
وتروح ل الدي اتش ال انا رحت فرع الرويس اقرب فرع لي
وتعطيهم اوراقك قولهم ابي ارسلها للجامعه بعد هم مايقصرون يعلمونك اذا الاوراق كامله او لا
بس وتدفع 50 ريال ويرسلونها لك
بخصوص خطاب من العمل انا موظفه ولا ارسلت خطاب اني اشتغل والحمدلله قبلوني
اما انك بحافز ماادري اذا يوقفونه او لا
وان شاءالله مايرفضونك
بالتوفيق

[سهورة الأمورة]

بالتوفيق

[شوق حمد]

اخ نواف بخصوص انهم يقطعون حافز عليك ابشرك انا سالت قالوا لا ماراح يقطعون حافز إلا اذا قدمت بالعسكريه واستلمت راتب
يالله الله يوفقك

[nawaf1]

((((( شوق حمد )))))

يعطيكي الف الف الف عااااااافيه
والله انك فكيتي ازمه .. عسى الله يفك كل ازماتك قولي آمين

تاخذ الاربع اوراق هذي وتجيب معها صوره مو الاصل صوره من شهادة الثنويه الصوره هذي توديها الوزاره وتختم عليها بانها صوره من طبق الاصل عرفت

يعني الحين اروح للوزارهـ التربيه والتعليم .. واجيبلهم الشهادهـ ( مصورهـ ) واخليهم يختمون عليها ؟؟ صح ؟

بس معليش وين موقع الوزاره ؟ وهل يختمونها لي نفس اليوم ولا يلطعوني كم اسبوع ولا شهر !

واعذرينـــي على كثرهـ استفساراتي

واشكرك مررره اخرى [:

[الأعلامي]

أخوي نواف

مو لازم الوزارة ،، رح لنفس المدرسة ويختمون عليها طبق الاصل
مثل ما حصل معي

بالتوفيق

[❤ α̲и̲єєи̲]

.
.

لمما تروح الوزارة ومعاك الصورة لازم تشيل الاصل معاها ^^
مووفق اخي :)

[عيوني حزينه]

بالتوفيق

[فرحان المطلق]

ادارة تعليم جدة اعتقد اي تاكسي يدلك فيها تروح ويختمون لك صورة طبق الاصل او اذا مره تعقدت معك روح للجامعه نفسها عمادة القبول والتسجيل ويختمون لك على الصورة طبق الاصل وكذا تكون امورك بالسليم تجيك رساله بعدها بكم يوم تفيدك بالقبول وانو عليك التسديد عشان يقبلونك قبول نهائي ويعطونك الرقم الجامعي
وبالتوفيق

[حيــــــاة]

اخوي بالنسبة لختم صورة الشهادة اذا الصورة اصلا عليها من المدرسه ختم ( طبق الاصل ) فيكفي ،، واذا ما عليها
مو شرط تختمها من الوزارة لانها مشوار ومرمطه
فإذا ختمتها من الجامعه نفسها يكفيك
روح لعمادة القبول والتسجيل في الجامعه وخذ معك صورتين والاصل وقولهم بختم عالشهادة وبيختمونها لك في ثواني وانت واقف وبس روح ارسلها ،، العام اختي نفس حالتك ماعندها صورة مختومه فختمتها من العمادة وبس : )

مووووفق