امل الاجابه وعدم الخوف

[كل الود]

السلام عليكم ورحمة الله

اخواني واخواتي المنتسبين .. الله يعطيكم العافيه جميع ويوفقنا الى مافيه خير

انا تقدمت برفع عدة خطابات وهي عباره عن ( ايميلات لجميع دكاترة المواد التي فيها تظلم بالدرجات - وقد اسمعت لو ناديت حيا ولكن لاحياة لمن تنادي - وارسال فاكس الى الدكتور توفيق الخيال - حسب توجيههم لي- على الرقم 026401667 وتابعت معهم وقالو بانهم استلمو الخطاب وتم تحويله الى قسم الاداره العامه ومن هناك يتم توزيعه على الاقسام المعنيه حسب المواد .. وسالتهم كم ياخذ وقت قالو اسبوعين الى ثلاثه اسابيع .
وبعد اسبوعين اتصلت على الرقم 026952951 وقالو لي ماعندنا خبر احنا حولناها اتصل على هالرقم 026402000 تحويله 67085 (واعتقد والله اعلم انه احمد خيرات -لاني قابلته شخصيا وقال نفس الكلام اللي بيجي - ولما اتصلت طبيت بواحد شاااااااااايف نفسه ولما ناقشته قال لي انا مالي دخل بس شوف ترى مستحيل الدكتور يراجع ورقتك لانه وشو بيراجع 5000 ورقه قلت له ولو كان غلطان قال ولو كان غلطان (ماادري الدكاتره في هالجامعه ملائكه منزلين ) وفي النهايه اعطاني هالرقم وقال تابع معهم 026402000 تحويله 52155 قسم الادارة العامه
والله واتصلت وسالتهم عن خطابي قالي الموظف ماجانا شي .. "انصدمت" ..قلت له شلون!!! قالو لي الاخوان انهم حولوه من اكثر من اسبوعين قال : ماجانا شي ويمكن جانا بس ماشفناه (تخيلو البرود والاستهتار) قلت طيب والحل ... قال ارسل خطابك على هالفاكس026402000 تحويله 67085 .. والله ماكذبت خبر ( غلبان على بالي اتعامل مع جامعه متطوره وناس تخاف الله في حقوق المسلمين).
ومن يومها اتصل لا مجيب .. الاسبوع اللي فات اتصلت لاكثر من مره على التحويله 52155 يرفعون السماعه ولايردون ويقفل السماعه باسرع وقت (والله احباط)

والله على ماقلت لكم شهيد فان انا كذبت فعلي عقوبتي من الله وان صدقت فعليهم من الله مايستحقون جميعا .

الان وش يسوي الطالب اذا كان حقه موقادر ياخذه .. وين يروح ولمن يلجأ .. تلومون اللي يضرب عميد كليه او اللي تلفظ على الثاني بالفاظ مو زينه .. انا وبعد اللي شفته والله مالومهم هذا اقل شي يسويه الواحد على الاقل يبرد خاطره لان الحقران للناس مو بزين .

على الاقل يا جامعتنا الموقره ادخلو على الموقع وحطو لي رساله على شكل معامله الكترونيه احس انكم معبرين او حتى ملتفتين لنا

لايجيني واحد ويقول يارجال تعودنا .. والا وسع صدرك وعساها تعدي .. لاياخي اذا لك حق طالب وطالب وطالب الين تلاقيه او اقل شي تلفت نظر مسؤول الى هالشي اللي صاير ..انت تتكلم عن مؤسسة تعليميه وعن مبالغ تتكبدها انت كطالب وعن اعمال هم مفروض يقومون فيها ولالهم اي فضل .

شوفو لنا حل يا اصحاب القرارات اللي نايمين في العسل تراهي وصلت حدها

اسألكم بالله في احد اعترض وردو عليه الى الان

[الزهراااااني]

والله احسن حل يااخي انك ترررررروح لهم

واذا انك من خارج جده كلم احد اصحابك >>>لازم تسوي قربعــــــــــــــه عشان تاخذ حقك معاهم ولازم تصقعهم في بعض

تمنياتي لكـ بالتوووووفيق

[عبدالله بن سليمان]

الله يكون بعونك

[كل الود]

المشاركة الأصلية كتبت بواسطة الزهراااااني والله احسن حل يااخي انك ترررررروح لهم واذا انك من خارج جده كلم احد اصحابك >>>لازم تسوي قربعــــــــــــــه عشان تاخذ حقك معاهم ولازم تصقعهم في بعض تمنياتي لكـ بالتوووووفيق

ارسلت واحد وقالو له خله هو يجي يراجع .. قال لهم اني خارج جده وموظف وارسل لكم اكثر من فاكس
قالو خلاص الموضوع اكيد تحت الدراسه

وحلني على الدراسه

[أحمد الماضي]

يابن الحلال حتى لو تجي تراجع بنفسك لاحياة لمن تنادي

انا اخذت مادة اسمها الاتصالات التسويقية الترم الي راح .. كانت في بداية الترم مع الدكتور سامي الصمادي .. وحضرنا معاه الدورة التاهيليه وقالنا الفصول المقررة والفصول المحذوفه .. وقبل الاختبارات بثلاثة اسابيع صارت المادة مع الدكتور حبيب التركستاني .. وهو اللي حط الاسئلة و(جاب لنا اسئلة من الفصول المحذوفه) .. تخيل كل الدفعه اللي ناجح مننا جاب 60 والباقي رسوب .. قدمت خطاب ورحت كلمت الدكتور نفسه .. لكن قال انت راسب وكل الكتاب معاكم مافي شي محذوف .. وريته محتويات المادة من موقع الجامعه قال (مالي شغل فيها انا اللي اعرفه ان الكتاب كله معاكم) .. رحت عند الدكتور سامي الصمادي اللي قالنا بالدورة التاهيليه عن الفصول المحذوفه .. قال لو طلبو شهادتي انا راح اشهد معاكم ان فيه فصول محذوفه وبلغت الدكتور حبيب بالمحذوف .. رفعت اعتراض لوكيل الكليه الدكتور توفيق الخيال وارفقت بالخطاب نسخة من محتويات المادة من الموقع وذكرت بالخطاب شهادة الدكتور سامي الصمادي.. والى الان مافي رد .. صار لي شهرين اراجعهم كل اسبوع مرتين او ثلاث مرات اروح عشان هالسالفه .. وكل مرره اراجعهم يقولون للحين ماجانا رد .. هذا غير كلام السكرتارية وموظفين الادارة اللي يقول ماراح تاخذ شي من هالسعي كله .. يقولون لازم جماعه تقدم اعتراض مو شخص لحاله .. لان لو شافو شخص واحد اللي مقدم يهملونها
مادري الواحد لمين يلجأ بعد الله في هالامور
ظلم عيني عينك قسم بالله
من جد معاهم حق اللي ياخذون حقهم بيدهم والله مالومهم

مابسكت لين يعطوني حقي لاني تعبت وانا اذاكر المادة وبالاخير رسوب

حسبي الله ونعم الوكيل

[عيوني حزينه]

كان الله بعونك اخي الحل من وجهة نظري انهم يخصصون دكاتره للانتساب فقط تخيل الدكتور مشتت تفكيره ما بين الانتظام والانتساب وتخيل عاد الطلاب بالالاف وفعلا بعض الموظفين هداهم الله كأنك تطلب من ماله شيء لما تجي تراجع ما يدري انه وضع في هذا المكان لخدمتك ... تحياتي

[كل الود]

العجيب في الامر سكوت الطلاب على هالظلم
وكل ماتسال واحد قال حسبنا الله ونعم الوكيل .. ونعم بالله بس ليش ماتطالب بحقك !!!

اختبار المحاسبه الحكوميه طلعو كل الطلاب متذمرين واللي يعرفك او مايعرفك بعد الاختبار مباشره يسالك وشلون الاسئله تقول له طيب خلونا ننتظر هنا ونتجمع ونروح العماده نشتكي علشان نكون مجموعه يقولون لك خلاص حسبنا الله عليهم

خوف خوف .. الى متى ماتدري
طالما انك ساكت عن حقك لن تاخذ شي .. حتى الله مايرضى تسكت عن حقك

وش بيسون فيك اكثر من انهم مرسبينك .. ولا يقدرون يسون شي طاما انك تطالب بحقك بالطريقه المشروعه
اما اذا بيخلونها مسأله شخصيه ويرمون كل القوانين والاعراف خلف ظهورهم .. بيكون لكل حادث حديث