سؤال عن التقنيه الطبيه

[rania.mq]

السلام عليكم ورحمه الله و بركاته
ابغى اعرف انا انقبلت تقنيه طبيه! و انا ابغى طب نفسي في طــــــــــب
المهم انا سمعت انوا لو دخلت تقنيه طبيه و درسه سنه و جبت معدل حلو انفع احول طب؟ هل هذا الكلام صح؟ و هل مضمون؟ و كم الدرجه الي لازم اجيب؟ و هل في احد قد سوا دي الحركه و نفعت معاه؟ عادي حتى لو ادخل طب موازي؟ و هل في طب في عبد العزيز انو ادفع فلوس و يدخلوني؟
المهم انا مني عارفه ايش اسوي! ابن سينا و سارت full و مافي مكان و البترجي يمكن يفتحوا المنحه لها و يمكن لا! ابغى احد يدني جواب مضمون! انا نفسي ادرس في عبد العزيز
كنت حروح ام القرى ادرس كم سنه طب بعدين اطلب تحويل بس للاسف وقف التسجيل للجامعه :(


لو اي احد عندوا معلومات عن منح البنرجي اتمنى انو يقولنا ياها

و شكرا

[rania.mq]

Someone help please :(

[crazy chance]

صح لو دخلت تقنيه طبيه وجبت معدل اكثر من 4 ونص في اول سنه تقدم تحويل للطب وعلى حسب الاماكن الشاغرة والطلاب اللي طالبين تحويل يفاضلو بينكم وينقلو اعلا المعدلات وفي ناس حولو فعلا ومافي تدفع فلوس اللي هو طب موازي حاليا صار كانه طب عادي بس ماتندفع لك مكافئاة ولكن بعد ماتدرس تحضيري تقدر تدخله وبرضو يخضع للمفاضله بالمعدل الموزون