سؤالي للمنتسبين للطلاب والطالبات ،،

[طالب فيصلي]

السلام عليكم ورحمة الله وبركاته
أسعد الله مسائكم بكل خير

سؤالي هو ما تشوفون الأنتساب صعب شوي من حيث المذاكرة وخصوصا للطلاب الذين يعملون ومتزوجين يالله يرجع من العمل وينام فتره بسيطة ويجلس عند زوجته وولده أو بنته .

أمنيتي كل الأمنيه أني أحصل على البكالريوس بس ما أبغى معدل وبس لا أبغى معدل لا بأس فيه .
وحايف من المذاكرة اتخيلها صعبة جدا ما يكفي ما في حضور أخر السنه تعال أختبر ..

السؤال هنا / من وين أبدء ومن وين أنتهي بالنسبة للمذاكرة ولا هناك رعاية خاصة للموظفين يعني الدكاتره يلخصون ويقولون ذاكرو من الملخصات كافيه

اذا بجلس أفصل الموضوع رايح يطول أتمنى الأفادة من أخواني المنتسبين وخصوصا الموظفين

تحياتي

[Human resources]

وعليكم السلام ورحمه الله وبركاته

ما فيه شي سهل سواء كان انتساب او انتضام...وبرضو ما فيه شي صعب مع المذاكره والاجتهاد والاعتماد على الله سبحانه........اغلب الطلاب والطالبات المنتسبين موضفين ومتزوجين....وبالعكس انا اشوف ان المتزوج يمديه يجتهد اكثر من العزوبي لانه طول وقته بالبيت ومستقر ....ما هو فاضي للدوجه في المقاهي والاسواق مثل العزوبي...
عزيزي بالنسبه للمذاكره فاحسن لك تبدأ دائما بالمواد النضريه السهله عشان تفتح نفسيتك شوي وتحمسك للمذاكره... وبعدين العلميه واذا بتشوف لك مدرس خصوصي حصه في الاسبوع حلوه.....
اما الملخصات فعندك المكاتب اللي موجوده بشارع الجامعه بجده وبالذات مكتبه دار الهدى لانها متخصصه بهالشي..او عندك مكتبه هاني عرب الالكترونيه تقدر تحمل منها ملخصات....او قسم الملخصات في نفس هذا المنتدى الراقي...
اما الوقت فانا افضل انك كل يوم تذاكر من ساعه الى ساعتين وحتى في وقت العمل اذا عندك فرصه والمدير ماهو حولك اجلس اقرأ لك شوي احسن من الانترنت ولا السواليف مع الموضفين
نتمنى لك التوفيق

[algala116]

أنا الأن قاعدة أعاني من هالشي ... سددت ونزل جدولي وأشتريت الكتب لكن مافية وقت اذاكر أرجع من العمل تعبانة وأنام وأقوم أناظر ولدي ودراستة ولما أجي أمسك الكتاب علشان أقرأ فية تنسد نفسي وأرمية وأقول بكرة وكل يوم أقول بكرة لي أسبوعين على هالحال .....ياحظ اللي فاضي وماوراة إلا الدراسة ....واللة يصبرنا إلينا ننهيها على خير ونأخذ البكالوريوس بمعدل كويس إنشاء اللة..قولوا أمين.

[طالب فيصلي]

الله يساعدكم كلنا نعاني من هذه الشيء
للأسف

[عذبه الروح]

انا متزوجه وعندي ثلاث اطفال وزوجي طلاباته ماتخلص بس امسك الكتاب واحدد ساعات لازم اخلص الى حددته من المذاكره يعنى اتحدى مع نفسي ودائما اسوى هاذى الطريقه وماشيه معايا زى الحلاوه مستانسه فيها

[][_ غــــــيــــــر _ ][]

وعليكم السلام ورحمة الله وبركاته .. صباح الخير

المسالة يسيرة اذا لديك تنظيم وترتيب وارادة قوية سواء كنت موظف ومتزوج ذلك طبعاً بعد توفيق الله ..

واذا لم يوجد التنظيم والارادة فالعكس صحيح حتى لو كنت عزوبي وعلى قولتهم "عطالي بطالي" .

اضافة وعن تجربة : من الاشياء المعينة بعد توفيق الله الزوجة المتفهمة

اذا رزقك الله بها فـ ستكون عوناً لك في حياتك ودراستك وكل امرك..

دمــــــــ ـت بــــــــــــــ ـود

[israa]

السلام عليكم ورحمة الله وبركاته

انا عن نفسي كنت جدا فاشله في الدراسه قبل ما اتزوج وانفصلت من الجامعه بعد وبعد ما تزوجت وانجبت اطفالي واشتغلت رجعت الجامعه والحمد لله معدلي ممتاز مع اني علي طول مشغوله يا في الشغل يا مع اولادي يا مع زوجي لذلك انا افسر هذا انو اهم شي التوفيق من الله والاراده القويه .

[go2]

السلام عليكم
اكيد الانتساب ماهو سهل

لكن لوتخصص قبل الاختبارات شهر او اقل
وتبدى بالمذاكرة
راح تحصل معدل خطير
يعني لازم اهتمام
ومن بدري

شكرا

[اميره الحربي]

بالتوفيق اخووي
ولو مرتب جدولك ونظامك رآح تتسهل الاموور

[رحال المنتسبين]

الله كريم انا تقريبا مثل معاناتكم بس المشكلة ما عمري فتحت الكتاب الي اذاا بااقي اسبووع علي الاختباارات والحمد الله ماشية امووري صح المعدل حوول 3 بس كويس الحمد الله