سؤال عن الصيفي الله يوفقكم

[اول حرف]

السلام عليكم ورحمة الله وبركاته انا كان عندي من خطه أ رسوب في الرياضيات
والفيزيا وان شاء بس هيه لان التيجه خطه ب ماطلعت لحد الان ويارب يجيب
العواقب سليمه السؤال انا ان شاء الله حابه اخذها صيفي وانا اصلا من الشرفيه
فأقدر اخذها في السليمانه لانها اقرب الي منزلي من الشرفيه وانتو عارفين صيف ورمضان
وصيام والمواصلات صعبه في هذه الفتره بالذات فيعني اقدر اخذها في السليمانيه والالازم في الشرفيه مع والله انه لوكانت في الشرفيه ماحقدر اخذها صيفي وراح اضطر اخذها سنه
جديده وحتروح سنه كامله عليه فيا ليت الي عنده معلومه يقدر يفيدني يرد عليه وخصوصا الذين لهم تجارب سابقه من السنوات الماضيه ويارب كلنا ننجح وندخل التخصصات الي
نفسنا فيها يارب معليش طولت عليكم بس لعل وعسي

[اول حرف]

معقوله محد يدري ولااي احد عنده
معلومه تفيدني يليت اي احد عنده
معلومه ولو بسيطه متدرون قد اي
ايش تفيدني

[Respect me Respect U]

السلام عليكم
مسائك فل
اشبك متوترة لاتتوري ياعسل ربنا ييسرها عليكي
اللي اعرفه انه الصيفي يكون في الفيصلية وهذا اللي اقدر اخدمك فيه وبالتووفيق ^_^

[روح ابوها]

بالضبط اللي اعرفه و سمعته من صاحباتي اللي حاملين مواد :/
إن الصيفي حيكون في الفيصلية !!
الله يوفقك و يعينك

[S.Bn]

روحي السبت اسأليهم

طبعا روحي العمادة

و بالتوفيق حبيبتي ان شاء الله يرضوا

[اول حرف]

الله يوفق الي ردو عليه والي ماردو كمان
انا عارفه انه في الشرفيه او الفيضليه
سؤالي اقدر اخذه في السليمانيه لانها
قريب مني وماتبغوني اعصب

[المستندات]

اول حرف انتي نفس وضعي
انا بيني وبين الجامعة اللي بالسيمانية شارع وماني حابة اترمي بالفيصلية
بروح السبت ان شاء الله واسئل =)
فيكي تروحي السبت وتشوفي آيش يقولولك
بالتوفيق يا عسل

[رؤى عمر Shidoka]

^
زي ما قالولك ^^ الصيفية فقط في الفيصلية

ما أعتقد راح يكون ف السيلمانية كمان

[ash.ahmad1]

فقط الصيفي لمواد العلوم حيكون في الفيصليه كلمي الشوؤن او
حاولي تروحي العماده واسألي وأتاكدي

[tappolh]

ايوه بناات تكفوون اللي بتروح السبت تسأل عن الصيفي اذا نقدر ناخذه في السليمانيه او لا
ترد لنا خبر هنا تكفوووون لأني انا نفس وضعكم..


ودمتم..