بخصوص مكافأة الامتياز

[ora]

سلام عليكم و رحمة الله و بركاته ..
لوو سمحتو بخصوص مكافأة الامتياز فين لازم نروح ومتى ؟ يعني لازم نستنى الدرجات تنزل بعدين نروح ولا كيف ؟
وايش الاوراق المطلوبة ولازم يكون عندنا حساب تاني غير حق الجامعة؟؟؟
وشكرا

[M!SS Lara]

+1
كنت ابا اسأل ده السؤال

[Abo Saud]

اللي اعرفه انه يتم صرف المكافأت بعد رصد معدلات جميع الطلاب في جميع مراحل الجامعة وفروعها.

ولازم يكون عندك حساب اخر غير حساب المكافأة ، ومن اي فرع.

انا مثلكم وبروح ادارة المكافأة في عمادة شؤون الطلاب وبشوف.

[ططال عمري]

^

لازم تطبعون كشف الدرجات + تودونها لعمادة شؤون الطلاب - ادارة المكافآت < خبرة سآبقةة من آخوآنه =)

[S.Bn]

طيب مكافأة الامتياز سنويا و لا كل ترم و كيف ناخذها

[Codex]

كل ترمين متتاليين تجيب فيهم معدل 4.5 وفوق تكون من حقك المكافأة

بالنسبة للأولاد, مو تروح الشؤون, لا فيه مكان ثاني اسمو إدارة المكافآت موجود في الدور الثاني

في الساحة الكبيرة عند مباني التحضيري, تروح وبيعطيك الموظف ورقة تعبيها ولازم يكون معاك:

1/ صورة شخصية > عشان الشهادة بتستلمها بعدين

2/ حساب في اي بنك ويكون معاك الآيبان حقه

3/ البطاقة الجامعية

* لازم يكون عندك حساب بأسمك في اي بنك ثاني

بعد ما تقدم, ممكن تقعد من اسبوعين لشهر عشان تنزل

دعواتي لكم بالتوفيق والتميز المستمر

[قمممر]

فيه ناس يقولوا مرة وحدة تاخذيها

امممم ، اقصد لو ان شااالله ان شاالله كان معدلي ذا السنة فوق 4.50
و اخذت المكافأة و كممممممممممممان السنة الجاية لما اتخصص كان معدلي فوق 4.50
اخذها كمان ؟؟؟؟؟؟؟

[Codex]

المشاركة الأصلية كتبت بواسطة قمممر فيه ناس يقولوا مرة وحدة تاخذيها امممم ، اقصد لو ان شااالله ان شاالله كان معدلي ذا السنة فوق 4.50 و اخذت المكافأة و كممممممممممممان السنة الجاية لما اتخصص كان معدلي فوق 4.50 اخذها كمان ؟؟؟؟؟؟؟

لا مو مرة واحده, كل ترمين "متتاليين" تجيبي فيهم +4.5 تقدمي على المكافأة

حتى لو من اول ما تدخلي الجامعة لين ما تتخرجي

بالتوفيق

المشاركة الأصلية كتبت بواسطة بترولي مآكل هوآ اممممما عاد كذاا !! يعني 4.5 المفروض لو اروحلهم يعطوني مكافأه !! طيب انا الترم الاول 4.5 .. والترم هذا بإذن الله راح تكون فوق الاربعة ونص .. !! - كيف الآجراءات وكذاا !! وهل آخذ مكافأتين !! حق الترم الاول + حق الترم الثاني !! ولا ااش النظام ! ،،

مكافأة واحده لكل ترمين, يعني لما ينحسب معدلك الترم هذا روح قدم

بتجيك إن شاء الله 1000 ريال

روح ولا تنسى رقم " الحساب الدولي - آيبان - " تبع البنك

بس روح للموظف في ادارة المكافآت وقله ابغا اقدم على مكافأة الامتياز

بيسألك هذي اول مرة؟ " لأنو ثاني مرة الموضوع يكون اسرع من كدا وما يحتاج اللي تسويه في البداية "

رح تقله ايوا بيعطيك ورقة عبيها واعطيه صورة شخصية لك

بالتوفيق

[بترولي مآكل هوآ]

اممممما عاد كذاا !!

يعني 4.5 المفروض لو اروحلهم يعطوني مكافأه !!
طيب انا الترم الاول 4.5 .. والترم هذا بإذن الله راح تكون فوق الاربعة ونص .. !!
-
كيف الآجراءات وكذاا !!
وهل آخذ مكافأتين !! حق الترم الاول + حق الترم الثاني !! ولا ااش النظام !
،،

[Miss.JA]

لوو سمحتو بخصوص مكافأة الامتياز فين لازم نروح ومتى ؟ يعني لازم نستنى الدرجات تنزل بعدين نروح ولا كيف ؟ وايش الاوراق المطلوبة ولازم يكون عندنا حساب تاني غير حق الجامعة؟؟؟

بليز الي يعرف اجابات الاسئلة هذي :p