تورطت ببحوث العمليات !!

[حربي مسالم]

سلام عليكم ورحمة الله

اخواني ودي استشيركم

انا تورطت في مادة بحوث العمليات مع مدرس سوادني الله لا يوريكم
قمة السوء في المواعيد والتطنيش
احترمته اكثر من مره لكبر سنه واستحيت اكنسله للسبب المذكور ولأني ما لقيت الا هو يجي للييت

طبعا اتفقنا على 1750 للمنهج وبعد كم حصة اخذ النصف وباقي له النصف
وللحين انواع التسحيب كل يوم تأجيل موعد وحاس نفسيتي والله

الحين انا باقي لي السمبلكس لأننا اجلناه يقول نشرحه اخر شي والباب الاخير !!
برايكم لو اروح لجده هاليومين ابلاقي مدرس كويس يرقع الوضع والا اجلس الاحق هالزول ؟؟

والكل يمدح الغزالي ما شاء الله تبارك الله وما ادري الغزالي وضعه يسمح وهل يعطي دروس فردية والا لازم جماعي ؟؟ لاني افضل الفردي

ياليت تشورن علي اروح بدري وادور بجده والا الاحق هالزول معا اني كرهته وكرهت طاريه والله

وآسف على الاطاله

[وليد الجبيل]

لايكون ابو شهد السوداني ههههه الله يستر عليه ههههههه

[حربي مسالم]

الله الله
جبتها والله

وش الراي

شكلك متورط مثلي

[لماذا اسلم للبحر امري؟]

انا اشوف انك تتصل بنفسك على المدرسين الي في جده وتسألهم اذا يشرحون لك هالفصلين لحالك
واكيد بتلاقي ان شاءالله

بالتوفيق

[wooOOoow]

انا من رايي هالماده كلها تقدر تذاكرها وانت مرتاح من اي مذكره
ماعدى السمبلكس !.

تمنيتك مع المدرس انك اخذت السمبلكس اول حصه او ثاني حصه

السمبلكس حقها حصه وتفهمها زي المويه ان شاءالله مع التدريب
والباب الاخير .. كانك تتكلم عن القرارت الادريه ( الاسف والندم وتكلفة الانتاج وطقتها ) تراها ماتعوق معك ابد

الماده سهله ممتنعه
تقدر تنهيها بطريقة تجيب فيها معدل حلو مو بس تنجح فيها
لاتصعب الموضوع على نفسك

الزم ماعليك السمبلكس .. وتقدر تاخذها بيوم عند مدرس هناك تتفق معه .. والبقيه تقدر من المذكره تفهمها وبالساهل

الله يوفقنا وياك يارب ..

[D. ADEL]

هلا ابن عمي ،،،

اولاً : الماده ان شالله سهله وتحتاج فقط كثرة تمارين ...

ثانياً : الغزالي شارب المنهج شرب لكن يعيبه السرعه بالشرح وقروبات لا تقل عن 8 اشخاص فيكون هناك ازعاج لكن اتوقع هو يفضى بعد 12 الليل ممكن تكلمه وتنسق معاه يشرح لك الباقي ...

ثالثاً : الغزالي سعره في الرياض 1000 ريال ... وجده 800 ريال مع العلم ان المبالغ هذي كثيره على القروبات ..

رابعاً : هذا جوالي الغزالي اتصل ونسق معاه ،،، عشان تطرد الزووووووووووول ...( 0507654467 )

اتمنى لك التوفيق والسداد ولجميع الطلاب ...

[حربي مسالم]

مشكورين والله
الزول كنسلته خلاص (( شبه طرده ))
شكلي من بكرة ببدى اذاكرها بتركيز وبين انها مو معقده بس تمارينها واجد
معا السمبلكس اسمه يخوف ههههههههه وربكم يعين
لو في الزول خير ما اجل السمبلكس بس ما كنت عارف هالشي الا يوم قال السمبلكس بالحصة الاخيرة
قلت والمراجعه قال نراجع معاها هههههههههههههههههه دريت اني غادي ههههههههههههههههههه
علما ان بعض الاختبارات ما جاء فيها سمبلكس !!

[الــيــورو]

ذاكر ملخص الطيار

وأدرس عند الغزالي وفالك +a

وبالتوفيق للجميع

[حربي مسالم]

ايه وانا اخوك معي مذكرة الطيار الله يجزاه عنا خير

بدق على الغزالي بكرة واحاول فيه ابي بس مراجعة بسيطه والسمبلكس

ماا اجرب غيره واطيح بزول ثاني وردد ياليل ما اطولك

وحسب ما عرفت عن هالمادة من كلام بعض الشباب هنا يا انك تجيب a+ او تجيب العيد هههههههههههههههه

[الــيــورو]

الماااااااااااادة سهلة

بس أهم شي لازم تعود نفسك على حل التمارين عشرين مرة

لأن مشكلتها الوقت مايمديك لكن مع كثرة التمارين صدقني بتجيب في درجات حلوه