بنات الاحياء والكيمياء حيوي الله يخليكم ضروووووري

[جيزان]

السلام عليكم ورحمه الله وبركاته


كيفكم بنات وكيف اختباراتكم ,,, ان شاءالله تكونوا بخير وصحه وعاافيه


ياحلوين انا تخصصي احياء مستوى رابع ادرس في فرع الفيصليه
وقررت احول على السليمانيه باذن الله ومعدلي 4.15 ينفع ولا لا ؟؟ صاحبتي معدلها كان 3.50 السمستر الاول وحولت ماادري كيف بواسطه ولا لا


تاني حاجه انا راح ادرس ترم صيفي ان شاءالله ,,, اذا طلبت تحويل السليمانيه متى تطلع نتايج التحويل ؟؟ وهل ادرس الصيفي في السليمانيه او الفيصليه ؟؟؟؟؟


تالت حاجه انا راح احول السليمانيه عشان تخصص الهندسه الوراثيه نفسي فيه مرررررة وطبعا التخصص بعد المستوى الخامس
اذا كان معدلي 4.30 انقبل في هالتخصص ولا لا ؟؟؟؟
بليييييييييييييييييييييييييييز قولولي كم اقل معدل عشان ماابغا احول السليمانيه وفي الاخير ماانقبل

رابع حاجه واخر شي << ادري طفشتكم
الحين باقي لي مايكرو وحيوان ان شاء ادرسهم في السليمانيه
طبعا المايكرو معروف انجلش بس كيف المذاكرة ؟؟ من سلايدات او كتاب ؟؟ وكيف الاسئله ؟؟ والدكاترة ؟؟؟؟؟
وماده حيوان عام يكون بعربي او انجلش ؟؟؟؟؟
وكيف الاسئله هل تكون موحده نفس نظام التحضيري ؟؟؟؟ او على حسب كل دكتورة بكيفها زي الفيصليه ؟؟؟؟؟؟

وباقي لي كمان ماده كيمياء عضوي 230 كيف هالماده ؟؟؟؟ ومين احسن الدكاترة ؟؟ الله يخليكم قولوا لي كل شي

وعموما كيف جو السليمانيه انا مررررررررة خاااااااااايفه وماااعرف احد هناك ؟؟؟؟



ومررررررة شكرا للي ترد الله يوفقها ويسهلها اختباراتها

[دروووووووب]

السلام عليكم اختي جيزان ..
اول شي هدئي من روووووووووعك .. يعني قدمي عالتحويل واللي ربي رايده ليكي راح يصير ..
ويمكن انا ما اقدر افيدك في المعدل المطلوب لانه مامرت علي وحده من صحباتي حولت او شي ولا قد سألت عن دا الموضوع
لكن من ناحية الصيفي خديه في كليتكي ولا تفوتي الترم تستني مو عارفه في السليمانيه ولا الكلية اللي انتي فيها لانه ما اتوقع يجيكي الرد بسررررعه لانه مررررره يطوولون ادا كان في التسكين ينزلوه قبل الدراسه بأسبوعين وكمان التحويل من تخصص لثاني بداية الترم يقوولوو ادا انقبلتي اولا فأكيد موضوعك حايتأخر شويتين انتي بس اصبري وحطي جميع الاحتمالات قدااامك .. انا مو اخوفك بس هوو دا اللي نسمعه من البنات
وغير عن كدا انا اشوف المواد لصعبة اللي باقيتلك انصحكي تاخديها في كليتكي لانه الكللل يمدح الكليه ويقولو الدراسه اسهل بكثير من الجامعه وانتي لما تجي حايتغير عليكي المكان خليكي تاخديها في كليتكي افضل ..
وكمان من المواد اللي دكرتيها انا اخدت مادة عضوي بس وبقية المواد اللي قلتيها ما اعرفها المهم دي الماده دسسسسسسمه صراحة والكل ينصح تاخديها مع نسرين مع انه انا اخدتها مع حميده عبدالحميد وكانت تفهم لكن طايرة في المنهج عشان تبغ تخلص المنهج الطويييل دااا
ومن ناحية تخصص الهندسه الوراثية حتى انا مرررره عاجبني مع انه انا كيمياء حيوي وما في مجال انه اتخصصه او احول ومن دا الكلام لكن ان شالله في الدراسات العليا يكون في مجال اتخصص شي زي كدا


وبس .. الله يكتب لك اللي فيه الخير

[جيزان]

ايوا هوا انا اكيييييييد راح اخذ ترم صيفي سواء في الفيصليه او السليمانيه
بس التحويل لازم من الحين وماعرف فين راح ادرس ؟؟


بالنسبه لكليتي مافيها في الصيفي الا مادتين بس نبات وبيولوجيا الخليه
ممكن اخذها صيفي في كليتي واذا تحولت راح ادرس طبعا صيفي في السليمانيه


طيب اسئله الكيمياء العضوي كانت موحده ولا على حسب الدكتورة وعموما كل المواد كيف الطريقه موحد ولا على حسب كل دكتورة؟؟؟


ياليت كمان يفيدوني بناااات الاحياء
اميييين يارب
تسلمي حبيبتي

[دروووووووب]

لا الاسئلة عللى حسب الدكتورة مع انه في مواد في قسمنا كانت موحده وفي برضو على حسب الدكتورات يعني ممكن موعد الاختبار يتوحد بس كل دكتورة تسوي اسالتها براحتها

[بيو كيميائية ^_^]

أول شيء ماشاء الله وإن شاء الله دومـ يرتفع

والحد الأدنى للتحويل 3ونص وأنتِ أعلى بإذن الله أكيد التحويل

بالنسبة للوراثة أقل شيء 4 وأنتِ أعلى ماشاء الله بس لازم تحققي شرط البيولجي خلية والوراثة ماتقلي عن 85

الكيمياء العضوي سهلة وحلوة إذا ذاكرتيها وحليتي الواجب بنفسكـ أول بأول أنا أخذتها مع فوزية مرة رائعة بس إذا مالقيتيها خذيها مع نسرين والأسئلة موحدة مثل التحضيري

مايكرو أفضل تاخذيها مع سماح أفضل من سناء

بالنسبة للتوحيد المواد العامة موحدة والباقي كل دكتورها لوحدها

بالتوفيق وإن شاء الله تدخلي جينوم

[جيزان]

مشكووورة حبيبتي الله يعطيكي العاافية،،،، امييييييييين الله يسمع منك يااااااااااااارب ،،، مشكورين بنات البيوك ،،،، ياليت كمان يفيدوني بنات الاحياء اكثر