عيب .. استحي .. والله احرآآآآآآآآج ...!

[رفيقي كتاب ربي]

بسم الله الرحمن الرحيم
.....
آعجبت بــ فكره الموضوع فـ نقلتها لكــم :)
.....

هذه الكلمه واجهتني كثير في تساؤلاتي

ليش عيب .. وايش هو العيب
كان تسأولي


ليه مانقول لكل انسان نحبه انه احنا نحبه... بدون صعوبه ؟

مهما كان ها الشخص ...رجل او امراءه ... غريب ولا قريب ..!

ليه مانقول لكل انسان نحترمه انه احنا نحترمه.؟

ليه مانقول لكل انسان اعطانا شي .. من نفسه او من وقته او من مجهوده ...شكرآ ؟

ليه مانحضن عائلتنا ... واصدقائنا ..واحبابنا..وكل انسان مهم بحياتنا؟

ليه ما نهدي لك انسان كان له تاثير بحياتنا ...هديه صغيره تعبر عن امتنانا وشكرنا له ؟

اشياء بسيطه ويمكن غبيه بنظر البعض لكنها راح تحسن كثير من نفسياتنا ..

ورغم اننا في بيئه محافظه تربى فيها الابناء على الخجل من التعبير عن مشاعرهم

والخجل منها ..بس سكوتنا عن مشاعرنا يدفنها يقتلها
يخنقها
..

....................
من ردود البعض على فكرتي ...
انهم يحضنون كل انسان يحبونه ... او يعطونه هديه بدون مناسبه .. او يقولون له ببساطه انهم يحبونه
اول شخص طرحت عليه الفكره ...

عمي ...

سالته .. عمي ممكن تعطي احد تحبه هديه بدون مناسبه ؟؟
قال .. ما اظن والله ... احس الدعوه أحراج .. طب لو سالني ليش الهديه .. وش ارد عليه
قلت له ... قول عشان انت تحبه ... ونفسك توصله قد ايش هو مهم بحياتك
طالع فيني بأستغراب ..قام من عندي وقال من جد الاجانب خربوا عقلك ...
( الحين الحب والموده والمشاعر والتواصل خراب .... سبحانه )

رديت على خالي الثاني :
لقيته قاعد بالمجلس جلست جنبه دخلت زوجته ...قلت هلا بحبيبتي هلا والله
طالع فيني باستغراب ..شنو حبيبتي استح يا ولد
طالعت فيه ... وقلت ببساطه ايوه حبيبتي ..اش فيها حتى انته حبيبي
توقعوا وش عمل ؟؟؟
صدقوني حمر وجهه ونزل راسه ..بمعنى انه انحرج من كلامي حيل
( ليش ما ادري .... انا ماقلت شي غلط ) ولا انتو وش رايكم ؟؟؟

..
مسكت جدي
قلت جدي انته تحبني ؟؟؟
طالع فيني باستخفاف ..وقال اكيد ..يعني
قلت طيب عبرلي عن حبك ...انا مو مصدق انك تحبني الحين ؟؟؟
قال براحتك صدق ولا تصدق
( ما عطاني وجهه ) المهم رديت سالته جدي لو تحب كيف بتوضح لشخص انك تحبه ؟؟؟
قال احنا للأسف لو كرهنا احد نتفنن نعبر له عن مدى كرهنا له
بس لو نحبه ولا نفكر نعبر له ...ويمكن يحسب مانحبه ..
من كثر اهمالنا ...له


رديت سألت وحده من الربع ... ممكن تحضني ابوك او اخوك بدون سبب ؟؟؟

قالت .. والله انا اسلم على ابوي فوق راسه وعلى ايده واحس ها الشي كافي
وماله داعي للاحضان .. استحي
اصلآ انا ما اسلم عليه الا لما يرد من السفر ..بس


سالت وحده ثانيه ..
ممكن تهدين ابوك هديه .. وتكتبين عليها الحمد لله على وجودك في حياتي يا اغلى مخلوق ؟؟
قالت ... وربي يقول اش ها الخبال ولعب العيال ..
خليني احا فظ على كرامتي احسن لي ...يكفي اسلم عليه واسال عليه

...........

ابيكم تجابون على ها التساؤلات
اذا تحب احد ممكن تقوله انك تحبه ؟ بدون صعوبه .؟
في مره كان ودك تقول لا احد انك تحبه .. وبا اخر لحظه ماقدرت تقولها...وليه ؟
ممكن تعطي احد تحبه هديه ...بدون مناسبه ؟ وياترى وش بيكون جوابك على تساؤله عن المناسبه ؟
اذا تحس ناحية شخص
بالحب او الاحترام او التقدير ..او باهميته بحياتك
وشلون بتعبر له ؟

وياترى باي موقف منها ممكن تقول عيب ....استحي.. والله احراآآآآآج


ملاحظه ...
المقصود بالموضوع الحب بكافة اشكاله
في الزماله والصداقه والعائله ..

[توونآ]

لفتني رد جدك بصراحة رد واقعي جدا

والله جد ماعرف ايش اقول كلامك كله صح

عندنا الحب اكبر مصيبة قد يرتكبها المرء

اما حب والدين اخوان واصدقاء طبعا نحبهم ونموت فيهم كمان

بس لنا طريقتنا الخاصة في التعبير عن حبنا >> اقصد الي تربينا عليها

ولو انها طريقة خطأ بس تعودنا ومحاولة انك تغيريها حتكوني ع قولة عمك وحدة خربانه

عشان كدا الله الله في عيالك وفي التربية السنعه

ثانكيووو حبيبتي P:

[اللهم اعطهم مايتمنونه لي]

اذا تحب احد ممكن تقوله انك تحبه ؟ بدون صعوبه .؟

نعم ممكن ، اذا كانت امرأه سهل جداً > اختك خالتك عمتك ..... الخ

اما اذا كان رجل ممكن أقولها لأبوي لكن غير كذا لا
ممكن لأهلي المحارم لكن أعبر عنهاا بإحترام وغيره لكن اتلفظ فيهاا لا

في مره كان ودك تقول لا احد انك تحبه .. وبا اخر لحظه ماقدرت تقولها...وليه ؟

لا

ممكن تعطي احد تحبه هديه ...بدون مناسبه ؟ وياترى وش بيكون جوابك على تساؤله عن المناسبه ؟

ممكن ، راح يكون جوابي هو الدافع اللي خلاني اهديه > طبعاً الحب في الله

اذا تحس ناحية شخص بالحب او الاحترام او التقدير ..او باهميته بحياتك وشلون بتعبر له ؟

أقل شي اقدم له إحترامه وتقديره

وياترى باي موقف منها ممكن تقول عيب ....استحي.. والله احراآآآآآج

دام في حدود الأدب والذوق مافي شي اسمه عيب
أما الحياء فهو شي مطلوب



موضوع وطرح رائع اختي
لاعدمنا جديدك
ولاتواجدك

[سملّق :)]

يا عالم انبسطوا انبسطوا .. بلاشي حب وكره واحترام < خلك فري زيي

من جد يعني تخيل أروح لـ ابوي اقول له : يبـه ،.......... ( فيس مستحي ) أحبك :$

قسم أتخيله الحين وميت ضحك

بيقول : يالبيييييه ياعمري انت ، تعال تعال أحظني :$ ههههههههههههههههه

،،

معليش بس انا تربيت تربية جاااافـة جداً ، ولا فيها الا ( سمعاً وطاعة )
......


العلاقة مع الوالد ( رسمية )

يدق الجوال : فجأة تحصلني وااقف .. سم طال عمرك

ابشر


مايصير الا اللي تقول


ابشر طال عمرك



خلاص طال عمرك



يصير خير



ان شاء الله



مع السلامة


طننننننننننننننننننننننننننننننننننن < قفل الخط


< يلعن ام الجحده حتى ..مع السلامة.. ماقالها

،،،

واكثر الشعب زي كذا ... < مره رومنسيين
.......


ولو نتكلم من ناحيــــــة ( مثاليـّة ) يعني شخص مثالي

اقول انه صعب الواحد يقول هالكلمات .. ماهي سهله الشغلة < يبي لها دراسة معمــقة وتفكير صويب

خاصة في بيئة مجتمع زي اللي نعيش فيها !!

،،،


بالنسبة لي ( شخص واقعي ، جاف المشاعر )

خير صديق في الزمان كتاب .. وخير من تحب هو ربك و المسجد والقرآن والنبي محمد صلى الله عليه وسلم


الوالد = نوع من الاحترام المتبادل .. علاقة رسمية بحتــه .. ولا افتح معه اي موضوع
سوى مواضيع ( العمل )

الوالدة : الله يحفضها لي ، وهي تعرف مشاعري نحوها من خلال تعاملي معها ..

أخواني = طلعات وناسـة فلـة ( فزعات لبعض ) مشاكل نحلها مع بعض ومشاكل تواجهنا وتحديات

< حشا انا واخواني صرنا ( الابطال الخارقون )

ممكن بعض الاحيان تعترض لنا مشاكل ( تحسسنا بقيمة الاخ ) ونتغلب فيها مع بعض
ونجلس بعدها فترة مع بعض زي الاصدقاء

ولكن مايمديها الا وكلن راح في حال سبيلــه ..

الخلاصة : علاقتي مع اخواني علاقات مصلحة فقط ، عند المصالح (( لي او لهم )) نتقابل

غيرها ( ماحد يدري عن الثاني ) ههههههههههههههه

،،،،

في اجازة مابين الترمين سويت حادث الييييييم في شارع حايل .. وصدمت في نخلة وعمود الانارة

وانقلبت السيارت حوالي اربع قلبات .. وكان وقتها ( اخواني كلهم في الطايف )

وكان بيننا مشاكل كثيرة ..

فجأة أنتبهت في لمح البصر الا وانا جوة السيارة والسيارة مقلوبة ( وكان لي حوالي ربع ساعة أغماء )

والناس من حول السيارة متجمعين !!

قلت لنفسي : يالله انا كنت قبل شوي ماشي في الشارع وش جابني هنا !!

انتبهت للموقف .. واحد يحاول كسر زجاج السسيارة الخلفي ( اناا في المرتب الخلفية )

يقول لي : انت حي ؟؟ << قلت لا ، طال عمرك : ميت بس قمت استهبل !!

طلعوني من السيارة وحسيت زي النوووم جاني وانا على الرصيف ... استسلمت للغيبوبة

قمت في المستشفى .. طالع في الدكتور ( لحد الان مادري وش الموقف ) !!

العالم متجمعين علي .. وش السالفة ؟؟

كان آخر وأحلى شيء شفته : أخواني كلهم جنبي .. دق عليهم المرور وقت الحادث

ونزلوا من ساعتهم .. على جدة وقضوا الليل بجنبي ف المستشفى ..
،،

صراحة ما أخفيكم والله على ما اقول شهيد : اني كنت متوقع أني راح اموت ( من الاوجاع )

الام شدييييييدة ،، خاصة بعد مادخلت المستشفى وراح تأثير الادرينالين عني
ولا أقدر اتنفس و ولا اقدر اوقف ..

تكسرت من حوالي 3 اماكن ... بس كنت مرتاح نفسيا وقسم

مرتاح اني حتى لو متت ماراح اموت لحالي ،، على الاقل اخواني كانوا بجنبي ..

هذا موقف ما انساه ..

..

وشكرا لكم على حسن اصغائكم < شكلي بنجلد أحس طووولت

[خلود 99]

اذا تحب احد ممكن تقوله انك تحبه ؟ بدون صعوبه .؟ تكفي افعالي تبين لهم حبي في مره كان ودك تقول لا احد انك تحبه .. وبا اخر لحظه ماقدرت تقولها...وليه ؟ لا ... ممكن تعطي احد تحبه هديه ...بدون مناسبه ؟ وياترى وش بيكون جوابك على تساؤله عن المناسبه ؟ بدون مناسبة امممم ما اتوقع ... اذا تحس ناحية شخص بالحب او الاحترام او التقدير ..او باهميته بحياتك وشلون بتعبر له ؟ بالافعال.... وياترى باي موقف منها ممكن تقول عيب ....استحي.. والله احراآآآآآج عيب و احراج لا بس استحي ايوا و بقوة كمان ..

موضوع رائع ،، يعطيك العافية

[الجوري و الورد]

يعطيكـِ العافيه على الطرح الرائع

[رفيقي كتاب ربي]

المشاركة الأصلية كتبت بواسطة توونآ لفتني رد جدك بصراحة رد واقعي جدا والله جد ماعرف ايش اقول كلامك كله صح عندنا الحب اكبر مصيبة قد يرتكبها المرء اما حب والدين اخوان واصدقاء طبعا نحبهم ونموت فيهم كمان بس لنا طريقتنا الخاصة في التعبير عن حبنا >> اقصد الي تربينا عليها ولو انها طريقة خطأ بس تعودنا ومحاولة انك تغيريها حتكوني ع قولة عمك وحدة خربانه عشان كدا الله الله في عيالك وفي التربية السنعه ثانكيووو حبيبتي P:

.. حبيبتي انا م كتبت الموضوع ب نفسي :)

هه مو جدي (جدي (رحمه الله) فارق الحياه منذ 4 سنوات )

كتبت في بدايه الموضوع انه منقول ..

احببت ردك ..

وبالنسبه ل اطفالي ب المستقبل ان شاء الله م راح اقصر معاهم :p ههه

نورتي غاليتي ..



.....

المشاركة الأصلية كتبت بواسطة اللهم اعطهم مايتمنونه لي نعم ممكن ، اذا كانت امرأه سهل جداً > اختك خالتك عمتك ..... الخ اما اذا كان رجل ممكن أقولها لأبوي لكن غير كذا لا ممكن لأهلي المحارم لكن أعبر عنهاا بإحترام وغيره لكن اتلفظ فيهاا لا لا ممكن ، راح يكون جوابي هو الدافع اللي خلاني اهديه > طبعاً الحب في الله أقل شي اقدم له إحترامه وتقديره دام في حدود الأدب والذوق مافي شي اسمه عيب أما الحياء فهو شي مطلوب موضوع وطرح رائع اختي لاعدمنا جديدك ولاتواجدك

صدقتِ :) ....!
حدود الادب لابد منها والحياء شي اساسي ..
.
وشكراً ..للــ { الاجابه ع التساؤلات ..}
.
آسعدت ب تواجدك غاليتي

[رفيقي كتاب ربي]

المشاركة الأصلية كتبت بواسطة سملّق :) يا عالم انبسطوا انبسطوا .. بلاشي حب وكره واحترام < خلك فري زيي من جد يعني تخيل أروح لـ ابوي اقول له : يبـه ،.......... ( فيس مستحي ) أحبك :$ قسم أتخيله الحين وميت ضحك بيقول : يالبيييييه ياعمري انت ، تعال تعال أحظني :$ ههههههههههههههههه ،، معليش بس انا تربيت تربية جاااافـة جداً ، ولا فيها الا ( سمعاً وطاعة ) ...... العلاقة مع الوالد ( رسمية ) يدق الجوال : فجأة تحصلني وااقف .. سم طال عمرك ابشر مايصير الا اللي تقول ابشر طال عمرك خلاص طال عمرك يصير خير ان شاء الله مع السلامة طننننننننننننننننننننننننننننننننننن < قفل الخط < يلعن ام الجحده حتى ..مع السلامة.. ماقالها ،،، واكثر الشعب زي كذا ... < مره رومنسيين ....... ولو نتكلم من ناحيــــــة ( مثاليـّة ) يعني شخص مثالي اقول انه صعب الواحد يقول هالكلمات .. ماهي سهله الشغلة < يبي لها دراسة معمــقة وتفكير صويب خاصة في بيئة مجتمع زي اللي نعيش فيها !! ،،، بالنسبة لي ( شخص واقعي ، جاف المشاعر ) خير صديق في الزمان كتاب .. وخير من تحب هو ربك و المسجد والقرآن والنبي محمد صلى الله عليه وسلم ...{م اختلفت معك في هذي النقطه :) ..} ... الوالد = نوع من الاحترام المتبادل .. علاقة رسمية بحتــه .. ولا افتح معه اي موضوع سوى مواضيع ( العمل ) الوالدة : الله يحفضها لي ، وهي تعرف مشاعري نحوها من خلال تعاملي معها .. {الله يطول عمرها .. بس المرآه بطبيعتها تحب احد يعبر لها عن مشاعره تجاهها .. ولما تجي من الولد انا متآكده ان الدنيا م راح توسعها .. } أخواني = طلعات وناسـة فلـة ( فزعات لبعض ) مشاكل نحلها مع بعض ومشاكل تواجهنا وتحديات < حشا انا واخواني صرنا ( الابطال الخارقون ) ممكن بعض الاحيان تعترض لنا مشاكل ( تحسسنا بقيمة الاخ ) ونتغلب فيها مع بعض ونجلس بعدها فترة مع بعض زي الاصدقاء ولكن مايمديها الا وكلن راح في حال سبيلــه .. الخلاصة : علاقتي مع اخواني علاقات مصلحة فقط ، عند المصالح (( لي او لهم )) نتقابل غيرها ( ماحد يدري عن الثاني ) ههههههههههههههه { هنا المشكله .. حتى والله سرنا نعتبر الصديق افضل من الاخ والاخت وانا احيانا اعاني من هالشي .. محد داري عن الثاني .. وفي لحظه تكتشف انه سار ل اخوك وسار وسار وانت بلحظه غفله عنه } ،،،، في اجازة مابين الترمين سويت حادث الييييييم في شارع حايل .. وصدمت في نخلة وعمود الانارة وانقلبت السيارت حوالي اربع قلبات .. وكان وقتها ( اخواني كلهم في الطايف ) وكان بيننا مشاكل كثيرة .. فجأة أنتبهت في لمح البصر الا وانا جوة السيارة والسيارة مقلوبة ( وكان لي حوالي ربع ساعة أغماء ) والناس من حول السيارة متجمعين !! قلت لنفسي : يالله انا كنت قبل شوي ماشي في الشارع وش جابني هنا !! انتبهت للموقف .. واحد يحاول كسر زجاج السسيارة الخلفي ( اناا في المرتب الخلفية ) يقول لي : انت حي ؟؟ << قلت لا ، طال عمرك : ميت بس قمت استهبل !! طلعوني من السيارة وحسيت زي النوووم جاني وانا على الرصيف ... استسلمت للغيبوبة قمت في المستشفى .. طالع في الدكتور ( لحد الان مادري وش الموقف ) !! العالم متجمعين علي .. وش السالفة ؟؟ كان آخر وأحلى شيء شفته : أخواني كلهم جنبي .. دق عليهم المرور وقت الحادث ونزلوا من ساعتهم .. على جدة وقضوا الليل بجنبي ف المستشفى .. ،، صراحة ما أخفيكم والله على ما اقول شهيد : اني كنت متوقع أني راح اموت ( من الاوجاع ) الام شدييييييدة ،، خاصة بعد مادخلت المستشفى وراح تأثير الادرينالين عني ولا أقدر اتنفس و ولا اقدر اوقف .. تكسرت من حوالي 3 اماكن ... بس كنت مرتاح نفسيا وقسم مرتاح اني حتى لو متت ماراح اموت لحالي ،، على الاقل اخواني كانوا بجنبي .. هذا موقف ما انساه .. {يالله .. :s ..! ... سلامتك م تشوف شي اخوي .. ان شا الله م يشوف الشر طريقك ..} .. واللحمد لله ربي كتبلك عمر جديد .. فكر لو ان ربك اخذ روحك ..! .. وانت كنت لاهي بـ الدنيا .. فكر اي كميه جمعتها من الحسنات تقدر تقابل فيها ربك ..! الله يطول بعمرك في طاعه الله .. .. وشكرا لكم على حسن اصغائكم < شكلي بنجلد أحس طووولت

آسعدت بتواجدك سملّق ^_^

المشاركة الأصلية كتبت بواسطة الجوري و الورد يعطيكـِ العافيه على الطرح الرائع

المشاركة الأصلية كتبت بواسطة خلود 99 موضوع رائع ،، يعطيك العافية

روعه تواجدكما قد اسعد كياني .. شكرا لكما اختاي ^_^



.

.

.

&&&&&



كان هذا رأي كل واحد منكم وتجربه للبعض ..

.

.

يمكن اقول ان المجتمع اللي تربيت فيه كان محافظ بححححت

في صغري ..

يمكن لان الطفل لما يكون صغير ويتربى ع مبادئ ترسخ في نفسه الا الكبر
.

.

م انكر ان ابوي وامي اشبعوني حب في الصغر ..

بس لما كبرت .. سار في نظر الكل اني انا (بنت) خلاص (. عيب تسوي وعيب تفعل عيب تطلع وعيب وعيب وعيب وعيب)

وكل هذا كان في اطار ال (المباح)
لدرجه ان العيب سار اكثر خطوره من الحرام ...!

بس انا م اهتميت لهذا كله ..
سرت ارسل ل ابوي وامي شبه يومي (سواء رساله نصيه او ب الواتز او ب اي شي اقدر اوصل لهم )

كلمه (احبك ) واحتضنهم بدون ادنى سبب .. حتى سارو يقول اكثر انسانه تحبنا (ماريا)

هذا اكثر شي حبيته في حياتي .. واللي يسعدني اكثر اني قدرت الغي ذاك الحاجز
اللي بيننا وسارو مثل (اصدقائي) واكثثر .. ..

حتى اعمامي (اعمامي اللي بس من جدتي)

اقول لهم احبكم بـ ود واحترام طبعا في حدود الادب ..
واخوالي لانهم من قبيله تقريبا متحجرين الفكر .. وماعندهم يمين يسار غير (المزح معهم عادي)
فـ التزم الصمت في هذا الاشياء عندهم

وب النسبه ل صديقاتي ..
فـ دائما اعبر(واجدد) شعوري لهم ..

لاني عندي اخ واحد كبيرو 3 صغار)
اذا قلت احبك ي خي الواحد يستحي وما اشوف الا غبار وراه ..!!
والكبير يقول حتى انا .. بعدها يلا طفشت منك اقلبي وجهك > الغلط مو منك اللي يعطجيك وجه

بس اخواتي ... انا تقريبا الوحيده اللي شبه منعزله عنهم ..>ي خي وحده متيمه ب كتبها وثنين ع التقنيه (الاي بود) او ضرب وحرب

بس الا ويجي يوم نتودد لبعض.. ونجلس مع بعض ب حببب اخوي

.
.
.
لما النسان م يلاقي احد يحتضنه(ليس مقصود ب الآحتضان حسيآً)
من اب او ام او اخوه .. ويسمع بس الصارخ والهواش وتوصل حتى للضرب
وقسوه البيئه اللي يعيشها ..

يلجئ ل اي واحد يمد له ايده .. اي انسان كان من كان

يفتح قلبه له .. تلاقي خلاص م يقدر يعيش بدونه .. صح او غلط يشترك معاه في اي شي

.
.
خاصه البنات ..
اذا م لقيت ذاك الحب من اهلها .. تروح تدور لها
وفي النهايه يكون مصيرها الضياع ..

.

.
(يوم الاربعاء)
كنت جالسه مع (صحبات صحبتي)
ولما جت وقت محاضره صحبتي راحت وتركتني معاهم ..
وقتها كان عندي بريك ..
جلست (فقط مصغيه )
والجميع يـ، تكلم عن المطلق ب (الحبيب) والمشكله في غير هالحبيب
يعني اذا راح تنجرح يومين ومين اللي يضمد جرحها الثاني ...!!!!!
واللي تجي تقول كباين .. والي تقول شقق .............الخخخ
طبعا انا جالسه بينهم ومو داريه وش السالفه و حسيت بـ (غزو فكري فضيع )
طعا بعد صدمه دامت ربع ساعه من الاصغاء .. نطقت ب سؤال
قلت مافي هيئه ..!؟ بعد ضحكه قالو لا م تجي لهناك ..
وبلحسه مخ قلت .. طيب م تخافو احد يشوفكم ..؟
قالو ب سخريه كيف واحنا اخذنا كل الاحتياطات ....!!

رد كان صعقه ليه ..}

ورب السما ويييييينهم عنه وييييييينهم .؟

إذا خلوتَ بريبــة في ظلمةٍ والنفسُ داعيةٌ إلى الطُّغيانِ
فاستحيي من نظر الإله وقل لها : * إن الذي خَلَقَ الظلام يراني


بعدها عرفت من صحبتي ان اهلهم جافين معاهم ومو دارين عنهم .
وعرفت انهم م يخرجو من بيوتهم الا( الصباح)..

وقت يغفل عنهم الاهل .. وقت م اعطاهم الاهل الثقه

مو حرام ذاك الاب اللي يسوي ويفعل عشينك
مو حرام ذيك الام اللي ربتك من صغرك
.....
مَنْ خانت العرض يوماً * عهودها مستحيلة
بكَتْ عذابـاً وقهراً * على المخازي الوبيلة
عارٌ ونارٌ وخـزيٌ * كذا حياةٌ ذليلة
مَنْ طاوع الذئبَ يوماً * أوردَهُ الموتَ غِيلة
.....

انا م انكر ان في بعض الاهل يقول( خلاص كبر\ت ت\ي\عرف مصلحته\ا )

لا لسا م كبر\ت .. ت\ي\حتاج وعض ..هوه\هيه في مرحله خطره ..
.
.
وبالنهايه الانسان نفسه يقدر يحكم نفسه ب نفسه ..ويعرف الصح من الغلط بفطرته ..
.

الله يصلح حالنا ..

.
.
ولازلت ارى ان التعبير عن المشاعر لا بد منه :) في حدود(المباح)

.
عذرا ع الاطاله ^_^