اش حكاية بنك الأسئلة دا ؟؟ والله جننتونا

[نوني جننووني]

هااي ,,
أنا خطة ب .. والصراحة سألت كتييير واستفسرت عن كل شئ ,,
ومن أهم الأشياء اللي قالوها وبالاجماع : الاحياء ذاكري بس من بنك الأسئلة ,,
بس !! د/ نيفين ,, الله يعطيها العافية قالت نوووووووووو !!
وفجعتني من أول محاضرة لمن سألتها عن الكلام دا ,, وقعدت تصارخ وتصيح كأني قتلت أبوها ,, وتقووول : ذااكروا من كل شئ (الكتاب والعروض وبنك الأسئلة والمحاضرات) ,,
سألت البنات اللي اعرفهم وصراحة أختلف العلماء !! منهم من يقول صح ذاكري من الكتاب ومنهم من يقول لااا ذاكري بس من البنك ..
فممكن اللي عنده خبر موثوق ,,وياليت تركزوا (موثوق) يقول من فين الأسئلة بالضبط لأني أبغى أذاكر ومو عارفة أبدأ بايش ؟؟؟
مشكووورين .

[أنثى نرجسية]

:
/

آتْمَنّى آنّهْ نِلآقِيْ خَبرْ موثوقْ . !

لَكِنْ مُحَآلْ آنْ ننتَظِرْ ـآلَى حين آنْ تولدْ مُعْجِزَة تـــنقِذُنَآ ..

حَآوِلِيْ آنْ تحددّيْ مرآجِعِكْ في المذآكَرَة دونْ آيْ تَشْتيتْ

بَنْكْ الأسْئِلَة آسآسْ لآغِنَى عنهَ بكلّ تآكيدْ وبـ الإجْمَــآعْ

آسآلٌ اللهَ العَوْنَ لَنَآ وَ لَكِ ..


وبِـ التوفيقْ ~ .


:

\

[.SuperGirl]

بصراحة الله اعلم من فين حتجيكم الاسئلة

بس بالنسبة لنا
فكانت كل اسئلتنا من البنك و الاختياري في اخر الكتاب للشباتر الأولى
عشان كدا الناس قاعدة تنصح بيها
بس ماتردي يسولكم زينا ولا يغيروا

تم وضع الباسورد في الموضوع
ارجو منك الرد كي اقوم بمسحها

[سارة الحربي]

/


شخصيا اعتمدت ع البآور بوينت والبنك
لآنو اذا فهمتي الباور بتعرفي تحلي الاسئله
والباور هو نفسه الكتاب بس مترجم .!!

/

بالتوفييق

[slashik]

لا لا يحذف الموضوع..إنتي تبي تلخبطي العالم.. يعني خلاص الناس من زمان نزلوا البنك وبدأو يذاكرو وغلقوا كمان..وإنت باقي تسألي بنك ولا كتاب ولا مدري إيييش.؟؟. سامحيني يا أخت نوني بس شيء يرفع الضغط صراحة.. ولا تقولي قالت فلانة وقالت زعطانة.. إنتي شايفة المشاركات في المنتدى كلها بنك في بنك.. واستفسارات الطلاب والطالبات ليست عن (من فين أذاكر؟) وإنما(هل رح ينزل بنك جديد؟) صح إنو موذنبك..بس لا يعني ذلك إنو تنصاعي لكل مايقال..لأنو باين كلام الدكتورة اجتهاد شخصي منها أومحاولة إخلاء مسؤولية..فتقولكم ذاكروا كل شي وتريح راسها.. ولا تبحث ولاتسأل..وتلاقيها ماتحضر اجتماعات..فماهي عارفة إش إللي بيصير في قاعة الاجتماعات.. عموماهذه كلمة قالها زميلي بخصوص الاحياء: قال:.....إنتبه انا ماضيعني غير دكتور .....وتأخر نزول البنك..أما إنت ماعليك إلا مذاكرة بنك الأسئلة أول بأول..وأبشر بالفل مارك.. يعني هل من المنطق أعيد تجربة زميلي الفاشلة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ (ربـــــــــــــنا ماشفنـــــــــــــاه..بالعقـــــــــــل عرفنــــــــــــــــــــاه) البنك.....ثم البنك......ثم البنك و أرجو إنو الصورة وضحت..وربي يوفقك يانوني..

[SAUDI 2009]

يا إخوان الدكتور باعشن بينزل بنك أسئلة ثاني غلى رواية الدكتور حقي كذا قال ركزوا أنكم تفهموا الأبواب
المهم البوربوينت وذاكري بنك الأسئلة عشان إذا تنذلوا تكوني فاهمة الدروس نصيحة.............

[جامعة جدة]

انا سالت اليوم الدكتور نبيه باعشن عن بنك الاسئله الموجود في موقع الكورس كومباس

قال بينزل واحد جديد هو اللي نذاكر منه

[AlKhAyYaL]

المشاركة الأصلية كتبت بواسطة جامعة جدة انا سالت اليوم الدكتور نبيه باعشن عن بنك الاسئله الموجود في موقع الكورس كومباس قال بينزل واحد جديد هو اللي نذاكر منه

اوف اوف اوف ..
اما من جدوو دا بينزل واحد جديد ..
متأكد انتااااااااا ؟؟

[أميرة بكلمتي ,,,]

إذا فهمتي الباور معناه اكيـــــــــــــد حتفهمي البنك لأنها وجهان لعملة واحدة يعني كلهم يؤدو الغرض نفسه

افضل طريقو من وجهة نظري ذاكري الباور واختبري نفسك بالبنك

[نوني جننووني]

اممممممممم مشكوورين ,,,
نورتوا الصفحة بردودكم ..