النشاط بزيادة

[زهرة البنفسج]

السلام عليكم ورحمة الله وبركاته :
أما بعد:
لاحظت هذا الترم وبعد التغيير في الكلاسات إنو البنات صارو نشيطات غير الترم الأول يعني كنا أول ندخل عالمحاضرة لما نشوف الأستاذة جاية أو يمكن بعدها غير إنو يمكن كثير يكنسلو المحاضرة بس واللي يتأخر أكتر مايلقى مكان لنفسه غير قدام <<<<<<<<<الله يعينه
أما ألآن وبعد التغيير صار البنات قبل المحاضرة بساعة أو نص وهما قدام باب قاعة المحاضرو عشان ياخدو الكراسي الأولى !!!!!!!!!!!!!!!
بس إيش السبب في التغيير المفاجئ؟؟؟؟؟؟؟؟؟؟هل هو ::النشاط عشان لسافي بداية الترم وجايين متحمسين من الإجازة
أم البنات صحيو على نفسهم بعد ماشافو درجاتهم في الترم الأول فشدو حيلهم
أم الخطة ب في الترم الأول كانت كلام ما فيها كتابة ..........
معليش طولت عليكم ............
بس لو سمحتو اكتبو آرائكم
ودمتم بود

[جامعية جديدة]

والله اكيد لكل وحدة او واحد سببو

يعني في ناس عشان متحمسين بعد الاجازة
في ناس يبغو يرفعو درجاتهم

بس ان شاء الله يدوم هذا النشاط علينا وعليهم
يااااارب ويرتفع المعدل

قولوووو امين

[طالبة مستجدة]

انا اقولك لانو في بنات احسهم صارو يبغو بس قدام عشان يمكن يبغو يفهمو

بس ايش هوا هذا انو قبل المحاضره بساعه ونص اجي القى الكلاس ملينا مره خيررر سلامات

ايش صاير في الدنيا يعني معليش المفروض يراعو الي ماتشوف الي قصيره يعني الطول كذا كذا بيشوفو



الترم الاول مره ماكنت عايشه في هذا المعنا الحين ليه مااعرف مره مني لقايه جواب

لانو بجد الجواب مره صعب والله حالات غريبه صرت اشوف ..؟؟

بس الله يعين ان شاء الله

[hamss]

ايوة صح كلامك
البنات اول ما يجوا يحجزوا مكااان ..

مضاربة ويا فلا نة امسكي لي جنبك

انا عن نفسي نشاااط + تحسين درجات + عشااان افهم ^^

[نونـــــا]

السلام عليكم
ماشاء الله على بنات شعبتنا
تجي قبل المحاضره بساعه او نص ساعه
ما تلاقي مكان ارحمو انفسكم شويه مره انتي قدام ومره غيرك
ماشاء الله السمستر الاول علم فيهم ههههههههههه

[Swεεŧ AŋGзL]

والله من جد هالترم حمــــــــآآآآس كدا



انا عن نفسي الترم الاول ... ماكنت احضر المحاضرات اصلا

ولا افكر اني اكون قدام ولاااهتم

بس هالترم عشاني جبت أول درجآآت مررهـ حلووووووووه

شديت حيلي هالترم ...وصرت اهتم اني اروح بدري للكلاس

يعني صرت احضر محاضرات خخخخخخخ

[dandoosha]

هههههههههههه والله اني شفت منظر البنات

وهم قبل بساعه ونص عند الكلاس يحزنو مساكين كأنهم يشحتو دا كلو عشان قدام

صحيح الواحد يبغا يفهم بس مو قبل بساعه ونص يسنتر عند الباب

[مســـــــــــــــك]

ممكن صار يقدموا قبل الوقت عشان يهيؤا نفسهم
للمحاضرة وكمان الاماكن لان احسن اذا احد جلس وراء
بالذات في الاحياء و الكيماء ماحيشوف شيء
وكمان عشان رفع المعدل هذا اهم سبب اشوفه

[m-science]

انا أجي على الوقت بالضبط الاقي الكلاس فل الصفوف الأربعه او الخمسه الأولى
أيش بقي لبنات الشعبه الثانيه اللي نجي جري من العلوم ل32 او معليش لا مؤاخزه ( الصندقه )
والله انا مره ما صرت اقدر اكتب شي غير ان الأستاذه خطها نمله ولما قلنالها كبري شويه قالت هذا اكبر
شي عندي ..

الله يعين ..

[Dr.SoOoMa]

مااقدر اقول غير الله يوفقكم

واكيد كثيرات يبوا يعوضوا اللى فاتهم