عارفه انكم تحبو المساعدة وماراح تبخلو عليا

[البلورة]

بسم الله الرحمن الرحيم

السلام عليكم ورحمة الله وبركاته

حاسه اني ضايعه الله يـــــــــســـــــــــــعـــــــــــــدكــــــــــ م ساااااعدوني مررررره ضروري لانو إن شاء الله بكرة الصباح رايحة اسجل جدولي....وعندي سؤال..ايش احذف وايش اضيف من هذي المواد مع العلم انو انا مستوى ثالث وما ابغى اضغط نفسي
مبادئ محاسبة_حسب 101_3 وحدة
القانون التجاري_نظم 211_3 وحدة
مبادئ الإدارة_أدر 101_3 وحدة
مبادئ الاقتصاد الجزئي_قصد 101_3 وحدة
مبادئ تحليل كمي_قصد 204_3 وحدة
الثقافة الإسلامية_سلم 201_2 وحدة

مجموع الوحدات(17)وحدة

وممكن توضحولي ايش هيا المواد...عن ايش تتكلم...حفظ ولا فهم...يبغالها تركيز ولا لأ...سهله ولا صعبة

[E7sasBanota ~]

وعليكم السلام ورحمة الله وبركاته
أنصحك نصيحة ياعسل برأيي محاسبة وتحليل كمي ماينفع مع بعض احذفي وحدة فيهم .. لانو المادتين كلها يبغالها تركيز وطبعا مو حفظ ويبغالها اول بأول وكدا ,, ولان المحاسبة اللي معك مبادئ 101 يعني لازم تتأسسي فيها صح
اما بالنسبة لمبادئ ادارة عامة هادي حفظ صح طويلة ودسمة شوي بس سهلة وطبعا حسب الاستاذة
والاقتصاد الجزئي مادة كمان تعتمد عالفهم ومسائل ورسمات ويجي نظري شوي لكن صح وخطأ واختياري ويبغالها تركيز شوي
اهم شي زي ماقلتلك من وجهة نظري احس لو كنت مكانك ماحط محاسبة وتحليل كمي مع بعض
هادي وجهة نظري ,, وربي يسهل عليكي ويختارلك كل خير .. بالتوفيق ^_^

[احلاهم واتحداهم]

جدولك انا درسته بالعكس سهل
وحلوو وتوكلي على الله

[البلورة]

بسم الله الرحمن الرحيم
السلام عليكم ورحمة الله وبركاته
شكرا لكي اخت sarsooora ...واخت احلاهم واتحداهم على النصيحة
بس المشكلة كثير قالولي خدي 4 مواد عشان لا اضغط نفسي لانو اكيد في واجبات واختبارات وبحوث ونفسي آخد راحتي في الجامعة عشان بإذن الله اتخرج بعدل حلو <<<وانتو كمان آميييين
ومعليش....مين افضل الاستاذات في ذيالمواد عشان آخذ معاهم

[سوسا]

شوفي الشعب اللي في جدولي خدي نفسها انا اخده افضل الاستاذات

((الجدول في التوقيع))

يلا علشان الاقي ونيسه كمان

[ابودانة]

محاسبة
اقتصاد جزئي
قانون تجاري
ادرة اعمال 101 ماني عارف ليش مسجل لديك اداره عامه
ثقافه اسلاميه
14 ساعه ولا احلى

[البلورة]

بسم الله الرحمن الرحيم
السلام عليكم ورحمة الله وبركاته
شكرا...سوسا...و ابو دانة...
بس انا اليوم سجلت 4 مواد(مبادئ محاسبة_مبادئ تحليل كمي_مبادئ إدارة_مبادئ الاقتصاد الجزئي) يعني 12 ساعة .. ايش رايكم؟؟.. وافكر ان شاء الله بكره اضيف القانون التجاري يعني 15 ساعة حلو ولا لأ بس المشكلة انو انا نفسي اجيب معدل وما اضغط نفسي
وممكن اعرف مين افضل الاستاذات وكيف الاستاذة سوزان ابو العينين؟؟
سوسا<<<<توقيعك مايفتح

[البلورة]

بسم الله الرحمن الرحيم
السلام عليكم ورحمة الله وبركاته
سوسا خلاص توقيعك فتح...وعلى فكرة انتي معايا في نفس الشعب...
(مبادئ محاسبة_مبادئ تحليل كمي_مبادئ إدارة)
وكنت ابغا اسأل كيف الاستاذات شرحهم واختباراتهم وكيف مادة القانون التجاري؟؟؟؟؟؟؟

[anwaaaar]

هااي..ياعسوله انتي فالبدايه ..وهادي مواد متطلب لغيرها كتيير..حاولي تاخديهم كلهم لاتحذفي زي ماقلت لك لانها متطلب لمواد تانيه ..لوقعدتي تحذفي تجيكي سمسترات ماتقدر تنزلي مواد لانك مااخدتي الاساس حقها وتتاخري..
بس اذا انتي تحسي انك ماتقدري عليها كلها ..ولو حذفتي حتجيبي درجات اعلى فالباقي ..يسير اختاري من العملي زي المحاسبه والتحليل والجزئي..او من النظري لانو حفظ الي هما قانون واداره ..حسب انتي ايش اولوياتك وايش خطتك لنفسك..والله يعينك

[ابودانة]

بالتوفيق لكن ارى ان ثلاث مواد تطبيقية شوي صعبة تحليل محاسبه جزئ