أبطال خطة ب غدا السبت

[the change]

بسم الله الرحمن الرحيم





يقلكم أفضل طريقة للاقناع هي تقديم ادلة وبراهين واستدلالات

فـمن يتحدث إليكم الان : جاب +a في الاحياء الحمد لله يارب


المذاكرة من السلايدات + التريننق

في الدوري الاول :

من سلايدات + تريننق + نماذج أسئلة اللي منزلها الدكتور في موقعه (120 ) سؤال

وزي ماهو ذاكرلكم في الموقع انو 20 سؤال في الاختبار من التريننق , و10 من النماذج

ونفس الشيء هذا جانا في الاختبار الاول الترم الاول

لكن احنا اعتمدنا عليها (فقط) , فتورطنا ورحنا وكلمناهم وادونا بونس وانتهى الموضوع

لكن انتوا الان اخذتوا درس

ومذاكرتكم حتكون بفهم , باستيعاب , بمذاكرة اول بأول زي أي مادة بتدرسوها

.
.
.
.

فيه فرق بيننا وبينكم

احنا مو زي بعض

- احنا كنا جينا من إجازة صيفية

وماندري عن شيء

نبغا نسأل

نسأل مين ؟؟
نسأل طلاب العام الماضي



- ياهو كيف الاحياء ؟؟

- ياهو من فين ذكرتوا الاحياء ؟؟

- ياهوه طيب كيف نذاكر الاحياء ؟؟


يجاوبونا :

- تسسسست باااانك

- الاحياء سسسهل

- الاحياء مررة مايبغاله

- الاحياء كلنا a




اما انتوا الحين

جايين من خطة قبلها

وعارفين كل شيء عن المادة

وشفتونا إحنا

عارفينا وعارفين وضعنا

فهمتوا كل شيء وعرفتوا كل شيء وانتوا الحين على بينة



اما إحنا ماكنا كذا

ناس خريجة ثانوي داخلة جامعة ماتدري عن شيء تسال ناس في المنتدى ولا احد الاقارب والاصدقاء

ويقولولهم تست انك والاحياء سهل وكيييييف الاحياء متعبكم المفروض انو اسهل مادة عشان فيه تست انك

وخلونا من اول يوم نقول تست وتست انك !




فاحنا مختلفين عن بعض

انتوا غير وإحنا غير


انتوا خطة وتعتبروا طلاب خطة واحنا خطة أخرى

خلال ترم كامل يتغير كل شيء

ماهو بالشرط والواجب انو نفس وضعكم يكون وضعنا ونفس اللي صارلنا يصيرلكم

يعني بالعقل




.
.
.
.


سبب كلامي هذا

هو عندما أقرأ رد عن الانسحاب من الجامعة ويرتبط معه مادة الاحياء

والله يتألم قلبي

مادة مايبغالها ولاتستحق والله

يتألم قلبي من عدة نواحي لكن لا داعي لذكرها << أعلم للجامعة دور ولدكاترتنا دور لكن هذا الشيء مو بيدنا , ومو عذر لنا , إللي بيدنا نذاكر والباقي عليهم



السبب الثاني

هو أني لامست بعض الردود وكانها تتوقع الشيء السلبي والمخيف والمتوتر في الاحياء << اعتمادا عللي حصلنا إحنا

فاحب أقلكم واطمنكم

ذاكروا الاحياء أول بأول ومعاه التريننق اول باول

وفي اختباركم هذا ركزوا علـ النماذج

زي ما كنت أسوي انا وباذن الله "" ماركات مفلفلة " "


مادة كلها حفظ في حفظ ماهي قواعد ولا مسائل وانا قلت هذا الكلام من اول وحقوله مرة ثانية هنا

حتى لو ماحضرت محاضرات في الاحياء تقدر تجيب الفل مارك فيها

لانو مايبغالها

اقرأ وافهم بنفسك واحفظ وبارك الله



.
.
.
.

الطلاب \\ اختباركم يوم الاحد

من الحين لاخر اليل ذاكروا شابتر ولا شابترين

وبكرا نفس الشيء , واكيد إنكم بادين من أمس

ومعاها ذاكروا التريننق والنماذج ركزوا عليها

و "اللي قدها " يقول انا قدها ويمضي في الحياة

وبالتوفيق لكم ياقدعان


......................


(((ومضة ))))


ترا ماخلاني أعدي الاحياء برغم كل اللي كنا فيه من الضغوط

هو هذه الجملة """"" أناااا قدها """


وانتوا قدها

ومن الان لين بعد اختبار الطالبات ما ابغا أشوف ولا رد ولا ربع رد عن الاحياء وانو طويل وانكم طفشتوا ولا أي شيء

بعد الاختبار تعالوا عبروا واكتبوا , والله افتحلكم موضوع تعبروا فيه بس الحين لا

اكتموا مشاعركم لمابعد الاختبار والان ما ابغا أقرا إلا :


- الاحياء سهل

- الاحياء جميل

- الاحياء مادة "" مايبغالها ""

- ومافي فرق بيننا وبين THE CHANGE

- واللي خلاها تحيب +a يخلينا احنا كمان نجيب +a واحنا مغضمين

- واللي خلاها تتحدى نفسها وتشوف انها قدها يخلينا احنا كمان نقول هذا الشيء عن نفسنا ونتحدى نفسنا ونشوف نفسنا


وكلكم قدها وكلكم +a

وروحوا ذاكروا واجتهدوا ياطلاب خطة ب

وطلاب خطة أ خلوهم يتناقشوا على موضوع الاحياء في الموضوع والخبر إللي نزل

من حقهم أما انتو لسا ماختبرتوا اول اختبار فمايخصكم أبدا الموضوع , وروحوا ذاكروا

ولااااا يأثر فيكم الكلام والاخبار

لو صارلكم شيء ساعتها تكلموا وعبروا وتناقشوا لكن الى الان ان شاء الله وضعكم طيب واللي صارلنا أبدا مايصير لكم


وبالتوووفيق لكم

هو كلام سريع سريع لكن والله طالع من قلب وقلبي متفطر من الالم

وتحياتي لشخصكم الكريم

[Cherry blossoms]

^^


الله يسعدك

كلام جميل ، رفعتي معنوياتي

موفقه ياارب

[S.Bn]

و الله حتى انا مرة رفعتي معنوياتي



















يسلمو يا قلبي

[ƨɱƨɱ]

شكرا ياقلبي عالدعم المعنوي ...

الله يوفقك ويسعدك..

[عآشق الريم]

آنآ قدهــا بإإذن الله


الله يـوفقك آخـتـي

وشــآكـر لك المبـآدرةة الـطـيـبـة وفـ موآزيـن حسنآتــك يَ رب

[dr.ro0ody]

فعلا ماازيد حاجه ع كلامك

الكل اللي عمل كدا اخد +a وهوا مرتاح

ولو بقولكم عني من بعد أذنك ممكن تستفيدوا من اخطائي

انا الميد الاول مشيت ع كلام دكتورتنا وزاكرت السلايدات فقط من غير النماذج 120 سؤال

وجات 10 اسئله من النماذج حليت منها فقط 4 فقرات من 10 فقرات !! يعني قمه الاحباط
و20 سؤال جاء من السلايدات والله يابنات كانت اسئله مباشره من السلايدات وسهله وحلوة وماافيها حاجه
واخدت 24 من 30 !!
رغم الكيمياء فل مارك والاحصاء 27
والاحياء لاتعلييييييق

جدا تأثرت وزعلت وقولت خلاص راحت +a ____ ازا من اول اختبار واسهل جزئيه اخدت 24
واقول بس كويس +b وتأثرت كتير وصلت لدرجه ابغا اسحب ملفي بسبب نقصي في ماده الاحياء
والسبب ( لانكم عارفين الاحياء من احد المواد المطلوبه في الصيدله )


وبعدين قالوا في 5 بونس انا فرحت وبعدين دكتورتنا تقولنا لاتعتمدوا ع 5 درجات لحد دحين في كلام فيها __ وقبل الميد التاني ممكن بفترة بسيطه اعطتنا درجاتنا النهائيه وشفت درجتي 29 ___حسيت بحمااااس فظيع مع خوف وقلق وتوتر

لاكن بعد الميد الاول تحطمت فعلا بس اعطيت نفسي جرعه من الحماس وسرت ازاكر الماده اول باول واركز عليها اكتر واكتر واخصص لها يومين في الاسبوع مزاكرة + يوم الخميس مراجعه للي زاكرتوا في الاسبوع + كل اسبوع اكتب المصطلحات في ورقه مع ترجمتها وازاكرها كل صباح وانا رايحه الجامعه في السيارة
والاسبوع اللي بعدوا اكتب مصطلحات جديده
وحسيت بحماس وماازيد على كلام الاخت الرائعه the change اقول انا قدها وانا قدها
وهما مستحيل بيجيبوا حاجه من المريخ كللو من السلايدز ومن المنهج
وبفضل من الله ثم حماسي ومزاكرتي المتقنه اخدت الفل مارك لانو ارجع اكرر بدون مبالغه كلوا من السلايدز

والفاينل طبعا عارفين الهرجه اللي حصلت لنا وسحب الاوراق والكلام هادا
و الاختبار كانت الجزئيه حلوة وسهله وقصيرة بس من الحركه اللي عملوها معانا جدا توترت وقلقت ونقصت 3 درجات
رغم ماايستاهل ولادرجه ننقصها لانوا كان اسهل من الدوري الاول والتاني
ولاكن الحمدالله طلعنا ب 96
وكنت اقول مع الكسل والاحباط بعد الميد الاول كويس +b

بس تعلمت حاجه مهمه انو ( ربي ماايضيع تعب ) + مع الاصرار والعزيمه
تاخدوا a+ بكل سهوله وراحه

[عزجهينة]

انا قدهاااااا

[noonz]

تشششششششششششينججج ربي يسسعدك والله كلامك يحممس

وخررووا أنآ كمان بقولكم تجربتي ههه

ف الدوري الآول مع الحوسة اللي سآرت
صحيح أني اتشتت شوية
بس اتوكلت ع ربي ومسسكت السلايدز
قبل لآ أروح الآختببآر مسكت الـ 120 سؤال وحفظظتهم مزبوط
الحمدلله الدرجة كآنت مفلفلة

الدوري الثاني الصراحة ما مسكت غير السلايدز , لكن الكل أقر إن الاختبار كان فيه شوية صعوبة
نقصت شوية الحمدلله لكـن ما زلت في إطآر الـ a+
طبعا وقتها أعطونا بونس محترم

النهائي

مسكت السلايدات
بس أستهونت
يعني قلت خلاص جبت عالي ف االدوريات ضامنة الـ a+ إن شاء الله
وهآدا كان أكبببر غلط سويته وللأن ندمانة عليه والله , ودا الترم جالسة أبذل جههدي عشآن أعوض نقصاني فـ دي المآدة .. يآرب عونك
طبعا نقصصت ف النهآئي بس الحمدلله لازلت في إطآر الـ a وهو كان أقل مادة عندي

-

آخر شي أبغى أقولـــه
الأحيياء إشاعاته كثيرة
مهما قالو وسووا خليكم ع السلايدات
صدقوني مارح ينفعكم إلآ هي بعد اللـه
طبعا مع المذاكرة أول بأول

والعآقل من اتعظ بغيره

وبالتوفيق للأولآد والبنآت وأنتو قدهههآ

المشاركة الأصلية كتبت بواسطة the change مادة كلها حفظ في حفظ ماهي قواعد ولا مسائل وانا قلت هذا الكلام من اول وحقوله مرة ثانية هنا حتى لو ماحضرت محاضرات في الاحياء تقدر تجيب الفل مارك فيها لانو مايبغالها اقرأ وافهم بنفسك واحفظ وبارك الله .

مآ أتفق معآكِ هنآ لول !
بالعكس والله لآزم يحضرو خصوصا جزئية الطاقة وتبادل الغازات يبغالهم شوية فهم , يعني أنا واجهت شوية صعوبة وأنآ أحفظهم الصرآحة ..

[املي بك يالله]

مشكوورين مررة رفعتو معنوياتي الله يسعدكم

طيب سؤال خارج الاحياء
الكيمياء كيف اذاكره ومن وين

بليييز احد يعطيني طريقه اذاكر بيها الكيمياء

احس اني اذاكره واخلص وماكاني ذاكرت شيء

والله مرة مرعوبه منه

الله يخليكم ساعدوني

[M33DO]

طيب احنا الاولاد ...... نفس الهرجه ولا تختلف ...؟؟!! ..