الاعتذار والتأجيل عن الفصل الدراسي

[خواجة جدة]

السلام عليكم

حبيت اسئل اللي يعرفو عن الاعتذار عن الفصل الدراسي .. والتأجيل عن الفصل الدراسي
ماني عارفه ايش الفرق بينهم
لاني ناويه اكنسل مااكمل هذا الترم
فأبغا اعرف ايش الفرق بينهم وفيه مكافأة ولالاخلاص تروح عليا لمن اعتذر او ائجل ؟؟

ابغا بالتفصيل الله يسعدكم

شكرا ,,,

[خواجة جدة]

معقووووله مافي احد يعرف

؟؟؟؟؟؟؟؟؟؟؟

[العلم والعالم]

لا يوجد فرق بين تأجيل أو إعتذار


وفي حالة الأعتذار أو التأجيل (خلال فترة الفصل المؤجل) يحرم الطالب والطالبة من المكافأة

[نتاشي]

السلام عليكم مساء الخير
ايوا حبيبي انا اعتذرت وماف فرق بس ترم طبعا يكون الاعتذار مو اكتر وماتقدري تعتذري كم ترم ورا بعض ماينفع مره
وكمان ماف مكافاه بالمرررررررررررررره ولا ريال ولاربع ريال وكمان لما ترجعي للدراسه ماراح ينزل لك جدول لازم ترجعي للشؤؤن ومره مره حوووسه يعني انااحتست حووسه عشاني اعتذرت الترم الاول

والله يوفقك يارب

[تولين^_^]

انا اقولك لاتعتذري غير باخر فتره بعد ماحتعتذري حتوقف المكافاءه لاتعتذري دحين
استني شوفى التاريخ واخر فتره اعتذري بالتوفيق

[خواجة جدة]

شكرا لكل اللي ردو

بس ابغا اعرف المكافأة هاذي اللي بيقطعوها عني في هذا الترم عشان الاعتذار
يرجعوا بعدين لما ارجع اكمل يرجعو يصرفوها ولالا؟؟
يعني حتى لو خلصت 4 سنين دراسه يكملون ويعطوني هاذي المكافأه اللي قطعوها عني ؟؟

انشاالله فهمتو علي ؟؟

[Ro0oSa]

انا إلي اعرفوا إنه لا معد يعطوكي ياها بعد 4 سنوات حتى لو اعتذرتي عن ترم وقطعوا عنك المكافأة فيه يعني ماتتعوض):

[العلم والعالم]

أربع سنوات فقط من تاريخ تسجيلك بالجامعة (ثمان مستويات ) بعدها مافيه مكافأة

[Shy smile]

المشاركة الأصلية كتبت بواسطة شواطئ البحر بأضافة ألى كلام السابق موعد التأجيل ينتهي في 16 رمضان الشي الثاني أعتذار تنقص مكافئتك يعني بتأخذي مكافئة لمدة 3 سنوات ونصف أم تأجيل لا ينقص من عدد سنوات المكافئة

ممكن جواب أكيد بخصوص الفرق بين الاعتذار والتأجيل من ناحية المكأفاه ؟؟؟

[قديم جداً]

انا الي متاكد منه او في فرق بين الاعتذار والتاجيل حتى في المده التاجيل فرصته الول السبوعين من بداية الفصل اما الاعتذار في اي وقت لاكن الي ابغا التاكد منه المكافاء............