بنات التدريب في البنوك>>>>>الرجاء ردو ضاروري

[asdf]

السلام عليكم
بنات انا بتدرب دحين في البنك العربي بس ما احس نفسي استفدت اي شي والتدريب ولاشي خايفة من التقييم يكون سيء
يعني هما خلوني استقبل العميلات وافتح حسابات واصور الاوراق وارسل بالفاكس هو كدة عادي ولا في شي كمان المفروض اعملو والدكتورة امل طالبة تقرير عن مشكلة واجهتها بس ما مرت علي اي مشكلة
ايش تقترحو عليا اكتب هي قالت اعطيني 3 مشكلات وانا اختار وحدة ((تخصصي موارد بشرية))


بليييز بنات ردو ولا تخيبو املي مالي بعد الله الا انتو

[غلا&جده]

اب



اب



ان شاء الله يفيدوكي اللي عندهم معلومه عن دا الشي
وعلى التقرير راجعي دكتورتك ولا ارسليلهاا قولي اقدر اكتب تقرير عن اللي انا سويته لان مافي مشاكل واجهتني

[asdf]

تسلمي يا غلا ويارب يوفقك دنيا واخرة

[شموخ كبريآئي]

وعليكمـ آلسلآمـ ورحمة آلله وبركآته ~..

للآسف دآيمآ تدريب آلبنوكـ كدهـ مآيدربوكي علىآ آسآس تخصصكـ ،، ودكتورآتنآ حذرونآ من آلبنوكـ :(

إن في مجآل تغيري آلمكآن غيريه ~..

موفقة ~..

[$بسومه$]

بنات سوري ع الدخله بس مادة بحث وتدريب تقدري تاخذيها ف الترم اللي قبل التخرج ...

او لازم اخر ترم لاهنتوا ؟

[طلال الاسلمي]

مشاكل البنوك

الزحمة والتأخير ، عدم اعطاء المعلومات الكافية للعميل عن الخدمات البنكية ، التأخير بالدوام ، المظهر ، طريقة استقبال العميل ، عدم معرفة الموظف بكافة الخدمات البنكية ، الامن عنصر مهم هل العميل يتلف بطاقة الصراف الالي ام يعطيها لموظف البنك ، ما مدى ثقة العميل بموظف البنك ومامدى سلبية هذه الثقة ، ما مدى التوعيه البنكية للعميل
ابحثي بالنت عن بعض المشاكل اللي تحصل مع العملاء بالبنوك كقصص وتكلمي عن طرق حل جذري للمشكلة :)

ما مدى توعية البنك للعملاء هل شفتي بنك يعمل مطبوعات للتوعية بالبنك ام كل المطبوعات هي سلع خدمية تفيد ربحية البنك على وجه التحديد !

عند اخذ العميل للمنتج من منتجات البنك كالقرض للسيارة او القرض لأرض او القرض لأسهم هل يتم التوضيح للعميل على كافة الشروط ام يكتفى بالتوقيع اسفل الشروط ؟
مدى تأثير الوقت على الاداء الانتاجي بالبنك؟
هل يوجد تشجيعي للبنك على زيادة الكفاءة والانتاج للفراد مثل البونص والحوافز والاجازات ؟

القائمة تطول :)

[شموخ كبريآئي]

^

آلمشكلة كمآن لآزمـ تكون مرتبطة بآلموآرد آلبشرية ~..

[شموخ كبريآئي]

المشاركة الأصلية كتبت بواسطة $بسومه$ بنات سوري ع الدخله بس مادة بحث وتدريب تقدري تاخذيها ف الترم اللي قبل التخرج ... او لازم اخر ترم لاهنتوا ؟

لآزمـ آخر ترمـ ~..

[دروووب]

حبيبتي هالماده يبغالها خيال مره واسع وشاسع .. يعني افتحي مخيلتك ع مصراعيها ؛< متعوب ع الكلمه :p

شوفي ف كتاب الموارد البشريه اللي درسناه .. اكيد بتلاقين مشاكل وثغرات .. اقريه مره ثانيه وقارني بينه وبين االمكان اللي بتتدربي فيه .. اكيد فيه ع الاقل خلل واحد ف البنك اللي انتي فيه .. وحتى لو مافيه حاولي تخترعي اي خلل

لآن م اتوقع لو قلتي للدكتوره مافي مشكله ف المكان راح يعجبها ..

وبالنسبه لـ سالفة انه مافي شغل .. فالوضع مره طبيعي .. اي مكان بتروحيه تدريب م بيعلموكي شغلات كثيره .. لانهم م راح يستفيدو انهم يعلمو متدرب راح يجلس فتره ويروح .. فلا تخافي

الله يسهل لك

[asdf]

ربي يوفق ويسعد كل من رد

شموخ كيف ممكن اغير مكان التدريب انا كنت افكر اغير الدكتورة بس خايفة اتوه وتطلب تدريب مرة تانية لان الاوراق تختمت باسم امل وانا مرررة صعبة عليا خاصة انو ولدي صغير وما عندي مكان احطو فيه وما اقدر اتدرب بمكان اختلاط