أماكن التدريب المسموح نتدرب فيها+اللي مع رجاء الشريف بحث وتدريب

[جامعية كوول]

اليوم رحت الجامعة 8ونص سألت عن الدكتورة رجاء قالو تجي على وقت ساعتها المكتبية الساعة 10
قلت طيب الوقت استغله في اني أسأل عن التدريب
رحت الشؤؤن التعليمية عند أستاذة رحمة قالت مو عندنا روحي مبنى420عندأستاذة مريم
وأروح يقولو لا في المبنى الثاني ويدلوني بنات على مكتب الأستاذة جوهرة اللي بيعبو فيه الأسماء وأماكن التدريب
وأوصل المكان المذكور وألاقي مكان في انسانة مره ذوق<<غريبة على جامعتنا
واخترت مكان التدريب وكتبت اسمي وكل شي
بس قالتلي بعد كذا لما تجي تراجعي الشؤون التعليمية وأي وحده بتسجل مكان التدريب تعبيه تحت في نفس مكان مرشدتنا عبير عسيري يعني لاعاد تطلعو فوق

وبكذا خلصت من اختيار التدريب

وأرجع استنى الدكتورة رجاء قدام مكتبها ساعة ونص لحد ماجات الساعة10
بعدين نزلت تحت عندأستاذة رحمة سألتها عنها قالت دوبها كانت هنا وراحت تصلي مدري فين
وقالت اسألي ندى وحده قدامها وأسألها قالت والله ماأعرف
قلتلها ليا ساعتين انتظر الدكتورة ياليت لوتقدري توصليني لها طبعا طنشتني

وأرجع اطلع ومره ثانيه أنزل
وقلتلهم مالقيتها مين ممكن يفيدني قالت اسألي داريم مكتبها قدام الدكتورة
وأروح لها قلتلها اتصلي عليها وكلمتها قالتلها أنا في اجتماع يخلص الساعة12ونص
قلتلها طيب ماأقدر أخذ رقم الدكتورة قالت لا
قلتلها طيب أخلي رقمي عندك ولو وافقت الدكتورة تعطيني رقمها ترسليلي اياه قالت الدكتورة صعب التعامل معاها
قلتلها طيب ترد عالايميل قالت ايوا
الله يعيننا عليها شكلها من جد صعبة


نجي لأماكن التدريب
بدون اختلاط:

شركة بالبيد
شركة أصالة ورقي
البنك الأهلي التجاري
بنك سامبا
بنك البلاد


اختلاط:
شركة دلة
شركة بنده
شركة رولاكو
شركة ايلاف للفنادق والسياحة
شركة بوبا
المستشفيات الخاصة
الغرفة التجارية
شركة صافولا
شركة دلتا للتسويق
جدة هيلتون

وحدة التخطيط والتطوير بوزارة التربية والتعليم<<مومكتوب قدامها شي
التدريب داخل الجامعة<<تم الاكتفاء
في مكاتب بس خاصة لتخصص محاسبة


طبعا لازم تسجلي رغبتين
أنا سجلت الرغبة الأولى بنك سامبا
الرغبة الثانية البنك الأهلي التجاري

والله يوفقني واياكم..

[خلود 26]

بالتوفيق ياعسل

[بائعة الـورد]

جامعيه الله يسعدك فرحني موضوعك مره الحمدالله في احد
جاب لنا معلومه شوي طيب اللحين هذي الاماكن بس
يعني انا خارج جده اختار ايش بالظبط بنوك
لان الي الباقي قلتي عليه مو موجود عندنا
او اختار مقر عملي ينفع ؟؟؟؟

[om yara]

بالتوفيق يارب جامعية كوول

[بنت كووول4]

جامعية أماكن التدريب هذي بس خاصة برجاء
ولا حقت قسمنا تطوير وتنظيم أداري


أنا مع خديجة

[اكليل الورد]

الله يوفقك حبيبتي وييسر لك كل عسير يارب والله يعين ع هالرجاء ويهديها لنا وتتساهل معانا ،،، وع حكاية اماكن التدريب زي ما قالت بائعة فين نتدرب اللي برا جدة

[rubi]

جزاك الله خير لسرد الاماكن

وان كنتي اطلتي بسرد تفاصيل لاتفيد لكن اشكرك على ذكر الاماكن

[جامعية كوول]

بنات أماكن التدريب لكلية الاقتصاد والادارة
أنا بس ماكتبت اللي تخص المحاسبة
المكتوبه كلها مسموح لنا وفي كم مكان ادارة أعمال دولية وأظن تسويق مايقدرو يتدربو بس احنا عادي

بالنسبة للي برا جدة
في الأول شوفو أي وحده بتروح الأسبوع الجاي تسجل أسماءكم وأرقامكم الجامعية وجوالاتكم والمكان اللي تبغوه وتقلها انكم برا جدة لأنه لسا حياخذو الموافقة منهم بعدين حيرسلو مسج بعدين نطبع الأوراق من الأودس ونروح الجامعة يختموها
يعني شغله يبغالها وقت

[جامعية كوول]

المشاركة الأصلية كتبت بواسطة rubi جزاك الله خير لسرد الاماكن وان كنتي اطلتي بسرد تفاصيل لاتفيد لكن اشكرك على ذكر الاماكن

واياك
لو لاحظتي الموضوع في اشارة+ يعني بدل ماأكتب موضوعين كتبت واحد
وانا واعده البنات اللي في القروب تبع رجاء اني أقولهم ايش يصير معاي لماأروح وكتبت التفصيل من المعاناة اللي لقيتها
كان بامكانك تقري من الخط الأحمر وتحت هو اللي يهمك اللي فوق يهم اللي معانا في البحث والتدريب.

[اكليل الورد]

جزاك الله الجنة والله يسعدك ياارب ,,,ان شاء الله اخلي احد يسجل اسمي وشكلي حختار زييك بنوك ,,وفي انتظار اي خطوة تقومي بيها يااعسل