اللي نجحوا في قراءه 2 (طالبات)...ياليت تفيدونا

[مروره]

بسم الله الرحمن الرحيم

السلام عليكم ورحمة الله وبركاته

بنات ...ياليت تفيدونا بخصوص مادة القراءه 2 مع مس آلاء المحمدي
الله يسامحها مس آلاء بشرتنا بالخير ...قالت القراءه1 كان جدا جدا سهل تقصد بالنسبه للقراءه 2

عيون البنات طلعت في المحاضره لما قالت هالكلام :(
قامت ترقعها وقالت لا لا أنا أقصد لازم تذاكروا من بدري وتجتهدوا عشان تنجحوا

بنات ياليت تفيدونا بالمهم ...هيا مجرد استراتيجيات تتطبق زي القراءه 1

اش المهم في الكتاب واللي لازم نركز عليه من خلال تجربتكم...وكيف كانت طريقة الإختبار

حاسه إني رجعت لدوامة القراءه 1 بعد ماخرجت منها ع الحافه:(

[white rose]

وعليكم السلام ورحمة الله وبركاته
هلا مروة

انا اخذت مع مس الاء زمان ايام الانتراكشن وفعلا هيا صعبة في ريدنغ 2

واختباراها مو سهل يبغالك شغل عندها يعني حضري حالك مضبوووط وامشي على كلامها واقراي كل الاستراتيجيز وطبقي كل حرف وزيدي من عندك جهد ودائما جزيئة الفوكابز عندها تكون تعتمد على تفكيرك انتي مو على حفظك يعني شدي حيلك تمام انا بالنسبة ليا هيا كانت اصعب من ريدينغ 1 حتى درجتها اقل عنو فشددددي حيلك وربنا معاك قادر يفتحها بوجهك ويكرمك معاها بالنجاح وان شاء الله يجو بنات يفيدوك عن منهجكم في الكولج لكن بشكل عام الجهد الاكبر عليك وبالتوفيق ^_^

[مروره]

white rose
الله يسعدك يااارب ...
والله حاسه الماده هذي هم على قلبي ....الله يعديها على خير يااااارب ...وييسرها علينا

Thanks my dear

[nour al3mr]

وعليكِ السلام ورحمة الله و بركـــــاته

حيـآكِ ربي :)

أنا درست الكولج 4 لهذا الكورس

صراحة شفته رائع ومافيه اشكالية أبداً

للحق مادرست كولج 3 فما أقدر أعمل مقارنة لكن القراءة 2 مواضيع كتابه جميله
صح علمية وممكن هذا اللي مخليها تقولكم أنه صعب
بس كل الكتب سواء 3 أو 4 نفس النمط
مجموعة استراتيجيات تطبقيها و قطع و كلمات و أسئلة

فلا تشيلي هم و أبدأي من الحين و الله يطمن قلبك ويوفقك

[مروره]

انتي بلسم يانــــــــــــور

الله يسعدك ويسهل لك ...

ويتمم لك تخرجك بمعدل أعلى مما تتمني

دعواتك:)

[لصممتي حكممه]

إهم شيء جزئية الفوكابلري ، أضيفي عليها كلمات القطع لازم تحفظينها أنا أخذت عنها ريدينق 1 ، ريدينق 2 مايختلف إلا في الكلمات لكن نفس الاستراتيجيز تقريبا ، ذاكري الاستراتيجيز واحفظي كتاب الفوكابلري مع البارت أوف سبيتش تبعها ، أحفظي كلمات القطع وتدربي عليها
موقع الكتاب لاتفوتيه مرررا ساعدني خصوصا في جزء الفوكابلري ، هذي كانت طريقتي أن شاء الله ربي يوفقك توكلي عليه وسلمي أمرك له ولاتتوترين انتي قدها أن شاء الله ،..

بالتوفيق ...

[نور المستقبل]

الحمدلله كان الاختبار لا باس
والحمدلله لاحظت انهم بدوا ما يصعبو الاسئلة
وفي كتاب الفوكابلري جابت سوال 4 في صفحة 104 بضبط
والله يوفقك

[الملاك الأبيض]

مرحبا مرورة وكل البنات الي يسألو عن مادة الريدينق 2 بصراحة بالنسبة لي حسيتها افضل واسهل من ريدينق ون وحتى امتحانها كان اسهل ولكن الصدمة كانت في الدرجات انو اقل من المتوقع بكثيرررر مع اني حليت بشكل افضل من الريدينق ون ولحد اليوم مااعرف ايش الغلط الي كان ,, على العموم المادة حلوة كثير ونفس طريقة مذاكرة الريدينق ون بس هنا عندك في كتاب الفوكابلوري كلمات اكثر واصعب شوي ويبغى لك تحفظيها ,, بالنسبة لمعانيها انا كنت اكتب المعاني من فهمي ومو شرط من نص الكتاب ,, الاستراتيجيات راح تلاحظي انها اقل من الاستراتيجيات الي في ريدينق ون , ولو ماكنت ناسية اتوقع في استراتيجية اسمها التوون في اول تشابتر هذي مهمة وتركز عليها الميس ويجي منها في الاختبار ,, امم والقطع الي في الاختبار كانت اسهل من ريدينق ون وكانت على ايامي قطعة عن التعليم في الصين والقطعة الثانية ناسية ايش كانت ,, بس نفس طريقة ريدينق ون في الاسئلة نفس الاسلوب يعني اذا عديتي مع ميس الاء ريدينق ون فإن شاء الله بتعدي هذا كمان لانو نفس الاسلوب وبعدين زي ماقالت اختي صمتي انو تدربي على موقع الكتاب تبع التمارين مررررررررة مفييد وحلو لتدريبك واحيانا تيجي منه اسئلة الفوكابلوري ,,سوي الي عليك ولا تخلي الخوف حاجز نفسي لنجاحك ترى الي نجحو موو احسن منك وانتي قدها وقدود ان شاء الله , بس شدي حيلك وربي مابيضيع تعبكم ,,وربي يوفقكم ان شاء الله

[مروره]

لصمتي حكمه ...الله يسعدك ويوفقك ياارب ...إن شاء الله مافي توتر بعد ردودكم الحلوه ..

نو المستقبل ...أشكرك على حرصك واهتمامك ....ربي يوفقك ياعسل ...وإن شاء الله يكون الإختبار سهل ونعدي الماده ...
الملاك الأبيض ...أهلا بالنور كله :)
بالفعل لاحظت هذا الشي ..كتاب الفوكابلري الظاهر إنه دسم اشويتين
وبإذن الله ماانسى موضوع التمارين اللي في الموقع لأني تركتها بسبب ضيق الوقت الترم اللي فات ..

ربنا يوفقكم جميــــــــــــعا

[بر الأمان]

انا التيرم الماضي كانت معي ريدينق 2 بس مع مس مني و ريدينق 1 مع مس الاء شوفي هي اهم شيء عندك كلمات من اول و الاستراتيجي تكوني متمكنة منها ...
و ركزي قد ما تقدري علي كتاب الفوكابلري و لو بديتي من هلا بكتاب الفوكابلري و تدربتي علي موقع الكتاب كثيييير حترتاحي و تحسي نفسك راح عنك هم المادة و خف الخوف منها ... يصير لو عندك وقت بعدها تدخلي مواقع تعطيكي قطع و عليها اسئلة و النت مليان بهيك مواقع

بس الاهم تكوني انتي متمكنة من املادة و ما تخافي لانه سبحان الله لمن تعطي نفسك رسائل ايجابية انك حتنجحي و حتجيبي معدل حلو في المادة و انه المادة سهلة و حلوة مهما كانت الاستاذة صعبة صدقيني بتسهل انا زيك كنت شايلة هم كل مواد التخصص في مستوي الرابع بعد ما شفت درجات مواد مستوي ثالث و كيف المدرسات شديدات و لكن حطيت في بالي ما في شيء صعب و اني حانجح صح ما جبت المعدل اللي نفسي فيه بس درجاتي احسن من المستوي الثالث و احس نفسي استفدت لانه حطيت في بالي اني احب المواد مهما تكون صعبة
موفقة يا رب